AI, მითხარი, რამდენი დამრჩა?.. - შექმნეს ხელოვნურ ინტელექტზე დაფუძნებული პროგრამა, რომელსაც შეუძლია დაასახელოს ადამიანის გარდაცვალების სავარაუდო თარიღი
წარმოიდგინეთ კომპიუტერული პროგრამა, რომელსაც შეუძლია ზუსტად გამოიცნოს ნებისმიერი ადამიანის ხასიათი (მაგალითად, ინტროვერტია თუ ექსტრავერტი) და მისი გარდაცვალების სავარაუდო წელიც კი გამოთვალოს - მხოლოდ მისი ბიოგრაფიის ფაქტებზე დაყრდნობით.
- ეს არის ზუსტად ის, რასაც life2vec აკეთებს - ხელოვნური ინტელექტი, რომელიც გასულ თვეში, დანიაში შეიქმნა. მისი შემქმნელების თქმით, გამოთვლების სიზუსტე უზრუნველყოფილია კომპიუტერულად გაანალიზებული მონაცემთა ბაზის კოლოსალური მოცულობით.
ხელოვნური ინტელექტი ქვეყნის 6 მილიონი მოსახლის შესახებ ყველა მნიშვნელოვან ინფორმაციას ფლობს: მათ შორის პირად და სამედიცინო ინფორმაციას. ყველაფერს, რაც სტატისტიკის ეროვნული სამსახურის განკარგულებაშია.
მილიონობით მსგავს პროცესზე დაკვირვებით, ხელოვნური ინტელექტი განსაზღვრავს ცვლილების ყველაზე მნიშვნელოვან ფაქტორებს, მათ შორის სამ ძირითადს: განათლების დონეს, შემოსავლის დონეს და ქრონიკულ დაავადებებს.
აღმოჩენილი კავშირები გამოიყენება მოვლენების კონკრეტული განვითარების ალბათობის პროგნოზირებისთვის. ასევე ფასდება რაიმე მიზეზით გარდაცვალების ალბათობა კონკრეტულ ასაკში.