ახალი წელი თეთრი სამოსით - როგორ შეხვდნენ ივანიშვილის შვილი და რძალი 2024 წელს: ნანუკა გუდავაძე ფოტოებს აქვეყნებს

ბიძინა ივანიშვილის პოლიტიკაში დაბრუნებასთან ერთად, სოციალურ ქსელს დაუბრუნდა მილიარდერის ოჯახიც. წინა წლებისგან განსხვავებით, ახლა უფრო ხშირად დებენ ახალ პოსტებს ექსპრემიერის ვაჟი და რძალი. ცოტა ხნის წინ ბერა ივანიშვილმა სოციალურ ქსელში ბრაზილიაში გადაღებული ახალი ვიდეო-რგოლი გამოაქვეყნა, ამჯერად კი ნანუკამ - საახალწლო ფოტოები.

სრულად თეთრ ტანსაცმელში ჩაცმული ოჯახი, 12 საათის დადგომას შვილებთან ერთად გარეთ ხვდება. წყვილი, სავარაუდოდ, ისევ ბრაზილიაშია. ფოტოებზე უამრავი კომენტარი დაუწერეს, მათ შორის იყვნენ ცნობილი სახეები. „რა კარგი ოჯახია“ - წერს ანუკი არეშიძე. ივანიშვილებს ახალ წელს ულოცავს ექსმინისტრი ეკატერინე ტიკარაძე, მოდის ექსპერტი დალი ჩიტალაძე და ინგა გრიგოლიას ქალიშვილი მარიამ გრიგოლიაც.

წაიკითხეთ ასევე:

• ბერა ივანიშვილი "დაბრუნდა": დამშვიდობება ბრაზილიასთან და ახალი კლიპი, რომელშიც საჯაროდ პირველად გამოჩნდა მისი მეორე ვაჟი
• ბიძინა ივანიშვილის ახალი წელი უფროს და უმცროს ვაჟებთან ერთად - რა ფოტოებს აქვეყნებს ცოტნე ივანიშვილი?