9
მაისიდღის ზოგადი ასტროლოგიური პროგნოზი
შინაგან საქმეთა სამინისტრო „თიბისი ბანკის“ ფილიალზე თავდამსხმელის დაკავებასთან დაკავშირებით ინფორმაციას ავრცელებს.
როგორც უწყების განცხადებაშია ნათქვამი, პოლიციამ ყაჩაღობის ბრალდებით ერთი პირი დააკავა.
"შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს მთავარი სამმართველოს თანამშრომლებმა, გატარებული ოპერატიული ღონისძიებებისა და საგამოძიებო მოქმედებების შედეგად 1984 წელს დაბადებული წარსულში ნასამართლევი გ.გ. ყაჩაღობისა და ცეცხლსასროლი იარაღის უკანონო შეძენა-შენახვა-ტარების ბრალდებით, თბილისში დააკავეს.
დანაშაული 7 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ ბრალდებული თბილისში, „თიბისი ბანკის“ ერთ-ერთ ფილიალში შეიჭრა და იარაღის მუქარით თანხის დაუფლებას შეეცადა, თუმცა განზრახვა სისრულეში ვერ მოიყვანა და შემთხვევის ადგილიდან მიიმალა.
პოლიციამ, გატარებული საგამოძიებო მოქმედებებისა და ოპერატიული ღონისძიებების შედეგად, გ.გ. ცხელ კვალზე დააკავა.
სამართალდამცველებმა დანაშაულის ჩადენის იარაღი ნივთმტკიცებად ამოიღეს.
ყაჩაღობისა და ცეცხლსასროლი იარაღის უკანონო შეძენა-შენახვისა და ტარების ფაქტებზე გამოძიება სისხლის სამართლის კოდექსის 179-ე და 236-ე მუხლებით მიმდინარეობს“, - ნათქვამია ინფორმაციაში.
იმისთანა რეკლამა კეთდება ციხის, მგონი ბევრს ციხეში ურჩევნია. უფასო კვება, სითბო, ვარჯიში, უფასო სწავლა, ნებისმიერი პროფესიის დაუფლება...და რასაც გააკეთებ მაღაზიებიც აქვთ და გაგიყიდიან. რა ვიცი, მგონი მეც იქ მირჩევნია, ამიდუღდა ტვინი რით გადავიხადო, იმდენი მოვიდა კომუნალურის გადასახადი.
რატო ლიბერთის და ქართუს არავინ აყაჩაღებს?! იმიტომ რომ ხალხის გვერდით არიან და უფასო ფულს ურიგებენ