11
მაისიდღის ზოგადი ასტროლოგიური პროგნოზი
22 დეკემბერს უკრაინულმა მხარემ განაცხადა, რომ ერთ დღეში ხერსონის ოლქში 3 რუსული სუ-34 ჩამოაგდეს. ამის შესახებ ინფორმაცია უკრაინის შეიარაღებული სამხედრო-საჰაერო ძალების მეთაურმა, გენერალ-ლეიტენანტმა ნიკოლაი ოლეშუკმა გაავრცელა.
"დღეს, შუადღისას, მინუს სამი რუსული გამანადგურებელი-ბომბდამშენი სუ-34“, - განაცხადა ოლეშუკმა.
უკრაინელი დამცველების წარმატება იყო რუსული "გერანების“ 21-22 დეკემბრის იერიშზე პასუხი.
"ერთ-ერთ ჩამოგდებულ დრონზე ოკუპანტებს ეწერათ: "ამოწყდით, ძუკნებო“, აი, თქვენ ჩვენი პასუხი! სამუდამო ფრენა, "ძმებო“, - ნათქვამია ოლეშუკის განცხადებაში.
- ვინ დაგეგმა სპეცოპერაცია?
უკრაინის შეიარაღებული სამხედრო-საჰაერო ძალების სპიკერი, იური იგნატი ამბობს, რომ სუ-34-ების ჩამოგდების ბრწყინვალე ოპერაცია თავად ნიკოლაი ოლეშუკმა დაგეგმა.
"თქვენ იცით, რომ ჩრდილოეთ მიმართულებით ერთდროულად სამი ვერტმფრენი და ორი თვითმფრინავი ჩამოვუგდეთ. ერთხელ ოდესის ოლქში შევძელით სუ-ების განადგურება. ასეთი მიღწევა დიდი ხანია არ გვქონია. სუ-34 კარგა ხანია ჩვენს "დადებით სტატისტიკაში“ არ გამოჩენილა“, - აღნიშნა სპიკერმა.
- რა არის ცნობილი განადგურებულ თვითმფრინავებზე?
სოციალურ ქსელებში რუსი პილოტების კატაპულტირების ადგილის სურათები გავრცელდა. რუსები ვარაუდობენ, რომ მათი თვითმფრინავების განადგურება Patriot-ის სისტემების მეშვეობით მოხერხდა.
კომენტარი ქვეყნის პრეზიდენტმაც გააკეთა.
ვოლოდიმირ ზელენსკიმ აღნიშნა:
"ყველა რუსმა მფრინავმა იცოდეს, რომ თითოეულ რუს მკვლელს გავცემთ პასუხს. არცერთი მათგანი არ დარჩება დაუსჯელი“.
25 დეკემბერს უკრაინულმა მხარემ გაავრცელა ინფორმაცია, რომ ამჯერად სუ-30 და სუ-34 ჩამოაგდეს, თუმცა ამის დამამტკიცებელი დოკუმენტები ჯერ არ ჩანს. რუსებმა ეს ინფორმაცია 22 დეკემბრისგან განსხვავებით, უარყვეს და განაცხადეს, რომ ყველა გაფრენილი თვითმფრინავი წარმატებით დაბრუნდა ბაზაზე.
- რა არის სუ-34 და რატომ არის მათი განადგურება მნიშვნელოვანი?
სუ-34 ყველაზე თანამედროვე ორადგილიანი, რუსული ზებგერითი გამანადგურებელი-ბომბდამშენია - მისი ტიპის თვითმფრინავები დასავლურ არსენალში არც ისე გავრცელებულია. ყველაზე ახლო ანალოგი არის მრავალფუნქციური F-15E Strike Eagle.
თვითმფრინავი რუსეთის შეიარაღებაში 2014 წლიდან გამოჩნდა. მოსკოვი მას სირიასა და უკრაინაში იყენებდა.
რუსეთის უკრაინაში სრულმასშტაბიანი შეჭრის შემდეგ, მოსკოვმა 10 სუ-34-ის განადგურება დაადასტურა, თუმცა დასავლეთში ფიქრობენ, რომ მათი რაოდენობა რეალურად კიდევ უფრო ბევრია.
სუ-34-ების განადგურებით უკრაინა რუსეთის საჰაერო პოტენციალს ამცირებს. მით უმეტეს, მალე უკრაინის ცაზე F-16-ებსაც ვიხილავთ.
- ავტორი: ანრი კურტანიძე
აუნუ ის უკროპი მფრინავი გაცოცხლდა ღანის მოჩენება თუ რაღაც რომ ერქვაა?
დერხათ რუს ოკუპანტებს.
უკროპების ამბავი ისეა, ბაბუ მე მოკლესო (სამწუხაროდ).
დიდება საქართველოს !!!