ბრედ პიტი 60 წლის გახდა - ჰოლივუდის ვარსკვლავი იუბილეს ახალ შეყვარებულთან ერთად ხვდება

ბრედ პიტი 60 წლის გახდა. მედიისთვის ცნობილია, რომ ჰოლივუდის ვარსკვლავი აპირებს იუბილე შეყვარებულთან, 32 წლის ინეს და რამონთან და რამდენიმე მეგობართან ერთად აღნიშნოს.

რაც შეეხება ბრედის თაყვანისმცემლებს, მათ სოციალურ ქსელებს მიაშურეს და მსახიობისადმი სიყვარული პოსტებითა და კომენტარებით გამოხატეს. უამრავი მათგანი ამტკიცებდა, რომ ასაკის მიუხედავად, პიტი კვლავ ყველაზე სექსუალური მამაკაცია.

"ჩემი პირველი და სამუდამო სიყვარული",

"ბრედ პიტი 60 წლისაა... არ მჯერა",

"ასაკის მატებასთან ერთად უფრო და უფრო სიმპათიური ხდება":

"ის ნებისმიერ ასაკში მიმზიდველია", - წერენ გულშემატკივრები კომენტარებში.

მსახიობმა 32 წლის ინეს დე რამონთან ურთიერთობა 1 თვის წინ გაასაჯაროვა. წყვილთან დაახლოებული წყარო ამერიკულ გამოცემებთან ამტკიცებს, რომ ორივე ბედნიერად გრძნობს თავს, თუმცა ბრედი შვილებისთვის ინესის გაცნობას არ ჩქარობს, რადგან ამისთვის ჯერ მზად არაა.

"ეს იმას არ ნიშნავს, რომ ინესი არ უყვარს, უბრალოდ, სანამ ასეთ მნიშვნელოვან ნაბიჯს გადადგამს, სურს დარწმუნდეს, რომ მათ ურთიერთობას ნამდვილად აქვს მომავალი", - ამბობს წყვილთან დაახლოებული წყარო.

წყარო: dailymail

მოამზადა: ანა სიბოშვილმა