მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სიმსივნურმა კერებმა შემცირება დაიწყო" - რას ჰყვება დავით ლორთქიფანიძე სოსო ჯაჭვლიანზე, რომელსაც თურქმა ექიმებმა სამშობლოში დაბრუნების უფლება მისცეს
14:23 / 18-12-2023
მსახიობი სოსო ჯაჭვლიანი გუშინ თურქეთიდან თბილისში ჩამოფრინდა. მოგეხსენებათ, მსახიობი მძიმე სენს ებრძვის და 4-თვიანი მკურნალობისა და ქიმიოთერაპიების შემდეგ მას თურქმა ექიმებმა შინ დაბრუნების ნება დართეს. როგორც მისი მეგობარი, პოლიტიკოსი დავით ლორთქიფანიძე გვიყვება, მკურნალობა წარმატებით მიმდინარეობს და რაც ყველაზე სასიხარულოა, სიმსივნურმა კერებმა შემცირება დაიწყო.
"სოსო გუშინ ჩამოფრინდა თურქეთიდან. მას ექიმების კეთილი ნების გამო მიეცა საშუალება წამოსულიყო და გარემო გამოეცვალა. სოსო რამდენიმე თვეა, სტამბოლის კლინიკაშია, რაც გარდა იმისა, რომ ფსიქოლოგიურად ძალიან ძნელია, დიდ ფინანსურ ხარჯებთანაა დაკავშირებული. სოსომ რამდენიმე ქიმია გაიკეთა, შემდეგ საკონტროლო ანალიზები ჩაუტარდა და თურქი ექიმები კმაყოფილები არიან იმით, რომ მათმა ძალისხმევამ შედეგი გამოიღო - სიმსივნის კერები არა მარტო დაკონსერვდა, არამედ შემცირებულიც კია. მკურნალობა წარმატებით მიდის, წინააღმდეგ შემთხვევაში, სოსოს არ გამოუშვებდნენ. საუბარი იყო იმაზე, რომ ნოემბრის ბოლოს გამოეშვათ, მაგრამ ექიმებმა ჩათვალეს, უმჯობესი იქნებოდა, ადგილზე გაეკეთებინათ სამედიცინო მანიპულაციები. სოსო იანვრის ბოლომდე თბილისში ჩაიტარებს ორ მანიპულაციას, შემდეგ პასუხებს გადააგზავნიან სტამბოლის კლინიკაში და იმის მიხედვით გადაწყვეტენ, რა იქნება საჭირო. როგორც ვიცი, საუბარია 2 მიმართულებაზე - შეიძლება გაუგრძელონ ქიმია, ან გადაიყვანონ აბებზე.
სოსოს ძალიან დიდი სამეგობრო ჰყავს, ყველანი ჩართულები ვართ მის ამბავში, სახელმწიფოსგან, სამინისტროდან, "ქართუ ფონდიდან" და მერიიდანაც აქვს მხარდაჭერა და ეს რომ არა, ბუნებრივია, ამ ხარჯებს ის ვერ გაწვდებოდა.
სოსოს უკვე ვესაუბრე, ბევრად პოზიტიური და საბრძოლო განწყობა აქვს, წონაშიც მოიმატა, დაახლოებით 5კგ.- მდე (53 კილოგრამი ჰქონდა დაკლებული და ამის ამოწევა ძალიან ძნელია). თურქ ექიმებს აქაური მკურნალობის პროტოკოლის აბსოლუტურად შეცვლა მოუწიათ. სოსო აღნიშნავს, რომ კლინიკაში ძალიან ბევრი საქართველოს მოქალაქე მკურნალობს და რაც ყველაზე მეტად გულსატკენია, მათ შორის ბევრია ბავშვი. ბავშვების მშობლები მადლიერნი არიან იმით, რომ სახელმწიფომ მიიღო გადაწყვეტილება და სიმსივნით დაავადებულ ბავშვებს სრულად აფინანსებს, ლიმიტი შეუზღუდავია. ვინც იქ მკურნალობს, ერთმანეთის მიმართ სოლიდარულები არიან. ახლაც, სოსო და ირმა თბილისში რომ წამოვიდნენ, განსაზღვრული რაოდენობის სამკურნალო მედიკამენტები წამოუღეს მათ, ვინც იქ გადიოდნენ მკურნალობას და ახლა თბილისში აგრძელებენ.
სოსოსთვის ძალზე მნიშვნელოვანია ოჯახურ გარემოში ყოფნა, თან ახალი წელია კარს მომდგარი. სხვათა შორის, ერთი თვეც არაა, მას შვილიშვილი, გოგონა შეეძინა მეორე ვაჟისგან, რომელიც სოსოს არც ენახა (რაც სამკურნალოდ წავიდა, მას შემდეგ გაჩნდა). დარწმუნებული ვარ სოსოზე ძალიან პოზიტიურად იმოქმედებს მისი დიდი საახლობლო წრე, იქეთ რაღაცას იხუმრებს... სოსოს ექიმებმა შეუქმნეს განწყობა, რომ ნოემბრის ბოლოს უნდა წამოსულიყო, მაგრამ რადგან კლინიკაში დარჩენა მოუწია, ამან მასზე ძალიან იმოქმედა, ეტყობა, ეჭვებში ჩავარდა, რომ საქმე რთულად იყო. ურჩიეს, შეგიძლია წასვლა, მაგრამ რადგან დინამიკა პოზიტიურია, ბარემ მას მივყვეთ და უმჯობესია დარჩეო. მაინც განიცადა... ახლა ყველაფერი მასზე პოზიტიურად აისახება - ოჯახი, მეგობრები, შვილები, იუმორი, ყველაფერი წაადგება. სოსო ხომ ზოგადად ვაჟკაცი კაცია და არის საბრძოლო განწყობაზე, არ არის დათრგუნული. რაც მთავარია, ის მადლიერია ყველა იმ ადამიანის, ვინც გვერდში უდგას, გულშემატკივრობს, მადლიერია ჟურნალისტებისაც, მაგრამ იქ მაინც თავს იკავებდა კომენტარებისგან, მესმის მისი... სოსოს არასდროს ეკლდა მადლიერების განცდა, მაგრამ ამ ავადმყოფობის შემდეგ განსაკუთრებულად, რომ იტყვიან, ყველას მიმართ მადლიერებაში დნება, ვინც ამ ხნის განმავლობაში მას გულშემატკივრობდა. სადაც არ უნდა მოვხვდე, დღე ისე არ გავა, ადამიანები მაჩერებენ და მის მდგომარეობაზე მეკითხებიან. მეც ყველას ვინაობას ვეკითხები (ვიწერ ხოლმე), მერე სოსოს ვურეკავ და ვუყვები. ისე უხარია, ვერ წარმოიდგენთ, ეს მედიკამენტურ მკურნალობაზე არანაკლები თერაპია მგონია...
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სოსო მაგარი კაცია და ამ მძიმე სენსაც დაამარცხებს, ამის დიდი იმედი მაქვს.
დიდ ხანს გვყავდე სოსო-ახალი როლებით-რომ არა ის ავბედითი წლები არაფერი მოგერეოდა.მადლობა უფალს,რომ ჩამოხვედი და ახალ წელს შენებთან ხვდები,მადლობა თურქ ექიმებს დიდი წარმატებები აქვთ...