"ვარდების ზღვა" ანუკისგან, დეპუტატების მეუღლეები ცნობილ სტუმრებს შორის და ევროკავშირის ჰიმნი "შვიდკაცასგან" - ფოტოები დიზაინერ ნინა ზარქუას გრანდიოზული იუბილედან
გუშინ, დიზაინერი ნინა ზარქუა იუბილარი გახლდათ. გრანდიოზულ დაბადების დღეს ცნობილი სახეები დაესწრნენ, მათ შორის იყვნენ ანუკი და ბიჭოლა, რომლებიც წლების წინ მეგობრები და პარტნიორები იყვნენ, თუმცა მათი გზები კახა კალაძის პოლიტიკაში მოსვლის შემდეგ გაიყარა. "ჩვენი დაშლის დროს იყო მომენტები, რომელიც ჩემთვის მგრძნობიარე იყო" - იხსენებდა მოგვიანებით ბიჭოლა ერთ-ერთ ინტერვიუში.
"ძველი სკოლა“ - წერს ანუკისთან და ბიჭოლასთან ერთად გადაღებულ ფოტოზე იუბილარი. როგორც ირკვევა, "ვარდების ზღვა" მიიღო საჩუქრად დიზაინერმა ანუკი არეშიძისგან. ასეულობით ყვითელი და თეთრი ვარდებისგან შემდგარი თაიგულის ფოტოს ზარქუა სოციალურ ქსელში აქვეყნებს და მეგობარს მადლობას უხდის.
საღამოს სტუმრები იყვნენ დიზაინერი ნინო ელიავა, დეპუტატების არჩილ თალაკვაძისა და ბექა ოდიშარიას მეუღლეები, ქეთევან ბუბუტეიშვილი და მაკუნა გამცემლიძე. საღამოს მუსიკალურ გაფორმებაზე ანსამბლი "შვიდკაცა" ზრუნავდა. მას შემდეგ კი, რაც გაირკვა, რომ საქართველოს ევროკავშირის სტატუსი მიენიჭა, „შვიდკაცამ“ ევროკავშირის ჰიმნი შეასრულა.
ნინა ზარქუა და ანუკი არეშიძე ბავშვობის მეგობრები არიან. თუმცა რამდენიმე წლის წინ უთანხმოების გამო დიდი ხანი არ ელაპარაკებოდნენ ერთმანეთს. ცოტა ხნის წინ გაირკვა, რომ ანუკი და ნინა შერიგდნენ და ძველებურად გააგრძელეს მეგობრობა.
წაიკითხეთ ასევე: