"დაანონსებულ კონცერტში მონაწილეობა ყველას უნდა, ვისი მომხრეა არ აქვს მნიშვნელობა... აი, ეს იქნება გულწრფელი სიხარული ხელისუფლებისა" - რას წერს გიორგი უშიკიშვილი?
მომღერალი გიორგი უშიკიშვილი პრემიერის მოწოდებას ეხმაურება სახალხო ზეიმთან დაკავშირებით და წერს, რომ წესით ხელისუფლებამ ამ ზეიმში მონაწილეობა ყველას უნდა შესთავაზოს.
"დაანონსებულ კონცერტზე, წესით ყველა ერთად უნდა იდგეს! ყველას უნდა შესთავაზონ მონაწილეობა. ვისი მომხრეა, არ აქვს მნიშვნელობა. აი ეს იქნება გულწრფელი სიხარული ხელისუფლების და განაცხადი იმისა, რომ ვასრულებთ პოლარიზაციას და ერთად მივდივართ ევროპისკენ!" - წერს უშიკიშვილი.
ცნობისთვის, დღეს თავისუფლების მოედანზე 17:00 საათზე სახალხოდ აღინიშნება კანდიდატის სტატუსის მიღება. ამის შესახებ გუშინ პრემიერმა განაცხადა და საზოგადოებას შეკრებისკენ მოუწოდა.
"მინდა, ყველა მოგიწვიოთ 15 დეკემბერს, 17:00 საათზე, თავისუფლების მოედანზე, რათა, ერთად აღვნიშნოთ ეს ისტორიული გამარჯვება ჩვენი ქვეყნის და ჩვენი ხალხის. ეს დღე უნდა იყოს საერთო, ეროვნული ზეიმის და საერთო გამარჯვების დღე“, - განაცხადა ღარიბაშვილმა.
პრემიერმა მადლობა გადაუხადა ყველა იმ ადამიანს, ვინც "ამ ისტორიული გამარჯვების საქმეში თითოეული აგური დადო და ეს გამარჯვება მოუტანა ხალხს".
მან ასევე საქართველოსთვის ევროკავშირის სტატუსის მინიჭების გამო მადლობა გადაუხადა ევროკომისიის პრეზიდენტ ურსულა ფონ დერ ლაინს, ევროსაბჭოს პრეზიდენტ შარლ მიშელს, ასევე, ევროკომისარ ოლივერ ვარჰეის და ევროკავშირის წევრი 27-ვე ქვეყნის ლიდერს. სახალხო ზეიმს შეუერთდება პრეზიდენტიც.
- "ვუერთდები პრემიერის ინიციატივით გამოცხადებულ სახალხო ზეიმს, ხვალ ყველა ერთად უნდა ვიდგეთ - თუ ტრიბუნაზე მიმიწვევენ, კარგი, თუ არადა, ხალხში ვიქნები" - პრეზიდენტი
- "დრაკონის წელი მოდიოდა და მიშელის მოვიდა" - ვინ როგორ შეხვდა კანდიდატის სტატუსს: სახალხო ზეიმი "ფეისბუქზე", პოლიტიკოსებისა და საზოგადოების გამოხმაურებები