მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"იზოლატორშიც გააგრძელეს მისი ცემა. რომ მიხვდნენ, უკვე სიკვდილის ზღვარზე იყო, მაშინ გადაიყვანეს საავადმყოფოში" - რას ჰყვებიან ქართველზე, რომელიც აფხაზი ე.წ. მილიციელების ძალადობის შედეგად გარდაიცვალა?
15:57 / 11-12-2023
რუსეთის მიერ ოკუპირებულ აფხაზეთში მცხოვრები თემურ (ვიტალი) კარბაიას ოჯახის წევრებმა გაავრცელეს ინფორმაცია, რომ 43 წლის კაცი აფხაზმა ე.წ. სამართალდამცავებმა სასტიკად სცემეს. მამაკაცი მიყენებული დაზიანებებით კლინიკაში გარდაიცვალა.
გარდაცვლილის რძალი, რომელიც ოჯახთან ერთად ზუგდიდში ცხოვრობს, "რადიო თავისუფლებასთან“ ამბობს, რომ თემურ კარბაია სამმა ე.წ. მილიციელმა რამდენიმე დღის წინ დააკავა ოკუპირებულ ქალაქ გალში. მამაკაცს ფიზიკურად გაუსწორდნენ.
მოგვიანებით, კაცი საავადმყოფოში გადაიყვანეს, თუმცა, ექიმებმა მისი გადარჩენა ვერ მოახერხეს. თემურ კარბაია 9 დეკემბერს, ღამით გარდაიცვალა.
ოჯახის ინფორმაციით, გარდაცვლილს სხეულზე აღენიშნება მრავლობითი დაზიანება - დაჟეჟილობა და მოტეხილობა.
"ყველგან აქვს დაზიანებები. განადგურებულია, ნეკნები, გვერდები, ძვლები დამტვრეული აქვს... ჯერჯერობით სხვა არაფერი ვიცით. არ ვიცი, ექსპერტიზა ჩაუტარდა თუ არა ცხედარს... ქუჩაში მიდიოდა და დააკავეს. მარტო ეს ვიცით. სამი ადამიანი სცემდაო“, - უთხრა "რადიო თავისუფლების“კორესპონდენტს თემურ კარბაიას ძმის ცოლმა.
"არცერთი ასეთი დანაშაული დაუსჯელი არ დარჩება - ოკუპაციის წინააღმდეგ ბრძოლაში ნაბიჯი უკან არ იქნება“, - განაცხადა, პარლამენტის ადამიანის უფლებათა დაცვის კომიტეტის თავმჯდომარემ მიხეილ სარჯველაძემ. მომხდარი დაგმო საქართველოს პერზიდენტმა სალომე ზურაბიშვილმა.
მომხარის თაობაზე აფხაზეთიდან დევნილი კონფლიქტოლოგი ნუკრი ნოდია გვესაუბრება:
- ოკუპირებული აფხაზეთის ე.წ. შინაგან საქმეთა სამინისტრომ უკვე გაავრცელა ოფიციალური გაცხადება, რომ თითქოს, თემურ კარბაიამ თვითდაზიანებები მიიყენა და ამის შედეგად გარდაიცვალა, რაც მტკნარი სიცრუეა, ის აფხაზმა ე.წ. მილიციელებმა ცემით მოკლეს. არიან თვითმხილველები, რომლებიც ამბობენ, რომ მათ მამაკაცი სასტიკად სცემეს. ჩემთვის ცნობილი გახდა ისიც, რომ გალის წინასწარი დაკავების იზოლატორში მიყვანის შემდეგ კიდევ გააგრძელეს მისი ცემა. როდესაც მიხვდნენ, რომ უკვე სიკვდილის ზღვარზე იყო, მხოლოდ მაშინ გადაიყვანეს სოხუმის საავადმყოფოში, მაგრამ გარდაიცვალა.
- გავრცელდა ინფორმაცია, რომ კარბაიას ცემაში მონაწილე ე.წ. მილიციელები თითქოს დააკავეს...
- დიახ, დააკავეს და სოხუმში გადაიყვანეს, მაგრამ მხოლოდ ერთი ღამით. ჩემს ხელთ არსებული ინფორმაციის მიხედვით, დღეს ისინი უკვე თავისუფლები არიან.
- აფხაზური გამოცემა "აიაშარას“ ცნობით, ე.წ. შსს-ს ინფორმაციით, 6 დეკემბერს გალის რაიონის "შინაგან საქმეთა სამმართველოში“ შევიდა შეტყობინება, რომ გალის საქალაქო ბაზრის მიმდებარე ტერიტორიაზე მოქალაქე ნასვამ მდგომარეობაში მოქალაქეებს შეურაცხყოფას აყენებდა და უცენზურო სიტყვებით მიმართავდა. ამავე გამოცემის ვერსიით, კარბაია აგრძელებდა უცენზურო სიტყვების გამოყენებას მილიციელების მიმართ და შენიშვნებზე რეაგირებას არ ახდენდა, რის გამოც ის გალის იზოლატორში გადაყვანეს, სადაც კარბაიამ საკუთარი თავის დაზიანება სცადა. რა მოხდა სინამდვილეში?
- როგორც ვიცი, კარბაია ჩხრეკის მიზნით დააკავეს. მან წინააღმდეგობა გაუწია, რის გამოც, იქვე ადგილზევე სასტიკად სცემეს. აფხაზური მხარე იმასაც ირწმუნება, რომ 7 დეკემბერს დილით, "პრევენციული საუბრის შემდეგ“ გაათავისუფლეს, არადა, სინამდვილეში მოკლეს.
- როგორია გალის რაიონში, საქართველოს მოქალაქეების მდგომარეობა?
- ძალიან რთული, სრული განუკითხაობაა. მოსახლეობა დაუცველად გრძნობს თავს, ხშირად ილახება მათი უფლებები. არ არის გამორიცხული, რომ მსგავსი შემთხვევები მომავალშიც განმეორდეს. ადგილობრივი მოსახლეობა ამბობს, რომ გალის ე.წ. პოლიცია განსაკუთრებულად უხეშია და საბჭოთა კავშირის დროინდელი მეთოდებით მოქმედებს. ჩვენ თხოვნით მივმართავთ საქართველოს ხელისუფლებას და საკანონმდებლო ორგანოს, შესაბამისი ყურადღება მიაქციონ ამ ამბავს, ჩააყენონ საქმის კურსში საერთაშორისო ორგანიზაციები, გალში მცხოვრები ქართველები სრული ტერიტორის ქვეშ ცხოვრობენ.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აცხონოს საწყალი უფალმა.
ღმერთო, რა იქნება, ამ ჩვენმა უნიათო სამართალდამცველებმა ერთი დამნაშავე მაინც გამოიტაონ და სამაგალითოდ გაასამართლონ, ან იქვე მაინც მიაბრიდონ, რომ ქართველებს ცოტა დაცულობის გრძნობა ქონდეთ და იმ ნაბიჭვრებს აღარ ეგონებათ, რომ ქართველების ჩაგვრა და წამება ხახვივით შერჩებათ.
დეეტიე ბიძია რო იჭიმები ვის ეჭიმები? ქე მოკლეს ოთხოზორია მგრამ მკვლელს დააჭრა ვინმემ ხახვი ყურებზე?