"მეგან მარკლს სამეფო ოჯახში დაბრუნება უნდა" - სამკაული, როგორც შეტყობინება მეფე ჩარლზთან: სასექსის ჰერცოგინიას მორიგი გამოჩენა განხილვის მიზეზია
სამეფო ექსპერტების ვარაუდით, მეგან მარკლი სამკაულებს "შეტყობინებების გასაგზავნად" იყენებს.
სასექსის ჰერცოგიანია, ორშაბათს, სანტა ბარბარაში დააფიქსირეს. მეგანს პრინცესა დიანას საათი და Bentley & Skinner ბრილიანტის სამაჯური ეკეთა - რომელიც მას მეფე ჩარლზმა აჩუქა. სამაჯურის ღირებულება სულ მცირე, 4900 ფუნტი სტერლინგია.
ამბობენ, რომ ჰარისა და მეგანს ძალიან უნდათ სამეფო ოჯახში დაბრუნება. ჭორები გავრცელდა იმის შესახებაც, რომ მეგანი მეფე ჩარლზს დაუკავშირდა.
ცოტა ხნის წინ, ჟურნალისტ ომიდ სკობის წიგნი, სახელწოდებით Endgame გამოვიდა, სადაც ის სამეფო ოჯახის ორ წევრს - მეფე ჩარლზსა და ქეით მიდლტონს - რასიზმში ადანაშაულებს. სკობიმ ბოდიშის მოხდაზე უარი თქვა და განაცხადა, რომ მეფისა და ქეითის სახელები მას არ დაუწერია და ის ჰოლანდიელმა მთარგმნელებმა ჩაამატეს. შესაბამისად, ნიდერლანდებში წიგნის გაყიდვა აკრძალეს.
