მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ყოველ წუთს შეიძლება სახიფათო რამ მოხდეს, თუმცა არ ვყვებით პანიკას" - მეზღვაურის სახიფათო ცხოვრება: როგორ უმკლავდებიან მეკობრეებს და რა არის ყველაზე დიდი გამოწვევა
11:22 / 03-12-2023
ჯაბა გოჩიტიძე 24 წლის მეზღვაურია. მის შესახებ "ტიკტოკის" ვიდეოდან შევიტყვე. ვიდეო საკმაოდ სახიფათო სიტუაციას ასახავდა - აღბეჭდილი იყო კადრები, როგორ უმკლავდებიან შტორმს ჯაბა და მისი კოლეგები. გადავწყვიტე, მისგან მომესმინა მეზღვაურის პროფესიის შესახებ.
ჯაბა გოჩიტიძე Ambebi.ge-ს უყვება, რომ 6 წლის განმავლობაში გულით და სულით ასრულებს საკუთარ პროფესიულ მოვალეობას, ხვდება არაერთ სირთულეს, მაგრამ არც ერთს არ უშინდება და მუდმივად წინ მიდის, ვითარდება და იზრდება, როგორც მეზღვაური.
ის კაპიტნის მეორე თანაშემწეა, დაოჯახებულია. გვეუბნება, რომ ჰყავს მეუღლე და ორი შვილი. ამჟამად ლიბიაში, მისურატის პორტშია.
- მეზღვაურობის შესახებ
ჯაბას თქმით, უდიდესი სიყვარულით აგრძელებს საქმიანობას, როგორც ყველა პროფესიას, მეზღვაურობასაც აქვს თავისი ნათელი და ბნელი მხარეები, მაგრამ ზღვის და თავგადასავლების მოყვარულთათვის, დადებით მხარეები ბევრად მნიშვნელოვანია. ასევე აღსანიშნავია, რომ ეს პროფესია მაღალანაზღაურებადია, ხელფასი 15 000 დოლარსაც კი აღწევს.
"გასაკვირი არ არის, რომ სხვა პროფესიებთან შედარებით, ამ პროფესიის არჩევის მიზეზი არის მაღალი შემოსავალი, ან კიდევ ოჯახის წევრის საქმიანობის გაგრძელება, როგორც იტყვიან, თაობიდან თაობას გადაეცემა. გარდა ამისა, ამ პროფესიის არჩევის მიზანი ასევე ცოტა რომანტიზმიცაა ზღვისა და გემისადმი”- გვეუბნება ჯაბა.
მეზღვაურებისთვის არის სპეციალური კონტრაქტები, რომლის დადების შემდეგ, ისინი ზღვაში არიან 6-დან 8 თვემდე. მეზღვაურების უმეტესობა, ისევე, როგორც ჯაბა, 6 თვით იმყოფება ზღვაში.
ამ სფეროს წარმომადგენლები, მოგზაურობენ, სხვადასხვა კულტურას ეცნობიან, ჯაბას აზრით, ეს არის მეზღვაურობის ყველაზე მომხიბვლელი ნაწილი - “მთავარი, რაც მომწონს ამ სფეროში, სხვადასხვა ქვეყანაში მოგზაურობა და სხვადასხვა ქვეყნის კულტურის გაცნობაა", - ამბობს ჯაბა გოჩიტიძე.
- სირთულეები
ზღვაში ყველა მეზღვაურს ხვდება არაერთი პრობლემა, როგორებიცაა მოულოდნელად ამინდის ცვლილება, ზღვის დაავადებები, მეკობრეები, გემის დაზიანება, მაგრამ ერთ-ერთი ყველაზე დიდი სირთულე მაინც ოჯახის დიდი დროის განმავლობაში დატოვებაა.
"სირთულეა ზღვაში ყოფნისას ცუდი ამინდი, ქარში და შტორმში გადაადგილება. რთული არის ოჯახთან განშორება რამდენიმე თვით, სამშობლოსა და საყვარელი ადამიანების მონატრება. სხვა მხრივ კი, მე მიყვარს ჩემი საქმიანობა და სხვა სირთულეებს ვერ ვხედავ", - გვიხსნის ჯაბა.
შტორმს რაც შეეხება, ის ამბობს, რომ წინასწარ იციან, როდის, დაახლოებით რამდენბალიან შტორმში შეიძლება მოყვნენ. ამ დროს წინასწარ მომზადება მნიშვნელოვანია - მაგალითად, ნივთების დამაგრება და უსაფრთხო ადგილას გადატანა. ისეთ ადგილას, სადაც შეიძლება არ დაზიანდეს საჭირო ხელსაწყო ან აპარატი შტორმისას.
“ეკიპაჟი არის მზადყოფნაში. ყოველ წუთს შეიძლება რაღაც სახიფათო მოხდეს, არ ვყვებით პანიკას და ვცდილობთ შევინარჩუნოთ სიმშვიდე”, - გვეუბნება ჯაბა.
- მეკობრეები
მეკობრეები საზღვაო ყაჩაღები არიან, მეზღვაურებისთვის ერთ-ერთი ყველაზე დიდი საშიშროება მათთან შეხვედრა და მათგან თავის დაღწევაა.
როცა მეზღვაურები მეკობრეების გამოჩენის ე.წ. მაღალი რისკის ზონას გადიან, მაქსიმალური სიფრთხილე და ყურადღება მართებთ. ჯაბა გოჩიტიძეს რამდენიმეჯერ მოუწია სახიფათო ზონაში მოხვედრა.
“მეკობრეებს რაც შეეხება, რამდენიმეჯერ მომიწია იმ ადგილებში მოხვედრა, სადაც მეკობრეების თავდასხმის საშიშროებაა, საბედნიეროდ, ყველაფერმა კარგად ჩაიარა. თავს ვიცავდით მავთულხლართებით და სხვა საშუალებებით.
- რჩევა დამწყებ და მომავალ მეზღვაურებს ჯაბასგან
“პირველ რიგში, უნდა გიყვარდეთ თქვენი პროფესია და საქმეს ძალით არ უნდა აკეთებდეთ. განსაკუთრებული ყურადღება უნდა მიაქციოთ გემზე უსაფრთხოებას. რა თქმა უნდა, ინგლისურის ცოდნა, დაუზარებლად შრომა, თვითგანვითარება აუცილებელია, რადგან ამ პროფესიაში არასდროს არ არის საკმარისი ის, რაც იცით და მუდმივად გჭირდებათ ახლის სწავლა".
ავტორი: ანასტასია შალიკაშვილი
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გემის მფლობელი კომპანიები მილიონობით დოლარს შოულობენ და სულ მიკვირს რა გახდა ოფიციალურად რომ აიყვანონ გემზე 5 კაციანი დაცვის ჯგუფი მეკობრეებისგან დასაცავად
წაი ბიძია მარპოლი წეიკითხე ტიკტოკერობას ჯობია