მნიშვნელოვანი ინფორმაცია
21
მარტიდღის ზოგადი ასტროლოგიური პროგნოზი
პარასკევი, მთვარის ოცდამეორე დღე დაიწყება 03:43-ზე, მთვარე მშვილდოსანშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თურქული მედიის მტკიცებით, მათმა სპეცსამსახურმა 2022 წელს მოსადის ოპერაცია ჩაშალა და გატაცებული ჰაკერი, რომელმაც "რკინის გუმბათის" სისტემა "გატეხა", გაათავისუფლა
16:14 / 27-11-2023
22 ნოემბერს, ერთ-ერთმა თურქულმა გამოცემამ გამოაქვენა საკმაოდ სკანდალური ინფორმაცია, თითქმის ერთი წლის წინანდელი ამბავი, რომლის თანახმადაც, თითქოსდა, 2022 წელს თურქეთის სპეცსამსახურებმა მოსადის სპეცოპერაცია ჩაშალეს. დაიწერა თურქული და მალაიზიური სპეცსამსახურების ერთობლივ ოპერაციაზე, რომელიც მოსადის წინააღმდეგ იყო მიმართული და ჰაკერის გამოხსნას უკავშირდებოდა.
- ვინ არის ეს ჰაკერი?
თურქული მედიასაშუალებების სტატიებშილაპარაკია ჰაკერზე, ვინმე ომარზე ღაზის სექტორიდან, რომელმაც მოახერხა, 2015-2016 წლებში ჰაკერულად შეეღწია ისრაელის ჰაერსაწინააღმდეგო სისტემაში და დროებით მწყობრიდან გამოიყვანა "რკინის გუმბათი“, რის შემდეგაც "ჰამასმა" ისრაელის მნიშვნელოვან ობიექტებზე სარაკეტო იერიშები მიიტანა.
2020 წელს პალესტინელი ჰაკერი ჯერ ეგვიპტეში, შემდეგ კი თურქეთში გადავიდა. მოსადის თანამშრომლები მასთან კავშირზე გავიდნენ და "საქმიანი მოლაპარაკებების“ ეგიდით, სცადეს მისი გატყუება თურქეთიდან, თუმცა არ გამოუვიდათ.
როგორც თურქული NTV წერს, 2022 წელს მოსადმა გაარკვია, რომ ომარი 15-დღიან მოგზაურობას აპირებდა მალაიზიაში. საბოლოოდ, ისე მოხდა, რომ ებრაელებმა მალაიზიაში ჰაკერი შეიპყრეს, გაიტაცეს და ჰკითხავდნენ 36 საათის განმავლობაში. თურქების მტკიცებით, მათი სპეცსამსახურების თანამშრომლებმა მალაიზიელ კოლეგებთან ერთად სპეცოპერაცია ჩაატარეს, ჰაკერი დაიხსნეს და 11 ადამიანი, რომლებიც იყვნენ ჰაკერის მოტაცებაში ეჭვმიტანილი, დააკავეს.
- ამ ფილმის სიუჟეტის მსგავს ისტორიას თუ მივიჩნევთ რეალურად, ისმის კითხვა, ეს 2022 წელს მომხდარი ამბავი, რომელიც აქამდე გასაიდუმლოებული იყო, ახლა რატომ გასაჯაროვდა?
ადგილობრივი ექსპერტები ფიქრობენ, რომ ეს დაკავშირებულია ერდოღანისა და "ჰამასის" ბოლოდროინდელ ურთიერთობასთან.
თურქეთის პრეზიდენტი რეჯებ ტაიპ ერდოღანი წლებია ცდილობს მუსლიმების ლიდერად ჩამოყალიბდეს, შექმნას სხვადასხვა სამხედრო და ეკონომიკური გაერთიანებები. ერთ-ერთი ასეთი პერსპექტიული ორგანიზაციაა თურქული სახელმწიფოების ორგანიზაცია. მასში შედიან: აზერბაიჯანი, ყაზახეთი, ყირგიზეთი, თურქეთი და უზბეკეთი, ხოლო თურქმენეთი და უნგრეთი ჯერჯერობით დამკვირვებლის სტატუსით არიან.
ყარაბაღის უკანასკნელი კონფლიქტის შემდეგ, როდესაც აზერბაიჯანმა ოკუპირებული ტერიტორიები დაიბრუნა და თურქეთის გავლენა ამით სამხრეთ კავკასიაში გაიზარდა, ახლა ჯერი ახლო აღმოსავლეთზე მიდგა.
ის ფაქტი, რომ ისრაელსა და თურქეთს შორის მარტივი ურთიერთობები არ არის და პერიოდული დაძაბულობით გამოირჩევა, ახალი არავისთვისაა. მაგალითად, 2015 წელს ღაზის თობაზე დებატებისას, ერდოღანმა და ისრაელის ყოფილმა პრემიერმა შიმონ პერესმა პირდაპირ ეთერში თითქმის იჩხუბეს, უცხარესი კამათის შემდეგ, ერდოღანმა დარბაზი დემონსტრაციულად დატოვა.
2023 წლის 7 ოქტომბერს "ჰამასის" ისრაელზე მხეცური თავდასხმის შემდეგ, რომელიც მხარეებს შორის ომში გადაიზარდა, ერდოღანმა "ჰამასის" მხარე დაიჭირა. განსხვავებით სხვა ლიდერებისგან, რომლებიც პალესტინის ხელმძღვანელობას პოლიტიკურ და სამხედრო ფრთად ჰყოფენ და ამ უკანასკნელს ტერორისტულად აღიარებენ. თურქეთის პრეზიდენტი ამას არავითარ შემთხვევაში არ აღიარებს, მეტიც, 14 ნოემბერს ერდოღანმა განაცხადა:
"ისრაელი სახელმწიფო ტერორიზმით არის დაკავებული. ამას მკაფიოდ ვამბობ - ისრაელი ტერორისტული სახელმწიფოა. თქვენ "ჰამასს" უწოდებთ ტერორისტულ ორგანიზაციას, მაგრამ "ჰამასი" - პოლიტიკური პარტიაა, რომელმაც არჩევნებში გაიმარჯვა“.
ამასთანავე, თურქეთის ლიდერმა დაამატა, რომ მისი იურისტები აქტიურად გააგრძელებენ მუშაობას, რომ "მსოფლიომ ისრაელი ტერორისტულ სახელმწიფოდ აღიაროს“.
თურქეთის კიდევ ერთი მთავარი პრეტენზია ისრაელის მიმართ, ბირთვული იარაღის ფლობაა. თურქეთის საგარეო საქმეთა მინისტრი ჰაკან ფიდანი მიიჩნევს, რომ ეს სტრატეგიული პრობლემაა. მისი თქმით, ისრაელს ხელი არ მოუწერია ბირთვული იარაღის გაუვრცელებლობის შესახებ, თუმცა ბირთვული პოტენციალი მაინც გააძლიერა.
მოკლედ, თუ სტატიის მთავარ თემას დავუბრუნდებით, ახლო აღმოსავლეთში დღეს შექმნილი ვითარების ფონზე თურქული წყაროების გავრცელებული ინფორმაცია, არ არის გამორიცხული, თურქეთის უძლეველობის ჩვენების მორიგი მცდელობა იყოს და იმისაც, რომ ამ ქვეყნის სამხედრო თუ დაზვერვითი შესაძლებლობები თითქოსდა, ბევრად აღემატება ისრაელისას...
- ავტორი: ანრი კურტანიძე
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"თუ ჯართს არ ჩავაბარებ საჭმლის გარეშე დავრჩებით" - 11 წლის ალექსანდრე ალავერდაშვილი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მორჩება ისრაელი ღაზასთან საქმეს და ერდოღანს ქურთებთან გაუხდება სიტუაცია დაძაბული.
"თურქული სახელმწიფოების ორგანიზაცია. მასში შედიან: აზერბაიჯანი, ყაზახეთი, ყირგიზეთი, თურქეთი და უზბეკეთი, ხოლო თურქმენეთი და უნგრეთი ჯერჯერობით დამკვირვებლის სტატუსით არიან."
როდის აქეთაა უნგრეთი თურქული სახელმწიფო?