ბაიდენის "შავი პარასკევი" პროტესტის ფონზე - რა დახვდა საშოპინგოდ მისულ პრეზიდენტს მაღაზიებთან: "ვერ დაიმალები! გენოციდში ბრალი გედებათ!"
აშშ-ის პრეზიდენტი ჯო ბაიდენი, "შავი პარასკევის" შოპინგზე იმყოფებოდა. ბაიდენი მეუღლესთან, ჯილ ბაიდენთან და ვაჟთან, ჰანტერთან ერთად მასაჩუსეტსის კუნძულზე შენიშნეს. პრეზიდენტი წიგნების მაღაზიასა და საიუველირო მაღაზიებსაც ეწვია. მან ჟურნალისტებთან საუბარი არ ისურვა. პირველმა ლედიმ მედიას განუცხადა, რომ "ოჯახი ძალიან ბედნიერი იყო.“
ამ დროს, საერთაშორისო ამბებში "ჰამასის“ თემა ფიგურირებდა - როგორც ცნობილია, ტერორისტულმა დაჯგუფებამ 24 მძევალი გაათავისუფლა, მაგრამ არცერთი არ ყოფილა ამერიკელი.
ბაიდენმა მანამდე განაცხადა, რომ არ იყო დარწმუნებული, როდის გაათავისუფლებდნენ ტერორისტები ცხრა ამერიკელ მოქალაქეს, რომლებიც, სავარაუდოდ, 7 ოქტომბრის თავდასხმების დროს აიყვანეს მძევლად.
”ჩვენ არ ვიცით, როდის მოხდება ეს... ჩემი იმედი და მოლოდინი მაქვს, რომ ეს მალე იქნება”, - თქვა ბაიდენმა.
ღაზას ომმა არაერთხელ გამოიწვია ბაიდენის კრიტიკა - გამონაკლისი არც შავი პარასკევი ყოფილა - როცა ოჯახი კუნძულის ყოველწლიური ნაძვის ხის განათების ცერემონიას ესწრებოდა, მომიტინგეებმა ხმაური ატეხეს: "ბაიდენ, ბაიდენ, ვერ დაიმალები! გენოციდში ბრალი გედებათ!“ - ისმოდა შეძახილები.
