მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვიხსენებ ყველა ჩალურჯებასა და დაზიანებას, რაც ჩემს შვილს აღენიშნებოდა და რატომღაც სიცელქეს ვაბრალებდი" - მშობლები164-ე ბაგა-ბაღს ბავშვზე სავარაუდო ძალადობისთვის უჩივიან
13:05 / 24-11-2023
თბილისის 164-ე ბაგა-ბაღს მშობლები უჩივიან. მათი განცხადებით, ბაღის თანამშრომლები ბავშვებზე ძალადობენ. მშობლები აცხადებენ, რომ მათ სააღმზრდელო დაწესებულების შენობაში დამონტაჟებული ვიდეოკამერების ჩანაწერებში ფაქტის დამადასტურებელი მტკიცებულებები აღმოაჩინეს.
ერთ-ერთი ბავშვის მშობელი მომხდარის თაობაზე "ფეისბუქში" პოსტს აქვეყნებს.
"ეს რამდენიმე დღეა გონება სრულიად არეული მაქვს, მიჭირს კონცენტრირება და ფიქრს გავურბივარ. გაბრაზება და შიში თანაბრად გამეფებულა ფიქრის სამყაროში და სრულ ქაოსს ქმნის. ყველაზე სუსტი და დაუცველი მაშინ ვარ, როცა პრობლემა შვილს ეხება და ახლა სწორედ ასეთ მდგომარეობაში ვარ. საჯარო ბაგა-ბაღის იმ ჯგუფში, სადაც ჩემი პატარა ლუსიც დადის, ძიძები და აღმზრდელები ბავშვებზე ძალადობდნენ. ორშაბათიდან პარასკევამდე შვილები მიგვყავს საჯარო ბაგა-ბაღის პატარა ზომის ოთახში, სადაც 40-მდე ბავშვია გამოკეტილი და ვიმედოვნებთ, რომ მათ კარგად მოექცევიან, ვიმედოვნებთ, რადგან ეს სისტემა იმდენად ჩაკეტილია, რომ მშობლებს უამრავი ბიუროკრატიული ლაბირინთის გადალახვა გვიწევს, რათა მივაღწიოთ ოთახებში დამონტაჟებული ვიდეოსათვალთვალო მოწყობილობების ჩანაწერებამდე და ხშირად ამასაც ვერ ვახერხებთ. ამიტომ ხშირად მხოლოდ იმედი გვრჩება. აღმოჩნდა, რომ ჯგუფში, სადაც ჩემი შვილი ლუსი დადის, ბავშვების მიმართ სისტემატიურ ძალადობას ჰქონდა ადგილი. ეს დღეებია ვიხსენებ ყველა ჩალურჯებასა და დაზიანებას, რაც ჩემს შვილს აღენიშნებოდა და რატომღაც სიცელქეს ვაბრალებდი, ვიხსენებ მის პროტესტს ბაგა-ბაღის ჯგუფში შესვლაზე და პანიკურ ტირილს, როცა ვცდილობდი ამეხსნა, რომ ბაღში ყოფნა კარგია. ვიხსენებ მის ხასიათის ცვლილებას, სათამაშოებთან დამოკიდებულებას თამაშისას და ვხვდები, რომ ძალიან მნიშვნელოვანი რამ გამომეპარა. ძალადობის თემა გამჟღავნდა და ისიც იმიტომ, რომ იგივე ჯგუფში ამავე ბაღის დირექტორის შვილიშვილზე იძალადა ძიძამ. მხოლოდ მაშინ მოახდინა "რეაგირება" ამ "ძალადობის ფაბრიკის" დირექტორმა, როცა ეს ძალადობა მის შვილიშვილს შეეხო." რეაგირება" მართლა რეაგირება არ გეგონოს, ძვირფასო მკითხველო, დირექტორს არ მიუმართავს ბაგა-ბაღების სააგენტოსთვის, პოლიციისთვის და არც მშობლებისთვის უცნობებია. მოძალადე ძიძა დაიბარა და იძულებით დააწერინა განცხადება სამსახურიდან წასვლის შესახებ. ჩვენ, მშობლებმა სრულიად შემთხვევით და მოულოდნელად გავიგეთ სისტემატიური ძალადობის შესახებ. მიუხედავად ჩემი დაბნეული და არეული მდგომარეობისა, ერთი რაც მტკიცედ გადავწყვიტე, დაისაჯოს ყველა!" - წერს მშობელი.
- ბავშვის მიმართ ჩადენილ სავარაუდო ძალადობის ფაქტზე შსს-მ გამოძიება უკვე დაიწყო.
ბაგა-ბაღების სააგენტოს ცნობით, აღმზრდელის თანაშემწე სამსახურიდან გათავისუფლებულია, თუმცა მშობლები მოითხოვენ ბაღის სხვა თანამშრომლების პასუხისმგებლობის საკითხის დაყენებას.
AMBEBI.GE ეცადა, ბაგა-ბაღის ადმინისტრაციასთან დაკავშირებას, თუმცა ჯერჯერობით უშედეგოდ.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მოკლედ კომენტარების მიხედვით ხო რავა ყველა ექსპერტი ხართ. ბავში რომ არ უნდა იცემოს ეგ ფაქტია. არც სახლში სხვათაშორის. დიახ სახლშიც. ახლა მეორე 4-5 წლის ცხვირმოუხოცავი გაუზრდელი ბავშვი რომ მასწავლებელს შეაგინებს და ნაბიჭვარს დაუძახებს (სახლში მოსმენილს და გაგონოლს 80%) აი მაშიმ მასწავლებელმა რა უნდა ქნას ან ბაღმა.. გაატაროს ხო ბავშვისგან მოსულა? აი იას კამერები ხმასაც უნდა იწერდეს და ისე მოწმდებოდეს ყველაფერი. თორემ ბავშვს რომ ხელს დაარტყამ არც მასწავლებლად ვარგიხარ და არც მშობლად.
მაგას რა მნიშვნელობა აქვს რამდენი ბავშვის მოვლა უწევს,ეგ არის სიბოროტე და ხასიათი თვითონ აღსაზრდელები არიან უმეტესობა,საწყალი ბავშვები