მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ღაზაში დროებით ზავი ხვალ, დილის 7 საათზე ამოქმედდება - როდის დაიწყება მძევლების გათავისუფლება: რაზე შეთანხმდნენ ისრაელი და "ჰამასი"?
19:43 / 23-11-2023
ღაზის სექტორში ცეცხლის შეწყვეტის დროებითი რეჟიმი, რომელზეც ისრაელი და რადიკალური დაჯგუფება "ჰამასი“ არაპირდაპირი მოლაპარაკებების დროს შეთანხმდნენ, 24 ნოემბერს, პარასკევს, ადგილობრივი დროით დილის 7 საათზე შევა ძალაში. ამის თაობაზე ინფორმაცია კატარი საგარეო საქმეთა სამინისტროს წარმომადგენელმა გაავრცელა. მოგეხსენებათ, ეს ქვეყანა მოლაპარაკებებში ერთ-ერთი შუამავალია.
ჯერ კიდევ 22 ნოემბერს გახდა ცნობილი, რომ მიღწეული იყო შეთანხმება ღაზაში ცეცხლის დროებითი შეწყვეტისა და ჰუმანიტარული დახმარების მიწოდების სანაცვლოდ, "ჰამასის“ მიერ აყვანილი ისრაელელი მძევლების გათავისუფლების თაობაზე. შეთანხმება 23 ნოემბერს უნდა ამოქმედებულიყო, მაგრამ ეს ერთი დღით გადაიდო.
კატარის ინფორმაციითვე, მძევლების გაცვლა პარასკევს, დღის მეორე ნახევარში დაიწყება და თავდაპირველად 13 ადამიანი გათავისუფლდება. ტერორისტების მიერ გატაცებული სულ მცირე 50 ადამიანი, ქალები და ბავშვები, ოთხი დღის განმავლობაში უნდა გათავისუფლდნენ.
მოსალოდნელია, რომ მძევლების გათავისუფლების საპასუხოდ, ისრაელის ხელისუფლება ციხეებში მყოფი პალესტინელი ქალებისა და მოზარდების ერთ ნაწილს ასევე გაათავისუფლებს.
გავრცელებული ინფორმაციით, შეთანხმების ფარგლებში, "ჰამასი“ 50 მძევალს, ხოლო ისრაელი 150 პალესტინელ პატიმარს გაათავისუფლებს, პარალელურად კი ღაზაში ოთხდღიანი პაუზა იმოქმედებს.
როგორც Wall Street Journal -ი ანონიმურ ოფიციალურ წყაროზე დაყრდნობით იტყობინება, ოფიციალურმა კაირომ უკვე მიიღო "ჰამასის" 10 მძევლის სია, ვისაც პირველად გაათავისუფლებენ.
პირობების მიხედვით, პირველ ეტაპზე გათავისუფლდებიან მხოლოდ ბავშვები და ქალები.
BBC-ის კორესპონდენტი იერუსალიმში, ორლა გუერინი, ისრაელის მთავრობაზე დაყრდნობით იტყობინება, რომ ბოლო მომენტში "ჰამასმა" წამოაყენა დამატებითი პირობები.
WSJ-ის ცნობით კი , სირთულე იმით იყო განპირობებული, რომ ისრაელს სურდა მძევლები ჯერ წითელ ჯვრისთვის გადაეცათ, შემდეგ კი ისრაელში გადასულიყვნენ, ხოლო "ჰამასს" სურს მათი გადაცემა მოხდეს პირდაპირ ეგვიპტეში.
ცეცხლის შეწყვეტის დროებითი რეჟიმის მოქმედების დროს, ღაზის სექტორში ნებისმიერი ბრძოლა უნდა შეწყდეს, ისრაელის სამხედროებმა ასევე უნდა შეაჩერონ ჰაერიდან სექტორის მონიტორინგი. ღაზის სექტორს უნდა მიეწოდოს ჰუმანიტარული დახმარება.
ისრაელის ხელისუფლება მკაფიოდ აცხადებს, რომ ლაპარაკი არ არის ზავზე და დროებითი შეთანხმების ვადის გასვლის შემდეგ "ჰამასის“ წინააღმდეგ ბრძოლა გაგრძელდება.
ისრაელმა "ჰამასს“ ომი მას შემდეგ გამოუცხადა , რაც 7 ოქტომბერს რადიკალურმა მოძრაობამ ისრაელის ქალაქებზე მასირებული სარაკეტო შეტევა მიიტანა, მისი შეიარაღებული ჯგუფები კი ისრაელის სამხრეთში მდებარე დასახლებებში შეიჭრნენ, ასეულობით ადამიანი დახოცეს და ათეულობით მძევლად აიყვანეს.
00:00 / 00:00
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჯერ დაუხოცეს ბავშვები, ტყვეები წაასხეს, ააწიოკეს და ეხლა სამაგიეროდ რომ გაუნადგურეს ყველაფერი და ჩაახოცინეს ამდენი პალესტინელი უდანაშაულო ადამიანი მერე დაუზავდნენ? ბოდიში და თუ ტრ...არ გაქვს ვის შეეჭიდო უნდა დააყენო.
როგორც კანდიდატის სტატუსი ციხიდან მიაღებინა ქვეყანას, ისე ეს კონფლიქტი მიშას შეწყვეტილია........ დამიჯერეთ ნაცებო 😆😆😆🤣🤣🤣 სადაც ხაბეიშვილის გჯერათ იქაც ესეთ დაიჯერეთ თქვე...