სცენაზე გამხელილი სასიხარულო ამბავი - სუკი უოთერჰაუსი და რობერტ პატინსონი პირველ შვილს ელოდებიან

სუკი უოთერჰაუსი და რობერტ პატინსონი პირველ შვილს ელოდებიან. მრავალი სპეკულაციის შემდეგ, ინფორმაციას თავად მომღერალი, სუკი უოთერჰაუსი ადასტურებს.

უოთერჰაუსმა ეს სასიხარულო ამბავი მექსიკაში, სცენაზე შესრულებისას გაამხილა. ერთ-ერთი ფანის გადაღებულ ვიდეოში, რომელიც შემდეგ X-ზე ატვირთა, მომღერალი საუბრობს: "ვიფიქრე, რომ რაიმე ბრჭყვიალა ჩამეცვა და თქვენი ყურადღება ტანსაცმელზე გადამეტანა, მაგრამ მგონი ამან საერთოდ არ იმუშავა",- იხუმრა სუკიმ ვიდეოში.

სცენაზე გაკეთებული კომენტარის გარდა, არც სუკის და არც რობერტს ამ თემასთან დაკავშირებით მედიასთან ჯერ არ უსაუბრია.

სუკის ორსულობის შესახებ ჭორები შემოდგომაზე დაიწყო. სოციალურ ქსელში შენიშნეს, რომ მომღერალი ორსულობასა და ბავშვის აღზრდასთან დაკავშირებულ ანგარიშებს ადევნებდა თვალს.

ბრიტანელი წყვილი ერთმანეთს 2018 წლიდან ხვდება. Sunday Times-ისთვის მიცემულ წლევანდელ ინტერვიუში სუკიმ გულახდილად აღნიშნა: "შოკში ვარ, რომ უკვე თითქმის 5 წელია პარტნიორთან ერთად ვარ და კვლავ ბედნიერი ვარ".

"როცა ტელეფონში მისგან შეტყობინება მომდის, მიხარია და ვფიქრობ, თვითონაც იგივეს გრძნობს ჩემს მიმართ. ერთმანეთისთვის ყოველთვის ბევრი რამ გვაქვს სათქმელი. რობი ძალიან სახალისო ადამიანია",- დასძინა სუკიმ.

წყარო: cnn

მოამზადა: ანა სიბოშვილმა