მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ათი წელი ველოდი ემანუელზე დაქორწინებას" - როგორ შეუყვარდა 15 წლის მაკრონს 25 წლით უფროსი დრამის მასწავლებელი: პრეზიდენტის "ლავ სთორის" უცნობი დეტალები ბრიჯიტისგან
12:21 / 18-11-2023
"ათი წელი ველოდი ემანუელ მაკრონზე დაქორწინებას" - ამბობს ბრიჯიტი, საფრანგეთის პირველი ლედი ჟურნალ Time-ისთვის მიცემულ იმ იშვიათ ინტერვიუში, სადაც პირადზე საუბრობს.
საფრანგეთის 70 წლის პირველმა ლედიმ თქვა, რომ მან მეუღლესთან, საფრანგეთის პრეზიდენტ 45 წლის ემანუელ მაკრონთან ქორწილი ათი წლით გადადო, ეს კი სამი შვილის გულისთვის გააკეთა, რომლებიც მისი (მაკრონის) ასაკის არიან.
მაკრონი 15 წლის იყო, როდესაც მასზე 25 წლით უფროსი ბრიჯიტ ოზიერი შეუყვარდა. ქალი იყო მისი დრამის მასწავლებელი პროვიდენსის კათოლიკურ სკოლაში ამიენში, ჩრდილოეთ საფრანგეთში, ხოლო მისი ქალიშვილი ლორენსი მაკრონის კლასელი იყო.
მათმა რომანმა პროვინციაში სკანდალი გამოიწვია. ამის შემდეგ მშობლებმა მაკრონი გაგზავნეს პარიზში სხვა სკოლაში სასწავლებლად, მაგრამ მასწავლებელთან ყოფნის სურვილი და მისი გრძნობები უცვლელი დარჩა.
ბრიჯიტმა გაიხსენა, რომ იმ დროს საკუთარ თავს ეუბნებოდა, რომ ერთხელაც ემანუელი პარიზში თავისი ასაკის ქალს შეიყვარებდა, მაგრამ ეს ასე არ მოხდა.
ბრიჯიტმა სამსახური დატოვა, რადგან ფიქრობდა, რომ მათი ურთიერთობის "ერთადერთი დაბრკოლება" მისი შვილები იყვნენ. ქალს არ სურდა "მათი ცხოვრების დანგრევა".
ბრიჯიტის ვაჟი მაკრონზე სამი წლით უფროსია, მისი ქალიშვილები კი 46 და 39 წლისები.
ქალმა ინტერვიუს დროს იმაზეც ისაუბრა, რომ არ იცოდა, რას იტყოდნენ მისი მშობლები ყოფილ მოსწავლესთან ქორწინებაზე, მაგრამ აღნიშნა, რომ მისი და-ძმები ხშირად ხუმრობდნენ მაკრონთან ურთიერთობის შესახებ ჭორებზე.
იგი საბოლოოდ დაქორწინდა მაკრონზე, იმ დროისთვის 30 წელს მიტანებული მაკრონი საჯარო მოხელე იყო.
მიუხედავად იმისა, რომ ბრიჯიტი 16 წელია დაქორწინებულია, ამბობს, რომ მეუღლე მაინც ახერხებს მის გაოცებას, თავისი ბრწყინვალე მეხსიერებითა და ინტელექტით.
- "ბევრი ბრწყინვალე სტუდენტი მყავდა, მაგრამ არცერთ მათგანს არ ჰქონდა მისი შესაძლებლობები. მე ყოველთვის აღფრთოვანებული ვიყავი მისით", - ამბობს პირველი ლედი.
ამჟამად წყვილი ელისეს სასახლეში მშვიდი ცხოვრებით ტკბება. პრეზიდენტი სახლში საღამოს 22:00 და 23:00 საათზე ბრუნდება, ხოლო ბრიჯიტი მას საუზმეს და ზოგჯერ სადილს უმზადებს.
სანამ მისი ქმარი თავის დღეს პოლიტიკურ საკითხებზე მუშაობაში ატარებს, საფრანგეთის პირველი ლედი ასწავლის მოზარდებს, ეწევა სხვადასხვა სახის ქველმოქმედებას.
იგი მიეჩვია კრიტიკას, რომელსაც ხშირად უწერენ ქმართან ერთად გადაღებულ საერთო ფოტოებზე.
სტატუსი აიძულებს, რომ მეუღლესთან ერთად ბევრ უცხოელ ლიდერს შეხვდეს. განსაკუთრებულად იხსენებს ბრიტანეთის მეფე-დედოფალთან შეხვედრას, რომლებიც პარიზს სექტემბერში ეწვივნენ.
ბრიჯიტი აღიარებს, რომ თავიდან ნერვიულობდა, მაგრამ როდესაც კამილა მიესალმა და ლოყაზე აკოცა, დამშვიდდა. ის აქებს ჩარლზის იუმორს და სამეფო წყვილის დელიკატურობას. ელისეს სასახლეში მეფე-დედოფალთან ერთად ვახშამს "მშვენიერ მომენტს" უწოდებს.
შეგახსენებთ, რომ ადრე პლასტიკურმა ქირურგებმა ბრიჯიტს სილამაზის პროცედურების ჩატარება შესთავაზეს, რომ ქალი უფრო ახალგაზრდულად გამოიყურებოდეს, მაგრამ მათ წინადადებას საფრანგეთის პირველი ლედი არ დათანხმდა.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მაკარონას თავისი საქმე ვერ დაულაგებია და ევროპას დაადგავს თაავს?!
"პროფესორი დაქორწინდა, მოაწერა ხელიაო, განსხვავება ცოლქმარს შორის ოცდახუთი წელიაო"