11
მაისიდღის ზოგადი ასტროლოგიური პროგნოზი
ოკუპანტების მიერ მოკლული თამაზ გინტურის ოჯახი პირველ კომენტარს აკეთებს. გივი გინტურის ინფორმაციით, მის ძმას ზურგში 2 ტყვია აქვს მოხვედრილი.
მისივე თქმით, თამაზ გინტური 2008 წლის ომში მონაწილეობდა და აქვს ინფორმაცია, რომ მას შემდეგ ოკუპანტების მას ეძებდნენ.
გივი გინტური ამბობს, რომ მისი ძმა წოდებით მაიორი იყო.
"არ ვიყავი სოფელში, როგორც გადმომცეს, ჩემი ძმა ჩემი მშობლების საფლავზე ყოფილა, დაანთო სანთელი. იქიდან წამოსვლისას ლომისის ეკლესიაში ავიდა, სამჯერ შემოუარა, დაანთო სანთლები, რომ წამოვიდა მანქანით უკნიდან დაცხრილეს, ეს არის ჩემი ინფორმაცია. ორი ტყვია აქვს ზურგში მოხვედრილი, რომ ჩამოიყვანეს უკვე დაღუპული იყო.
2008 წლის ომში მონაწილეობდა, წოდებით მაოირი იყო და როგორც ვიცი, ეძებდნენ და დაიჭირეს კიდეც" - ამბობს გივი გინტური.
"ლომისის ეკლესიაში დაახლოებით 2 წელია, რაც ვერ მივდივართ. როდესაც მიცვალებულებთან მივდივართ, მაშინ პოლიცია დგას ხოლმე. უნდა გასამართლდნენ ისინი, ვინც ეს ჩაიდინა. თამაზ გინტურს და ლევან დოთიაშვილს სანთლები უნდა დაენთოთ ლომისის სალოცავში, მეტი არაფერი. ადრე ჩემი ორი შვილიც იყო დაკავებული, ერთ კვირაზე მეტხანს“, - განაცხადა მოკლული თამაზ გინტურის ოჯახის ახლობელმა.
ცნობისთვის, თამაზ გინტური რუსეთის საოკუპაციო ძალებმა ცეცხლსასროლი იარაღიდან გასროლით 6 ნოემბერს მოკლეს. არსებული ინფორმაციით, თამაზ გინტური და ლევან დოთიაშვილი ლომისის ეკლესიაში, სანთლების დასანთებად მიდიოდნენ, როცა რუსეთის საოკუპაციო ძალების წარმომადგენლებმა ცეცხლი გახსნეს. აღნიშნულის შედეგად თამაზ გინტური მოკლეს, ლევან დოთიაშვილი კი გაიტაცეს.
დღეს საქართველოს პრეზიდენტი სალომე ზურაბიშვილი სოფელ კირბალში ჩავიდა და ოკუპანტების მიერ მოკლული თამაზ გინტურის ოჯახს მიუსამძიმრა.
წაიკითხეთ ასევე:
- "ლომისის სალოცავში მიდიოდნენ, სანთლები უნდა დაენთოთ... " - რას ჰყვებიან ადგილობრივები ოკუპანტების მიერ მოკლულ თამაზ გინტურსა და გატაცებულ ლევან დოთიაშვილზე
- "ამ ადამიანის სიკვდილით გახარებული პოლიტიკოსები, მათ შორის სალომე ზურაბიშვილი, არ ეკადრება ჩვენს ქვეყანას... ღირსების თემაა" - გია ვოლსკი
აბა ომი გინდათ?სად ხართ ეს ხალხი?
რა გამოდის, იცოდა რომ მოსაკლავად ეძებდნენ და თავისი ფეხით მივიდა მტერთან? ამას რა ჰქვია!