"მყავს ზრდასრული შვილი, რომელიც ქორწინებიდან არ შემძენია... მასთან არ ვურთიერთობ, ერთხელ ვნახე" - გრიგოლი ლეპსი პირადი ცხოვრების უცნობ დეტალებზე
ქართული წარმოშობის, რუსული ესტრადის ვარსკვლავი გრეგორი ლეპსი ჟურნალისტებთან სკანდალურ განცხადებას აკეთებს. ლეპსის თქმით, მას ჰყავს ზრდასრული შვილი, რომელიც ქორწინებიდან არ შეძენია. მომღერალმა ამის შესახებ მოულოდნელად „მეხუთე არხის“ ჟურნალისტებთან კრემლში გამართული კონცერტის შემდეგ ისაუბრა. კონცერტი კომპოზიტორ ისააკ შვარცის დაბადებიდან ასი წლისთავს ეძღვნებოდა.
- მომღერალმა შვილის შესახებ ჟურნალისტებს უთხრა, რომ არაკანონიერი ურთიერთობისას დაბადებულ შვილზე დეტალები არ გაამხილა, მხოლოდ ის თქვა, რომ ვერ ხედავს მასთან კომუნიკაციის საჭიროებას.
"არ ვურთიერთობ. ერთხელ ვნახე. უკვე ძალიან დიდია, მშვენიერი ოჯახია, ჩარევა არ არის საჭირო", - თქვა გრეგორიმ და დასძინა, რომ "თითქმის ყველა კაცს" ჰყავს უკანონო შვილები, მაგრამ მზად არ არიან ამაზე ღიად ისაუბრონ.
ორი წლის წინ ლეპსი მეორე ცოლს, ბალერინა ანა შაპლიკოვას დაშორდა, რომელთანაც 20 წელი იყო დაქორწინებული და სამი შვილი ჰყავს - ქალიშვილი ევა და ნიკოლი და ვაჟი ივანე. ინტერვიუში მომღერალმა აღიარა, რომ ის ცუდად მოექცა ცოლს, რომელიც "ერთგულად ემსახურებოდა ორი ათეული წლის განმავლობაში".
"მაგრამ ჩვენ არ ვართ პირველები და არც ბოლოები განქორწინებული წყვილების სიაში. ეს პირადია და არ მინდა ამაზე ღიად საუბარი. ერთადერთი, რაც შემიძლია გითხრათ, ყველაფერში რაც მოხდა, მხოლოდ ერთი ადამიანია დამნაშავე და ეს მე ვარ, სხვა დამნაშავე არ არსებობს“, - განაცხადა მომღერალმა.
მუსიკოსს ასევე ჰყავს ქალიშვილი, ინგა, პირველი ქორწინებიდან სვეტლანა დუბინსკაიასთან. ერთი წლის წინ ინგას ვაჟი შეეძინა.
ცოტა ხნის წინ ლეპსმა, რომელსაც წელს 61 წელი შეუსრულდა, გამოაცხადა, რომ ღია ურთიერთობაში იყო 20 წლის გოგონასთან.