"მაკიაჟი უნდა გამეკეთებინა" - დონალდ ტრამპის ვაჟის ირონია სასამართლოზე: რა ჩვენება მისცა უმცროსმა ტრამპმა, რომელმაც შესაძლოა, ნიუ-იორკში ბიზნესის ქონის უფლება დაკარგოს
ამერიკის ყოფილი პრეზიდენტის დონალდ ტრამპის ვაჟი, დონალდ ტრამპ უმცროსი ოთხშაბათს სასამართლოს წინაშე წარსდგა. მას თაღლითური დოკუმენტის წარდგენა ედება ბრალად - სასამართლოს მტკიცებით, დონალდ ტრამპ უმცროსი და მისი ძმა, ერიკი შეგნებულად მონაწილეობდნენ მამის ქონების გაზრდის სქემაში ფინანსური სარგებლის მისაღებად, როგორიცაა სესხის უკეთესი პირობები და სადაზღვევო პოლისი.
გენერალური პროკურორმა ლეტიცია ჯეიმსმა ნიუ იორკში ტრამპის ბიზნესის ლიცენზიების გაუქმება მოითხოვა. მისივე განცხადებით, სავარაუდო თაღლითობის შედეგად, ბანკებმა 168 მილიონი დოლარი დაკარგეს.
დონალდ ტრამპ უმცროსი პროკურატურის მიერ წარდგენილ ბრალდებებს უარყოფს:
"მე არ ვმონაწილეობდი ფინანსური მდგომარეობის ანგარიშგების შედგენაში" - განუცხადა ტრამპმა ადვოკატებს. მედია აღნიშნავს, რომ სასამართლო პროცესზე მას მსუბუქი და ზოგჯერ ირონიული ტონი ჰქონდა:
"მაკიაჟი უნდა გამეკეთებინა" - თქვა მან, როცა ფოტოგრაფები მისი ფოტოს გადაღებას ცდილობდნენ.
დონალდ ტრამპ უმცროსის სასამართლო ხუთშაბათს განახლდება. მისი ძმა, ერიკ ტრამპი, ამ საქმეში კიდევ ერთი თანაბრალდებული, სავარაუდოდ, ამ კვირაში მისცემს ჩვენებას.
მოსამართლემ უკვე აღმოაჩინა გაყალბებული ბიზნეს ჩანაწერები. სასამართლოს მოსალოდნელი გადაწყვეტილებით, დონალდ ტრამპ უმცროსმა, მამასთან და ძმასთან ერთად შესაძლებელია ნიუ-იორკში ბიზნესის ქონის უფლება დაკარგოს.
აშშ-ის ყოფილი პრეზიდენტი, დონალდ ტრამპი, რომელიც პროცესს ოქტომბრის დასაწყისიდან ესწრებოდა, შვილის ჩვენების დროს სასამართლო დარბაზში არ იმყოფებოდა. მისი სასამართლო ორშაბათსაა დაგეგმილი.