მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ფაუდას“ ვარსკვლავს, წარსულში, პირველი სიყვარული ტერორისტებმა მოუკლეს - რეალური ცხოვრების ტრაგედია მსახიობისა, რომელიც ახლა ფრონტის ხაზზეა
10:32 / 29-10-2023
ისრაელელი მსახიობი, 51 წლის ლიორ რაზი, რომლის პირველი სიყვარულიც ირის აზულაი პალესტინელმა ტერორისტმა მოკლა, 7 ოქტომბერს კიბუცში "ჰამასის" თავდასხმის შემდეგ, ქვეყნის დასაცავად ისრაელის არმიას შეუერთდა.
ცნობილი მსახიობი Netflix-ის სერიალის, Fauda-ს ვარსკვლავია. ლიონ რაზმა სოციალურ ქსელში პოსტი გამოაქვეყნა, სადაც წერს, რომ ის "შეუერთდა თავის ძმებს ისრაელის ფრონტის ხაზზე, რათა გადაერჩინა დაზარალებული ოჯახები ქალაქ სდეროთში" (ეს ის ადგილია, რომელიც ღაზის სექტორიდან შეტევის ერთ-ერთი მთავარი სამიზნე იყო).
"ინსტაგრამზე" მსახიობის მიერ რამდენიმე თვის წინ გამოქვეყნებული პოსტიც იძებნება, სადაც წერს: "გახსოვდეთ, ვინ დაიწყო ხოცვა-ჟლეტა. "ჰამასი" არის ორგანიზაცია, რომელსაც სურს ებრაელების განადგურება და არავითარ შემთხვევაში არ სურს მშვიდობაზე ლაპარაკი. როდესაც ომი დაიწყება, ჩვენ გპირდებით, რომ ჩვენ გავაკეთებთ ყველაფერს. გახსოვდეთ, რომ ამ ომში ჩვენ შევდივართ მძიმე გულით, უდანაშაულოების მოკვლის სურვილის გარეშე და არ ექნებათ არჩევანი მათ, ვინც გვეწინააღმდეგება", - წერს რაზი.
- შეგახსენებთ, რომ სერიალი "ფაუდა" ეფუძნება ისრაელის გაზეთ "ჰაარეცის" ჟურნალისტის, ალი ისახაროვის და ლიორ რაზის რეალურ ამბებს. ორივე მათგანი ისრაელის თავდაცვის ძალებში მსახურობდა.
სერიალი 2015 წელს დაიწყო და ომის დაწყებამდე მეხუთე სეზონის გამოსვლა დაიგეგმა. სერიალის სათაური ითარგმნება როგორც "ქაოსი".
სერიალი მოგვითხრობს ისრაელის თავდაცვის ძალების კონტრტერორისტული სპეცრაზმის საქმიანობაზე, რომელიც ფარულად მუშაობს. ლიორ რაზი თამაშობს დორონს, "ჰამასის" მოწინააღმდეგე განყოფილების ხელმძღვანელის როლს.
- ვინ არის ლიორ რაზი
რაზი დაიბადა დასავლეთ სანაპიროზე, მალე ადუმიმის დასახლებაში, ერაყელი კაცისა და ალჟირელი ქალის ოჯახში. მისი მამა მუშაობდა აშშ-ის საზღვაო ძალების ისრაელის პერსონალის განყოფილებაში. სკოლის დამთავრების შემდეგ, რაზი ჩაირიცხა დუვდევანის კონტრტერორისტულ განყოფილებაში.
როდესაც 19 წლის იყო, პალესტინელმა ტერორისტმა მისი 18 წლის შეყვარებული მოკლა, რომელსაც ლიორი სამი წლის განმავლობაში ხვდებოდა.
მკვლელი დააკავეს, მაგრამ 2011 წელს "ჰამასის" მიერ დატყვევებული გილად შალიტის სანაცვლოდ გაათავისუფლეს. მის გარდა გაათავისუფლეს კიდევ 1026 პალესტინელი პატიმარი.
სამსახურის დასრულების შემდეგ, რაზი გადავიდა ლოს-ანჯელესში, სადაც მუშაობდა არნოლდ შვარცენეგერისა და ნასტასია კინსკის მცველად. მან თავად უწოდა იმჟამინდელ ცხოვრებას "გლამურული გამოცდილება".
- კარიერა
ადრეულ წლებში რაზმა ითამაშა სხვადასხვა სპექტაკლში, როგებიცაა "დონ ჟუანი" და "მაკბეტი". ასევე ითამაშა მცირე როლები ისრაელის სერიალებში. 2004 წელს ის არაერთ ფილმსა და სერიალში გადაიღეს.
2014 წელს "ჰაარეცის" ჟურნალისტ ავი ისაშაროფთან ერთად შექმნა კრიტიკოსების მიერ აღიარებული პოლიტიკური თრილერი, სატელევიზიო სერიალი Fauda, რომელშიც მთავარი გმირს დორონ კაბილიოს როლს თამაშობს. 2016 წელს ისრაელის კინო აკადემიის დაჯილდოებაზე სერიალმა მიიღო ექვსი ჯილდო, მათ შორის საუკეთესო დრამატული სერიალის კატეგორიაში. 2017 წლის დეკემბერში The New York Times-მა "ფაუდა" 2017 წლის საუკეთესო საერთაშორისო სერიალად აღიარა, 2018 წელს შოუმ მოიგო ისრაელის სატელევიზიო აკადემიის 11 ჯილდო, მათ შორის საუკეთესო სატელევიზიო დრამა, საუკეთესო სცენარი, კასტინგი, კინემატოგრაფია და სპეციალური ეფექტები. საუკეთესო მსახიობი კი რაზი გახდა.
2018 წელს რაზმა ითამაშა ფილმში "მარიამ მაგდალინელი“, რომლის ავტორია ჰელენ ედმუნდსონი. 2021 წლის აგვისტოში Netflix-მა გამოუშვა ახალი სერიალი სახელწოდებით Hit & Run, რომელშიც მთავარ როლს რაზი ასრულებს.
2023 წელს, მან და Fauda-ს თანაშემქმნელმა ავი ისახაროფმა შექმნეს სერიალი "ბეირუთის აჩრდილები“, ოთხნაწილიანი ჯაშუშური დრამა.
- პირადი ცხოვრება
რაზი დაქორწინებულია ისრაელელ მსახიობ მეიტალ ბერდაზე. წყვილს ოთხი შვილი ჰყავს. ისინი ისრაელში, რამათ ჰაშარონში ცხოვრობენ.
- საინტერესო ფაქტები ლიორ რაზის შესახებ
ცნობილია, როგორც მეოჯახე კაცი და თავისუფალი დროის უმეტეს ნაწილს მეუღლესთან და შვილებთან ატარებს. მისი პირველი შეყვარებული სასტიკად მოკლეს, როდესაც ის 19 წლის იყო. მოგვიანებით ქალს ასე იხსენებდა: "ის იყო ჩემი პირველი სიყვარული. ის იყო ერთ-ერთი ულამაზესი ქალი იერუსალიმში, საოცარი ადამიანი".
ლიორ რაზი ასევე არის საჯარო სპიკერი. თავის გამოსვლებში ადამიანებს უზიარებს საკუთარ გამოცდილებას მსხვერპლზე, სიძულვილზე, ურთიერთობებზე, კონფლიქტებზე, ტკივილზე, შიშზე, ერთგულებაზე, მორალზე და მეგობრობაზე. ის ასევე საუბრობს სიცოცხლესა და სიკვდილს შორის არსებულ ბეწვის ხიდზე და ამ ხიდზე სიარულის გამოცდილებაზე. მსახიობის სიტყვით გამოსვლა ხშირად სხვებისთვის შთამაგონებელია.
მისი ქონება დაახლოებით 5 მილიონი დოლარია, რაც ძირითადად სამსახიობო კარიერიდან და სატელევიზიო შოუებიდან მიიღო. ლიორ რაზი ისრაელში უმდიდრესი ტელემსახიობების ელიტარულ სიაშია.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს ამბები რა თქმა უნდა რუსეთის პროვოცირებულია. უნდათ დასავლეთმა მოადუნოს უკრაინისკენ ყურადღება და თვითონ ბოლომდე ჩახოცონ უკრაინელები. მაგრამ როგორც ყოველი ბოროტება თვითონ ჩავარდებიან საკუთარი ხელით გათხრილ სამარეში. ერთი პატარა კონფლიქტი სადმე და ახალი მსოფლიო ომი დაწყებულია. ისტორიამ ადამიანს ისევ ვერაფერი ვერ ასწავლა