მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მე რომ პრემიერს ან უმრავლესობის რომელიმე წევრს მონა დავუძახო და ეს მედიამ გააშუქოს, დაჯარიმდება? – "მაუწყებლობის შესახებ“ კანონში შესატან ცვლილებაში ნაღმები დევს" - წითლიძე
14:57 / 19-10-2023
მე რომ პრემიერს ან უმრავლესობის რომელიმე წევრს მონა დავუძახო და ეს მედიამ გააშუქოს, დაჯარიმდება? - ამ ცვლილებაში ნაღმები დევს,- ამ კითხვით მიმართა "ნაციონალური მოძრაობის“ წევრმა ანა წითლიძემ პარლამენტის პლენარულ სხდომაზე "მაუწყებლობის შესახებ“ კანონში ცვლილებების მომხსენებელს, დავით სონღულაშვილს.
წითლიძე დაინტერესდა, რატომაა აუცილებელი აღნიშნული კანონპროექტის დაჩქარებული წესით განხილვა.
"რა აუცილებლობა იდგა დაჩქარებული წესით რომ გამოგაქვთ ეს კანონი, განსაკუთრებით მაშინ, როდესაც ვართ პროცესში, როდესაც 12-პუნქტიანი ვალდებულება ჯერ კიდევ შესასრულებელი გვაქვს; როდესაც ჩვენი საერთაშორისო პარტნიორები გვეუბნებიან, რომ მხოლოდ სამია შესრულებული; როდესაც ქვეყანაში სხვა უამრავი პრობლემაა, მაგალითად, სკოლებში ბავშვების 35% ჯერ კიდევ შიმშილობს. მაგალითად, პრობლემაა ის, რომ საქართველოს მოქალაქეები მძიმე სოციალურ-ეკონომიკური მდგომარეობის გამო ამ ქვეყნიდან გარბიან. ბევრი სხვა პრობლემაა ქვეყანაში ისეთი, რომელიც საჭიროებს სწრაფ რეაგირებას, მათ შორის პარლამენტის მხრიდან და რა აუცილებლობა დგას, რომ სასწრაფოდ გამოდის ეს კანონი? კითხვები რომ გიკვირთ, მე ეს უფრო მიკვირს. ხშირად ეჭვმიტანილი ხართ იმაში, რომ ყველა საკანონმდებლო ინიციატივა გამოგაქვთ იმისთვის, რომ მხოლოდ საკუთარი ძალაუფლება განიმტკიცოთ, ამიტომ ამ კანონის ინტერპრეტაციას და გამოყენებას როგორ შეძლებთ, ამას მომავალი გვაჩვენებს, მაგრამ ამ ცვლილებაში ნაღმები დევს.
მე რომ მონა დაგიძახოთ რომელიმეს და ეს მედიამ გააშუქოს, ეს თუ ჩაითვლება უხამსობად? მე რომ მაგალითად, პრემიერს ან უმრავლესობის რომელიმე წევრს მონა დავუძახო და ეს რომ მედიამ გააშუქოს, თუ დაჯარიმდება?“ - განაცხადა ანა წითლიძემ.
შეგახსენებთ, რომ პარლამენტმა, პირველი მოსმენით, მხარი დაუჭირა "მაუწყებლობის შესახებ“ კანონში დაგეგმილ ცვლილებებს, რომლის მიხედვით, სიძულვილის ენის და ტერორიზმისკენ მოწოდების შემცველი პროგრამის გავრცელებასთან დაკავშირებით მაუწყებლის თვითრეგულირების ორგანოს მიერ მიღებული გადაწყვეტილებები კომუნიკაციების ეროვნულ კომისიაში გასაჩივრდება.
"მაუწყებლობის შესახებ“ კანონში ცვლილებებს პარლამენტი დაჩქარებული წესით იხილავს.
მაუწყებლები, რომლებიც სიძულვილის ენის და ტერორიზმისკენ მოწოდების გავრცელების აკრძალვის მოთხოვნას დაარღვევენ, ჯერ გაფრთხილებას მიიღებენ. ერთი წლის განმავლობაში განმეორებით ანალოგიური დარღვევის ჩადენის შემთხვევაში - დაეკისრებათ ჯარიმა ბოლო ერთი წლის შემოსავლის 0,5%-ის ოდენობით, არანაკლებ 2 500 ლარისა. მომდევნო ანალოგიური დარღვევის შემთხვევაში, ჯარიმის თანხა იზრდება. "მაუწყებლობის შესახებ“ კანონის 55/2-ე მუხლი მედია მომსახურების მიმწოდებლის პროგრამაში ან რეკლამაში სიძულვილის ენის და ტერორიზმისკენ მოწოდების გავრცელების აკრძალვას ითვალისწინებს. ჯერ კიდევ მოქმედი კანონით, აღნიშნული აკრძალვის დარღვევასთან დაკავშირებით რეაგირება მხოლოდ მედიამომსახურების მიმწოდებლის თვითრეგულირების მექანიზმის ფარგლებშია შესაძლებელი.
კანონპროექტის ავტორი და ინიციატორები არიან უმრავლესობის დეპუტატები: დავით სონღულაშვილი, ეკა სეფაშვილი, ბეჟან წაქაძე, ისკო დასენი, ირაკლი კირცხალია, ანტონ ობოლაშვილი და ირმა ზავრადაშვილი.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აუ აი დემოკრატია რა - ეს რომ პარლამენტში იჯდება!
ეს, რომ ვისმეს მონას დაუძახებს! მართლა სასაცილოა, სატირალი, რომ არ იყოს!