"დიდებული ბიჭების" გამო ყველამ გამრიყა" - მარტინ სკორსეზეს თქმით, იტალიაში, ზოგიერთ რესტორანში არ უშვებდნენ
ლეგენდარული რეჟისორი მარტინ სკორსეზე ამბობს, რომ მისმა ფილმმა, Goodfellas, რომელიც 1990 წელს გადაიღეს, იტალიელები გაანაწყენა, რადგან მათი აზრით, დამამცირებლად, როგორც კრიმინალებად იყვნენ წარმოჩენილები.
"ღმერთო ჩემო. "დიდებული ბიჭების" გამო ყველამ გამრიყა, იტალიური რესტორნებიც კი არ მიშვებდნენ", - განაცხადა რეჟისორმა GQ-სთან ინტერვიუში. საინტერესოა, რომ ჟურნალისტის როლში მსახიობი ტიმოთი შალამე იყო.
- ფილმში რობერტ დე ნირო, რეი ლიოტა და ჯო პეში იტალიელ-ამერიკელი განგსტერების როლს თამაშობენ.
ტიმოთიმ მარტინს ფილმში ძალადობის ამსახველი სცენების გადაღებაზე ჰკითხა, რაზეც რეჟისორმა უპასუხა:
"ისეთ ადგილას გავიზარდე, სადაც ძალადობა გამოხატვის ფორმად ითვლებოდა. მეგობრული სილის გაწვნასა და სახეში გარტყმას შორის სხვაობა იყო და შენზე იყო დამოკიდებული, როგორ აღიქვამდი. ამის დანახვა "დიდებულ ბიჭებშიცაა" შესაძლებელი, როცა ტომი დევიტო კითხულობს: "გგონია, სასაცილო ვარ?" - პასუხობს სკორსეზე.
სკორსეზემ ტიმოთისთან საუბარში არ დააკონკრეტა, თუ რომელ რესტორანში არ შეუშვეს, მაგრამ წარსულში აღუნიშნავს, რომ ამ დაწესებულების ხშირი სტუმარი იყო.
სკორსეზემ განაწყენებულმა აღნიშნა: "ფილმის გამოსვლის შემდეგ, რესტორნის მეპატრონემ გვითხრა, რომ აღარ შეგვიშვებდა, რადგან ფილმით გარკვეული ეთნიკური ჯგუფი დავამცირეთ".
<iframe width="727" height="409" src="https://www.youtube.com/embed/sB_JZLp521g" title="Timothée Chalamet & Martin Scorsese Have an Epic Conversation | GQ" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>წყარო: insider
მოამზადა: ანა სიბოშვილმა