მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სალომე ზურაბიშვილს ნერვები კარგ მდგომარეობაში აქვს" - პრეზიდენტი პარლამენტში მისი იმპიჩმენტის განხილვას დაესწრება: რას აცხადებენ დეპუტატები?
11:52 / 17-10-2023
16 ოქტომბერს, საკონსტიტუციო სასამართლომ პრეზიდენტის საიმპიჩმენტო წარდგინებაზე დასკვნა გამოაქვეყნა. კერძოდ, მოსამართლეთა პლენუმმა, საქართველოს პრეზიდენტ სალომე ზურაბიშვილის მიერ ევროპაში, მთავრობის უნებართვო ვიზიტების განხორციელებით, ქვეყნის კონსტიტუციის დარღვევა დაადგინა. პროცედურის თანახმად, ახლა ეს საკითხი პარლამენტმა უნდა განიხილოს და გადაწყვეტილება მიიღოს. როგორც ცნობილია, სახელისუფლო პარტიას პრეზიდენტის იმპიჩმენტისთვის საჭირო 100 ხმა არ აქვს. ერთი შეხედვით, თითქოს ხელისუფლება არც აპირებს ოპოზიციისგან საჭირო ხმებისთვის მუშაობას.
"საქართველოს პარლამენტში მიმდინარე სასესიო კვირის ბოლომდე შედგება კენჭისყრა იმპიჩმენტის წესით სალომე ზურაბიშვილის საქართველოს პრეზიდენტის თანამდებობიდან გადაყენების თაობაზე. გვესმის, რომ სალომე ზურაბიშვილი კოლექტიური "ნაციონალური მოძრაობის" იმედით არღვევდა საქართველოს კონსტიტუციას და აქედან გამომდინარე, მის გადასაყენებლად 100 ხმის მოგროვების შანსი პრაქტიკულად არ არსებობს. თუმცა, იმედს ვიტოვებთ, რომ რამდენიმე ოპოზიციონერ დეპუტატს მაინც აღმოაჩნდება საკმარისი პატრიოტიზმი ან პროფესიული ღირსება, რომ სალომე ზურაბიშვილის მიერ საქართველოს კონსტიტუციის უხეში დარღვევა და კონსტიტუციური წესრიგის წინააღმდეგ წასვლა რეაგირების გარეშე არ დატოვოს.
როგორც არ უნდა დასრულდეს იმპიჩმენტის პროცედურა, ჩვენ უკვე მივაღწიეთ დასახულ მიზანს - სალომე ზურაბიშვილის მიერ საქართველოს კონსტიტუციის დარღვევა არ დარჩა რეაგირების გარეშე, რასაც მმართველობის სისტემის გამართული ფუნქციონირებისთვის გრძელვადიანი პრევენციული ეფექტი ექნება", - განაცხადა "ქართული ოცნების" თავმჯდომარე ირაკლი კობახიძემ.
"მიზანი გვქონდა, ყველასთვის გვეთქვა, რომ პრეზიდენტმა დაარღვია კონსტიტუცია - ჩვენი ამოცანა არასდროს ყოფილა იმპიჩმენტი", - ეს განცხადება კი უმრავლესობის კიდევ ერთმა დეპუტატმა იარკალი ზარქუამ გააკეთა.
თუმცა ექსპერტთა ნაწილი არ გამორიცხავს, რომ შესაძლოა, ეს მხოლოდ თამაში იყოს მმართველი გუნდისგან და ისინი რიგ ოპოზიციონერ დეპუტატებთან გარიგებას კულუარებში ცდილობდნენ. "მოქალაქეების" ლიდერი ალეკო ელისაშვილი უკვე კარგა ხანია ამტკიცებს, რომ იმპიჩმენტისთვის საჭირო 100 ხმა "ოცნებას" უკვე შეგროვილი აქვს.
პარლამენტი ამ საკითხის განხილვას 19 ოქტომბერს იწყებს, როგორც პრეზიდენტის განცხადებისგან შევიტყვეთ, სალომე ზურაბიშვილი ამ განხილვაზე დასწრებას გეგმავს.
"პარლამენტშიც მივალ. სხვათა შორის, მე იმ პატარა კაცებთან რომ დავდგე, არავინ მჭირდება მხარდასაჭერად. მინდა ვურჩიო... ყველას გადასაწყვეტია, მე ვერაფერს და ვერავის ვუკარნახებ, მინდა ვურჩიო ოპოზიციას, რომ თუ უნდათ, სურათი იყოს ძლიერი, გარეთ დადგნენ. დადგნენ ამ ანტიევროპული იმპიჩმენტის წინააღმდეგ. შიგნით მე ვიქნები, მე გამოვალ თუ სიტყვა მომცეს, თუ არა, ისედაც გამოვალ და ყველაფერს ვიტყვი, რაც არის სათქმელი. ამიტომ ამ მხარდაჭერისთვის, რასაც ვგრძნობ, რომ ქვეყანაში არსებობს, დიდი მადლობა და ერთად ვიბრძოლოთ ბოლომდე", - განაცხადა პრეზიდენტმა.
"ეტყობა სალომე ზურაბიშვილს ნერვები კარგ მდგომარეობაში აქვს, რადგან პარლამენტში მისვლის გადაწყვეტილება მიიღო", - ამის შესახებ კონსტიტუციონალისტმა, ვახტანგ ხმალაძემ "პალიტრანიუსის" გადაცემა "360 გრადუსში" ისაუბრა.
"ბოლომდე ვარ დარწმუნებული, რომ პარლამენტში "ქართული ოცნება" 100 ხმის შეგროვებას ვერ შეძლებს, ანუ ვერ შეძლებენ გადაყენებას. თუ ეს მოახერხეს, მაშინ ძალიან ბედნიერები იქნებიან, არა მხოლოდ იმიტომ, რომ სალომე ზურაბიშვილს დასჯიან, არამედ იმიტომ რომ ისეთ პრეზიდენტს აირჩევენ, როგორიც მათ ენდომებათ", - განაცხადა ხმალაძემ.
მისივე შეფასებით, "ქართული ოცნება" საკონსტიტუციო სასამართლოს ამ გადაწყვეტილებას ხელში დაიჭერს და არჩევნებამდე გამუდმებით იქნება საუბარი იმაზე, რომ კონსტიტუციის დამრღვევი პრეზიდენტი გვყავს.
"ამ თვალსაზრისითაც მავნე აღმოჩნდება საკონსტიტუციო სასამართლოს ეს გადაწყვეტილება", - აღნიშნა ხმალაძემ.
"გირჩის" დეპუტატები არ აპირებენ გაითვალისწინონ პრეზიდენტის რჩევა.
"სალომე ზურაბიშვილის მოწოდებას არ გავითვალისწინებ, რადგან არასერიოზულია. მე არაფრით დამიმსახურებია ის, რომ პრეზიდენტი შიგნით იყოს და მე გარედან ვუყურებდე",- ამის შესახებ პარტიის ლიდერმა იაგო ხვიჩიამ განაცხადა.
"სტრატეგია აღმაშენებელს" და "ნაციონალურ მოძრაობას" ისედაც ეს პოზიცია გვქონდა, რომ კარგი იქნება, თუ საერთოდ არ მიიღებს ოპოზიცია კენჭისყრაში მონაწილეობას, რადგან ჩვენზე არ არის საუბარი, მაგრამ არსებობენ, ალბათ, დეპუტატები, რომელზე ზემოქმედების მექანიზმები გააჩნია ხელისუფლებას. ამიტომ რისკები რომ დაზღვეული იყოს, ვამბობდით, რომ კარგი იქნება ოპოზიციამ არ მიიღოს კენჭისყრაში მონაწილეობა. კენჭისყრაში რომ მონაწილეობას არ ვიღებთ, ეს არის ცალსახა, რაც შეეხება დებატებში მონაწილეობას, ამაზე ჩამოვყალიბდებით..." - განაცხადა "სტარტეგია აღმაშენებლის" დეპუტატმა პაატა მანჯგალაძემ.
პარტია "საქართველოსთვის” დეპუტატის მიხეილ დაუშვილის განცხადებით, იმპიჩმენტის განხილვის პროცესზე დარბაზში ყოფნა-არყოფნის თაობაზე პრეზიდენტის მოწოდებას გაითვალისწინებენ.
ამასთანავე, როგორც დაუშვილმა ჟურნალისტებს განუცხადა, მიაჩნდათ და მიაჩნიათ, რომ იმპიჩმენტის კენჭისყრისას წითელ ღილაკზე ხელის დაჭერით პოზიციის გამოხატვა სწორია.
"მიგვაჩნდა და მიგვაჩნია, რომ სწორი ნაბიჯი იქნებოდა დარბაზში შესვლა და წითელ ღილაკზე თითის დაჭერით პოზიციის გამოხატვა. რაც შეეხება გუშინდელ თხოვნას თუ მოწოდებას, ამას გავითვალისწინებთ. არ ვიცი, პრეზიდენტს რა გეგმა და ამოცანა აქვს, მაგრამ ამის მიუხედავად ამ თხოვნას და მოწოდებას გავითვალისწინებთ. თუმცა ჩვენ დარბაზში შევიდოდით თუ არა, მოქალაქეებს კითხვა არ გაუჩნდებოდათ, რა იყო ჩვენი გადაწყვეტილება. დარწმუნებულები იქნებოდნენ, რომ ჩვენ მხარი არ დავუჭირეთ იმპიჩმენტის პროცესს. დარბაზში ყოფნა-არყოფნის საკითხზე პრეზიდენტის მოწოდებას გავითვალისწინებთ”, - განაცხადა მიხეილ დაუშვილმა.
"ეჭვი არ მეპარება, რომ "ქართული ოცნება“ ძალიან აქტიურად მუშაობს, რათა პრეზიდენტის იმპიჩმენტისთვის საჭირო ხმები ჰქონდეს - გულახდილად რომ გითხრათ, არ მეპარება ეჭვი, რომ სათანადო ხმებს მოაგროვებენ!" - ამის შესახებ ჟურნალისტებს დეპუტატმა ალეკო ელისაშვილმა განუცხადა.
როგორც ელისაშვილმა განმარტა, ეჭვმიტანილები ფრაქცია "ნაციონალური მოძრაობის“ წევრები და "ნაციონალური მოძრაობის“ სიით გასული დეპუტატები არიან.
"პარტია "მოქალაქეებს“ პარლამენტში ორი მანდატი აქვს და ერთმნიშვნელოვნად შემიძლია ვთქვა, რომ მე და ქეთი თურაზაშვილი პრეზიდენტის იმპიჩმენტის მხარდაჭერას კატეგორიულად გამოვრიცხავთ, მაგრამ არა თუ გამოვრიცხავ, არამედ არ მეპარება ეჭვი, რომ "ქართული ოცნება“ სათანადო რაოდენობის ხმებს იშოვის. რა თქმა უნდა, ხმებს ოპოზიციაში იპოვიან! ეჭვმიტანილები ფრაქცია "ნაციონალური მოძრაობის“ წევრები და “ნაციონალური მოძრაობის“ სიით გასული დეპუტატები არიან. როცა იუსტიციის საბჭოს არამოსამართლე წევრების არჩევა იყო, 95-96 ხმა დაფიქსირდა. დარწმუნებული ვარ, "ქართული ოცნება“ ოპოზიციის ნაწილთან ინტენსიურ მოლაპარაკებებს აწარმოებს", - განაცხადა ალეკო ელისაშვილმა.
00:00 / 00:00
მკითხველის კომენტარები /
54 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რად უნდა ამ უცხო ქვეყნის აგენტს იმპიჩმენტიი ? პირდაპირ დააწერინეთ განცხადება გადადგომაზე და გააწევინეთ იმ დღისითვე !
ძალიან ნერვიულობენ ივანიშვილი და მთელი ოცნება, ტვ იმედი, რუსთავი 2 და რა თქმა უბდა რუსული ალტ ინფო.