მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გასულ წელს 815 არასრულწლოვანის ორსულობა აღირიცხა - 47-მა გოგომ ქორწინების მიზეზით განათლების მიღება შეწყვიტა" - სახალხო დამცველის აპარატი
11:18 / 17-10-2023
საქართველოს სახალხო დამცველის აპარატის გენდერის დეპარტამენტის უფროსის მოვალეობის შემსრულებლის, სოფო რუსეცკის განცხადებით, 2022 წელს, ქვეყნის მასშტაბით 815 არასრულწლოვანის ორსულობა აღირიცხა. აღნიშნულის შესახებ რუსეცკიმ "ინტერპრესნიუსთან“ ინტერვიუში განაცხადა.
სოფო რუსეცკის განცხადებით, 2022 წელს 434-მა არასრულწლოვანმა იმშობიარა.
"სტატისტიკური მონაცემები, რასაც სახალხო დამცველი ყოველწლიურად ითხოვს, შემიძლია მოგახსენოთ. მაგალითად, 2022 წელს, ქვეყნის მასშტაბით 815 არასრულწლოვანი ორსული იყო, აქედან მშობიარობის რიცხვი 434-ს აღწევს. წარმოიდგინეთ, ჩვენი ქვეყნისთვის ეს როგორი მასშტაბურია. როცა ადრეულ ასაკში ქორწინება ხდება, გოგონები განათლების მიღებას წყვეტენ. სკოლებიდან გამოთხოვილი ინფორმაციის თანახმად, 2022 წელს 47-მა გოგომ ქორწინების მიზეზით განათლების მიღება შეწყვიტა“, - აცხადებს რუსეცკი.
მისივე თქმით, აღნიშნული პრობლემის ერთ-ერთი მიზეზი საზოგადოების დაბალი ინფორმირებულობაა. ამასთან, რუსეცკი სასამართლო პრაქტიკაზეც საუბრობს და აღნიშნავს, რომ სახალხო დამცველის აპარატის მიერ შესწავლილი საქმეების უმეტესობაზე სასამართლოს ბრალდებულთან საპროცესო შეთანხმება ჰქონდა დამტკიცებული.
"საზოგადოების ინფორმირებულობა დაბალია, არ იციან კანონმდებლობა ზუსტად რას ითვალისწინებს. ამგვარ დანაშაულებზე - შეტყობინებების და ცრუ ჩვენებების მიცემის ფაქტზე, უმეტესწილად, ადამიანების პასუხისგებაში მიცემა არ ხდება, ესეც არის ერთგვარი დაუსჯელობის სინდრომი ადამიანებში - შემთხვევას მალავენ...
კანონები გვაქვს, მაგრამ კანონის აღსრულება და პრაქტიკაში გამოყენებაა რთული. დანაშაულის შეუტყობინებლობაზე და ცრუ ჩვენებებზე მკაცრი რეაგირება უნდა მოხდეს, ქვეყანას ამ მიმართულებით მკაცრი პოლიტიკა უნდა ჰქონდეს. კომპლექსური ღონისძიებების გატარებაა აუცილებელი, რაც ყველა უწყების ჩართულობას მოიცავს. მხოლოდ კანონით ამას ვერ მოვაგვარებთ, თუ ყველა ჩვენგანი არ ვაღიარებთ, რომ ეს დანაშაულია.
ჩვენს მიერ შესწავლილი საქმეების უმეტესობაში საპროცესო შეთანხმება იყო გაფორმებული, 39 საქმიდან 29 საქმეზე საპროცესო შეთანხმება გაფორმდა, ასევე გამოყენებული იყო პირობითი მსჯავრი, ასევე სასჯელის სახით დაბალია თავისუფლების აღკვეთის გამოყენების მაჩვენებელიც, ესეც ერთ-ერთ პრობლემად გამოიკვეთა“, - განაცხადა რუსეცკიმ.
ინტერვიუს სრულ ვერსიას "ინტერპრესნიუსი" უახლოეს საათებში შემოგთავაზებთ.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნამდვილი ამბავი ! უყო და არა იყო რა, ღვთის უკეთესი რა იქნებოდა ?! ერთი სოფლის სკოლაში ვმუშაობდი "მაწვალებლად" ! მეცხრე კლასში ვატარებდი გაკვეთილს, დავალებას ვამოწმებდი და ერთ "მოწვალეს" არ ქონდა მომზადებული. ვკითხე, და რამ შეგიშალა ხელი რო ვერ მოამზადე ? ასე მიპასუხა )) სად მეცალა მასსს დავალების მომზადებისთვის, გასათხოვრად ვემზადებიო ))) მეგონა ხუმრობდა, მერე გავიგე მართლა გათხოვილა. ასეა ეს ცხოვრება "ფანჯარაში' ))
არასრულწლოვანის კი არა, არასრულწლოვნის.