კრიშტიანუ რონალდუს ირანი 99 როზგით ემუქრება - მსოფლიო ვარსკვლავს კანონის დარღვევას ედავებიან, რადგან ის ირანელ მხატვარ ქალს გადაეხვია
კრიშტიანუ რონალდუს "მრუშობის ბრალდებისთვის", 99-ჯერ გაროზგვა ემუქრება. ფეხბურთელის სასჯელი მას შემდეგ გადაწყდა, რაც ის ირანში ფოტოს გადაღებისას ქალს ჩაეხუტა. ინფორმაციას ქვეყნის მედიასაშუალებები ავრცელებენ.
ირანული მედიის, Mundo Deportivo-ს ინფორმაციით, ქვეყანაში ადვოკატთა დიდმა ნაწილმა "ალ-ნასრის" ვარსკვლავის წინააღმდეგ სასამართლოში საჩივარი შეიტანა. რონალდუ ირანის დედაქალაქს, თეირანს საფეხბურთო გუნდთან ერთად სექტემბერში ეწვია, რათა აზიის ჩემპიონთა ლიგის მატჩში მიეღო მონაწილეობა. იქ ყოფნისას პორტუგალიელი ფეხბურთელი ირანელ მხატვარს, ფატიმა ჰამიმს შეხვდა, რომელსაც სურდა, რონალდუსთვის თავისი ნამუშევარი ეჩუქებინა. როგორც ამბობენ, რონალდუმ მხატვარს ლოყაზე აკოცა და ავტოგრაფიანი მაისური აჩუქა, შემდეგ კი მასთან ჩახუტებულმა ფოტოც გადაიღო. სწორედ ამ უკანასკნელს მოჰყვა ირანელი ადვოკატების აღშფოთება.
- ირანის კანონმდებლობის მიხედვით, ქალის შეხება მრუშობის ექვივალენტია.
- გავრცელებული ინფორმაციით, ჰამიმი 85%-ით პარალიზებულია და ფეხბურთელის უდიდესი გულშემატკივარია.
ირანის მართლმსაჯულების სისტემამ სწრაფი რეაგირება მოახდინა და რონალდუს ირანში მომდევნო ვიზიტის შემთხვევაში, მას 99 როზგი ელის. თუმცა, როგორც Marca იტყობინება, მოსამართლემ შესაძლოა, აპატიოს მას სასჯელი, თუ "საქციელი არ არის დასჯადი, ან რონალდუ სინანულს გამოხატავს".
წყარო: dailymail
მოამზადა: ანა სიბოშვილმა