2022 წლის ივ­ნის­ში, ევ­რო­კო­მი­სი­ამ ევ­რო­კავ­ში­რის კან­დი­და­ტი ქვეყ­ნის სტა­ტუ­სის მი­სა­ღე­ბად სა­ქარ­თვე­ლოს მის­ცა 12 პი­რო­ბის შეს­რუ­ლე­ბის რე­კო­მენ­და­ცია, რომ­ლის მე-7 პუნ­ქტი თა­ვი­სუ­ფალ მე­დი­ას, ჟურ­ნა­ლის­ტე­ბის უსაფრ­თხო­ე­ბა­სა და მე­დი­ის წი­ნა­აღ­მდეგ ჩა­დე­ნი­ლი და­ნა­შა­უ­ლის ეფექ­ტი­ან გა­მო­ძი­ე­ბას შე­ე­ხე­ბა. უფრო კონ­კრე­ტუ­ლად, ეს პუნ­ქტი შემ­დეგს გუ­ლის­ხმობს: "უფრო ძლი­ე­რი ძა­ლის­ხმე­ვა უნდა იყოს მი­მარ­თუ­ლი თა­ვი­სუ­ფა­ლი, პრო­ფე­სი­უ­ლი, პლუ­რა­ლის­ტუ­რი და და­მო­უ­კი­დე­ბე­ლი მე­დი­ა­გა­რე­მოს უზ­რუნ­ველ­სა­ყო­ფად, გან­სა­კუთ­რე­ბით იმი­სათ­ვის, რომ მე­დი­ის მფლო­ბელ­თა წი­ნა­აღ­მდეგ მი­მარ­თუ­ლი სის­ხლის სა­მარ­თლებ­რი­ვი პრო­ცე­დუ­რე­ბი აკ­მა­ყო­ფი­ლებ­დეს უმაღ­ლეს იუ­რი­დი­ულ სტან­დარ­ტებს და ჩა­ტარ­დეს მი­უ­კერ­ძო­ე­ბე­ლი, ეფექ­ტი­ა­ნი და დრო­უ­ლი გა­მო­ძი­ე­ბე­ბი ჟურ­ნა­ლის­ტე­ბი­სა და მე­დი­ის სხვა მუ­შაკ­თა უსაფრ­თხო­ე­ბის წი­ნა­აღ­მდეგ მი­მარ­თუ­ლი მუ­ქა­რე­ბის შემ­თხვე­ვებ­ზე“.

ევ­რო­კო­მი­სია ჩვენ­გან მო­ე­ლის, რომ "მე­დი­ა­სა­შუ­ა­ლე­ბე­ბის მფლო­ბე­ლე­ბის წი­ნა­აღ­მდეგ სა­მარ­თალ­წარ­მო­ე­ბა უმაღ­ლეს სა­მარ­თლებ­რივ სტან­დარ­ტებს უპა­სუ­ხებს“ და "ხე­ლი­სუფ­ლე­ბა ეფექ­ტი­ა­ნად და დრო­უ­ლად გა­მო­ი­ძი­ებს ჟურ­ნა­ლის­ტებ­ზე ძა­ლა­დო­ბის საქ­მე­ებს“.

პა­სუ­ხობს თუ არა ამ პუნ­ქტის მო­თხოვ­ნას და რამ­დე­ნად ეფექ­ტი­ა­ნი იყო გა­მო­ძი­ე­ბა "ფორ­მუ­ლას“ თა­ნა­დამ­ფუძ­ნებ­ლის - მიშა მშვილ­და­ძის ცე­მის ფაქ­ტზე, ძნე­ლი სათ­ქმე­ლია, ვი­ნა­ი­დან ამ საქ­მის ირ­გვლივ უამ­რა­ვი კი­თხვის ნი­შა­ნი და­ის­ვა.

12 სექ­ტემ­ბერს, სპე­ცი­ა­ლურ­მა სა­გა­მო­ძი­ე­ბო სამ­სა­ხურ­მა გა­მო­ა­ცხა­და, რომ მხო­ლოდ ერთი ადა­მი­ა­ნის ბრა­ლე­უ­ლო­ბა გა­მოკ­ვე­თა და საქ­მე გან­სა­ხილ­ვე­ლად სა­სა­მარ­თლოს გა­და­უგ­ზავ­ნა. არა­და, და­ზა­რე­ლე­ბუ­ლის გან­ცხა­დე­ბით, მას­ზე თავ­დას­ხმა კარ­გად ორ­გა­ნი­ზე­ბუ­ლი იყო და მას­ში რამ­დე­ნი­მე ადა­მი­ა­ნი მო­ნა­წი­ლე­ობ­და, თუმ­ცა გა­მო­ძი­ე­ბის თქმით, "ჩა­ნა­წე­რე­ბის, ექ­სპერ­ტი­ზის დას­კვნე­ბის, მოწ­მე­თა გა­მო­კი­თხვი­სა და სა­ჯა­რო უწყე­ბე­ბი­დან გა­მო­თხო­ვი­ლი საქ­მის­თვის მნიშ­ვნე­ლო­ვა­ნი ინ­ფორ­მა­ცი­ის შემ­ცვე­ლი სა­ი­დუმ­ლო და არა­სა­ი­დუმ­ლო დო­კუ­მენ­ტე­ბი­თა და მა­სა­ლე­ბით სხვა პი­რის/პირ­თა ბრა­ლე­უ­ლო­ბა ვერ დად­გინ­და“.

რამ­დე­ნი­მე დღის წინ, ტე­ლე­კომ­პა­ნია "ფორ­მუ­ლას“ თა­ნა­დამ­ფუძ­ნე­ბელ­ზე თავ­დას­ხმა­ში ბრალ­დე­ბულ ნი­კო­ლოზ გუ­გე­შაშ­ვილს თბი­ლი­სის სა­ქა­ლა­ქო სა­სა­მარ­თლომ 6 თვით თა­ვი­სუფ­ლე­ბის აღ­კვე­თა მი­უ­სა­ჯა და ის სას­ჯე­ლაღ­სრუ­ლე­ბის და­წე­სე­ბუ­ლე­ბას წლის ბო­ლომ­დე და­ტო­ვებს. და­ზა­რა­ლე­ბულ მხა­რეს ეჭვი აქვს გა­მო­ძი­ე­ბის ობი­ექ­ტუ­რო­ბა­ში და ბრძო­ლის გაგ­რძე­ლე­ბას ევ­რო­სა­სა­მარ­თლო­ში გეგ­მავს.

შე­გახ­სე­ნებთ, რომ 27 ივ­ნისს "ფორ­მუ­ლას“ ერთ-ერთ დამ­ფუძ­ნე­ბელ­სა და ტე­ლე­წამ­ყვან მიშა მშვილ­და­ძეს უც­ნო­ბი პირი და­ეს­ხა თავს და ფი­ზი­კუ­რად გა­უს­წორ­და. მშვილ­და­ძის თავ­დას­ხმის საქ­მე­ზე ძა­ლა­დო­ბის ბრალ­დე­ბით მომ­დევ­ნო დღეს ნი­კო­ლოზ გუ­გე­შაშ­ვი­ლი და­ა­კა­ვეს. ბრალ­დე­ბულ­მა სა­კუ­თარ "ფე­ის­ბუქგ­ვერ­დზე“ პოს­ტი გა­მო­აქ­ვეყ­ნა, რო­მელ­შიც წერ­და, რომ მიშა მშვილ­და­ძე მან სცე­მა, მო­ტი­ვად კი მის სა­ჯა­რო გან­ცხა­დე­ბებ­სა და შე­ხე­დუ­ლე­ბებს ასა­ხე­ლებ­და. თა­ვად და­ზა­რა­ლე­ბუ­ლი პი­რად მო­ტივს გა­მო­რი­ცხავს და მას­ზე თავ­დას­ხმას წი­ნას­წარ დად­გმულ­სა და სა­ხელ­მწი­ფო სტრუქ­ტუ­რე­ბის მიერ ორ­გა­ნი­ზე­ბულს უწო­დებს.

ტე­ლე­წამ­ყვა­ნის მი­მართ გან­ხორ­ცი­ე­ლე­ბუ­ლი ძა­ლა­დო­ბის ფაქ­ტზე გა­მო­ძი­ე­ბა სა­ქარ­თვე­ლოს სის­ხლის სა­მარ­თლოს კო­დექ­სის 126-ე მუხ­ლის პირ­ვე­ლი ნა­წი­ლით აღიძ­რა, რაც ძა­ლა­დო­ბას გუ­ლის­ხმობს. გა­მო­ძი­ე­ბას თავ­და­პირ­ვე­ლად ში­ნა­გან საქ­მე­თა სა­მი­ნის­ტრო, ხოლო შემ­დეგ სპე­ცი­ა­ლუ­რი სა­გა­მო­ძი­ე­ბო სამ­სა­ხუ­რი აწარ­მო­ებ­და.

ტე­ლე­კომ­პა­ნია "ფორ­მუ­ლას“ ინ­ფორ­მა­ცი­ით (რო­მელ­მაც და­მო­უ­კი­დე­ბე­ლი გა­მო­ძი­ე­ბა ჩა­ა­ტა­რა და რე­პორ­ტა­ჟე­ბის ციკ­ლიც მო­ამ­ზა­და), მშვილ­და­ძე­ზე თავ­დას­ხმის ფი­გუ­რან­ტი სა­ხელ­მწი­ფო უსაფრ­თხო­ე­ბის სამ­სა­ხუ­რის გა­მომ­ძი­ე­ბე­ლი გი­ორ­გი მუმ­ლა­ძე იყო - ტე­ლე­კომ­პა­ნი­ის მიერ მო­პო­ვე­ბულ სათ­ვალ­თვა­ლო კა­მე­რის ჩა­ნა­წერ­ში ჩან­და, რომ იგი მიჰ­ყვე­ბა "დე­ლი­სი­დან“ გა­მო­სულ მიშა მშვილ­და­ძეს, ეს­წრე­ბა თავ­დას­ხმის პრო­ცესს და ბო­ლოს კი, მე­წყვი­ლეს­თან ერ­თად ტო­ვებს ვაჟა-ფშა­ვე­ლას გამ­ზირს. ტე­ლე­კომ­პა­ნია, წყა­რო­ზე დაყ­რდნო­ბით, აცხა­დებ­და, რომ სუს-ის თა­ნამ­შრო­მე­ლია თავ­დას­ხმა­ში მო­ნა­წი­ლე კი­დევ ერთი პირი, რო­მე­ლიც კად­რებ­შიც ჩანს, გი­ორ­გი მუმ­ლა­ძეს­თან ერ­თად გა­და­ად­გილ­დე­ბო­და. ასე­ვე, "ფორ­მუ­ლას“ თქმით, სა­ხელ­მწი­ფო უსაფრ­თხო­ე­ბის სამ­სა­ხუ­რის დე­პარ­ტა­მენტს ეკუთ­ვნის თავ­დას­ხმა­ში მო­ნა­წი­ლე სა­მი­ვე მან­ქა­ნა. "ფორ­მუ­ლა“ ითხოვ­და, რომ საქ­მე გა­დაკ­ვა­ლი­ფი­ცი­რე­ბუ­ლი­ყო ორ­გა­ნი­ზე­ბუ­ლი ჯგუ­ფუ­რი თავ­დას­ხმის მუხ­ლით, რო­მე­ლიც სუს-ის მიერ იქნა და­გეგ­მი­ლი.

რო­გორც მშვილ­და­ძის ად­ვო­კა­ტი ედუ­არდ მა­რი­კაშ­ვი­ლი აცხა­დებს, "მშვილ­და­ძის მი­მართ ჩა­დე­ნილ და­ნა­შა­ულს პრო­კუ­რა­ტუ­რამ და სპე­ცი­ა­ლურ­მა სა­გა­მო­ძი­ე­ბო სამ­სა­ხურ­მა მხო­ლოდ ნი­კო­ლოზ გუ­გე­შაშ­ვი­ლის მხრი­დან ძა­ლა­დო­ბის სა­მარ­თლებ­რი­ვი შე­ფა­სე­ბა მის­ცა და სხვა ჩარ­თუ­ლო­ბას ამ და­ნა­შა­ულ­ში ვერ ხე­დავს".

ად­ვო­კა­ტი საქ­მის ცალ­კე წარ­მო­ე­ბად გა­მო­ყო­ფას და ყვე­ლა იმ ვერ­სი­ა­ზე მუ­შა­ო­ბის გაგ­რძე­ლე­ბას ითხოვს, რაც უკავ­შირ­დე­ბა მი­ხე­ილ მშვილ­და­ძის თავ­დას­ხმა­ში უსაფრ­თხო­ე­ბის სამ­სა­ხუ­რის წარ­მო­მად­გენ­ლე­ბის ორ­გა­ნი­ზე­ბულ მო­ნა­წი­ლე­ო­ბას.

მისი თქმით, მშვილ­და­ძის საქ­მის გა­მო­ძი­ე­ბა უწყე­ბამ შე­დე­გის დად­გო­მის გა­რე­შე და­ას­რუ­ლა, საქ­მე ისე და­ი­ხუ­რა, რომ და­ზა­რა­ლე­ბუ­ლის­თვის არ უჩ­ვე­ნე­ბი­ათ საქ­მის­თვის პრინ­ცი­პუ­ლად მნიშ­ვნე­ლო­ვა­ნი კად­რე­ბი. ამას­თა­ნა­ვე, გა­მო­ძი­ე­ბამ არ გა­მო­ი­ყე­ნა ის მტკი­ცე­ბუ­ლე­ბე­ბი, რომ­ლე­ბიც მე­დი­ამ ჟურ­ნა­ლის­ტუ­რი გა­მო­ძი­ე­ბის შე­დე­გად მო­ი­პო­ვა. თა­ვად მშვილ­და­ძის თქმით, სა­ხელ­მწი­ფო სტრუქ­ტუ­რე­ბი მტკი­ცე­ბუ­ლე­ბებს შერ­ჩე­ვი­თად მო­ი­პო­ვებ­დნენ, რის გა­მოც გა­მო­ძი­ე­ბა სა­თა­ნა­დოდ არ წა­რი­მარ­თა.

და­ვინ­ტე­რეს­დით, იმ პი­რე­ბი­დან, ვი­საც ასა­ხე­ლებ­და ტე­ლე­კომ­პა­ნია "ფორ­მუ­ლას" ჟურ­ნა­ლის­ტუ­რი გა­მო­ძი­ე­ბა, ვინ­მე თუ გა­მო­ი­კი­თხა გა­მო­ძი­ე­ბის ფარ­გლებ­ში.

"იმ სა­მი­დან მუმ­ლა­ძეა მხო­ლოდ გა­მო­კი­თხუ­ლი და ჩვე­ნე­ბა სა­ი­დუმ­ლოდ არის მიჩ­ნე­უ­ლი, ანუ ში­ნა­არ­სი არ გაგ­ვაც­ნეს, არ ვი­ცით, რა თქვა", - გვე­უბ­ნე­ბა ად­ვო­კა­ტი ედუ­არდ მა­რი­კაშ­ვი­ლი.

რო­გორც ირ­კვე­ვა, მი­ხე­ილ მშვილ­და­ძე­ზე თავ­დას­ხმის საქ­მე სტრას­ბურ­გის სა­სა­მარ­თლო­ში წავა. ამის მი­ზე­ზად მშვილ­და­ძე ქარ­თუ­ლი მარ­თლმსა­ჯუ­ლე­ბის მი­კერ­ძო­ე­ბულ გა­და­წყვე­ტი­ლე­ბას ასა­ხე­ლებს, რომ­ლის მი­ხედ­ვი­თაც გა­მო­ძი­ე­ბამ საქ­მე სა­სა­მარ­თლოს ისე გა­უგ­ზავ­ნა, რომ დამ­ნა­შა­ვე­თა წრის დად­გე­ნა ვერ მო­ხერ­ხდა.

"გა­მო­ძი­ე­ბამ ჩემ­ზე თავ­დას­ხმის საქ­მის სა­სა­მარ­თლოს­თვის გა­დას­ცე­მა გა­და­წყვი­ტა, რაც ნიშ­ნავს იმას, რომ გა­მო­ძი­ე­ბა დას­რულ­და - დას­რულ­და ისე, რომ ვერ და­ად­გი­ნა თავ­დამ­სხმე­ლე­ბით წრე­ებ­ზე მოძ­რა­ვი ორი BMW-ს ნომ­რე­ბი, მას­ში მჯდო­მი მძღო­ლე­ბი და პი­რე­ბი, არ და­უდ­გე­ნია ოთხი თავ­დამ­სხმე­ლი­დან ერთ-ერ­თის ვი­ნა­ო­ბა, რაც აძ­ლი­ე­რებს ეჭ­ვებს, რომ ეგ სათ­ვა­ლი­ან-ქუ­დი­ა­ნიც ან სუს-ელია, ან პო­ლი­ცი­ე­ლი და ეს ორი BMW-ც რომ პო­ლი­ცი­ის, ან სუს-ის ოპე­რა­ტი­უ­ლი მან­ქა­ნე­ბია, მა­გა­ზეც ეჭ­ვიც აღარ დარ­ჩა, გან­სა­კუთ­რე­ბით მას შემ­დეგ, რაც შსს-მ 112 ის კა­მე­რე­ბის ჩა­ნა­წე­რე­ბი გა­მო­ძი­ე­ბას არას­რუ­ლად მი­ა­წო­და.

ასე­ვე, არ ამო­უ­ღი­ათ სა­ტე­ლე­ფო­ნო ან­ძე­ბის ჩა­ნა­წე­რე­ბი, მი­უ­ხე­და­ვად იმი­სა, რომ გავ­რცე­ლე­ბულ კად­რებ­ში კარ­გად ჩანს, რო­გორ ლა­პა­რა­კო­ბენ ტე­ლე­ფონ­ზე ეს თავ­დამ­სხმე­ლი გუ­გე­შაშ­ვი­ლი, სუს-ელი გი­ორ­გი მუმ­ლა­ძე და კი­დევ რამ­დე­ნი­მე სა­ეჭ­ვო ფი­გუ­რან­ტი, რო­მელ­თა ვი­ნა­ო­ბის დად­გე­ნა­ზე სა­უ­ბა­რიც აღა­რაა - ცალ­კე მი­ა­მი­ტო­ბის პი­კია სუს-ის იდი­ო­ტუ­რი გა­მარ­თლე­ბა, სხვა პირს ვუთ­ვალ­თვა­ლებ­დი­თო... მოკ­ლედ, ამ საქ­მეს მე და ჩემი ად­ვო­კა­ტი წა­ვი­ღებთ სა­ერ­თა­შო­რი­სო სა­სა­მარ­თლო­შიც და იქ და­ვამ­ტკი­ცებთ ყვე­ლა­ფერს. ყვე­ლა დამ­ნა­შა­ვე და­ის­ჯე­ბა, სუს-ი და პო­ლი­ცია რომ მო­ქა­ლა­ქე­ებ­ზე თავ­დას­ხმებს აორ­გა­ნი­ზებ­დეს - ამ პრაქ­ტი­კას ამოვ­ძირ­კვავ“, - აცხა­დებს მშვილ­და­ძე.

მი­სი­ვე თქმით, საქ­მე ობი­ექ­ტუ­რად რომ გა­მო­ძი­ე­ბუ­ლი­ყო, დამ­ნა­შა­ვე­თა წრე გა­იზ­რდე­ბო­და და ბო­ლოს პო­ლი­ტი­კო­სე­ბამ­დე მი­ვი­დოდ­ნენ, რომ­ლე­ბიც დრო­დად­რო სის­ხლის სა­მარ­თლის საქ­მის არ­სობ­რივ გან­ხილ­ვა­ში შე­დი­ოდ­ნენ.

"რაც დრო გა­დი­ო­და, სულ უფრო გუ­ლუბ­რყვი­ლო­ბა იყო სი­მარ­თლის დად­გე­ნის მო­ლო­დი­ნი. რო­მე­ლი კად­რე­ბიც მთა­ვა­რი იყო, შსს-ს კა­მე­რე­ბი­დან გა­მო­ძი­ე­ბას ისი­ნი არ ამო­უ­ღია, რამ­დე­ნი­მე ადა­მი­ა­ნის იდენ­ტი­ფი­ცი­რე­ბა ვერ მოხ­და, მაგ­რამ ვი­სიც მოხ­და, სუს-ის თა­ნამ­შრომ­ლე­ბი არი­ან. ჩემ­ზე თავ­დას­ხმა სის­ტე­მუ­რი და­ნა­შა­უ­ლის მა­გა­ლი­თია, ვი­ნა­ი­დან არა მარ­ტო თავ­დას­ხმა იყო ორ­გა­ნი­ზე­ბუ­ლი, არა­მედ სხვა­დას­ხვა ეტა­პებ­ზე კვა­ლის და­ფარ­ვაც. ამ უსა­მარ­თლო­ბას არ შე­ვე­გუ­ე­ბი, ბო­ლომ­დე ვიბ­რძო­ლებ ყვე­ლა სა­მარ­თლებ­რი­ვი გზით, ჯერ სა­ქარ­თვე­ლო­ში ამოვ­წუ­რავ ყვე­ლა ინ­სტან­ცი­ას და შემ­დეგ მივ­მარ­თავ სტრას­ბურგს. ვიცი, რომ ამ საქ­მე­ზე ჭეშ­მა­რი­ტე­ბა უნდა დად­გეს, ეს პრაქ­ტი­კა - მუ­ქა­რა, შან­ტა­ჟი, ძა­ლა­დო­ბა ჩვე­უ­ლებ­რივ ამ­ბად არ უნდა დარ­ჩეს და პი­რო­ბას ვდებ, რომ თი­თო­უ­ლი მო­ნა­წი­ლე, რო­მელ­საც "ქარ­თულ­მა ოც­ნე­ბამ“ და მარ­თლმსა­ჯუ­ლე­ბამ ხელი და­ა­ფა­რა, და­ის­ჯე­ბა. არა­ვის ეგო­ნოს, რა­მეს გა­და­ურ­ჩეს, აბ­სო­ლუ­ტუ­რად, ყვე­ლამ­დე მოვა სა­მარ­თა­ლი, რო­მე­ლიც სა­ქარ­თვე­ლო­ში ურ­მით და­დი­სო, ამ­ბო­ბენ, მაგ­რამ ეს ურ­მით მო­სუ­ლი სა­მარ­თა­ლიც გვი­ნა­ხავს“, - ამ­ბობს მიშა მშვილ­და­ძე.

"ფორ­მუ­ლას“ თა­ნა­დამ­ფუძ­ნებ­ლის საქ­მე­ზე თა­ვი­სი მო­საზ­რე­ბა აქვს მე­დი­ა­ექ­სპერტ ლაშა ტუ­ღუშს, რო­მე­ლიც ფიქ­რობს, რომ ეს ყვე­ლა­ფე­რი მი­მარ­თუ­ლია არა მხო­ლოდ კონ­კრე­ტუ­ლი ადა­მი­ა­ნის, არა­მედ მთე­ლი მე­დი­ის წი­ნა­აღ­მდეგ და მსგავ­სი ფაქ­ტე­ბი ცუდ რე­ზო­ნანსს იწ­ვევს რო­გორც ქვეყ­ნის შიგ­ნით, ისე მის გა­რეთ.

"მიშა მშვილ­და­ძის საქ­მე ჩვე­ნი მე­დი­ის­თვის ძა­ლი­ან ცუდი ის­ტო­რი­აა იმი­ტომ, რომ აშ­კა­რაა, ის მი­მარ­თუ­ლი იყო რო­გორც კონ­კრე­ტუ­ლი ადა­მი­ა­ნის, ასე­ვე, მთე­ლი მე­დი­ის, რო­გორც ერ­თი­ა­ნი სის­ტე­მის წი­ნა­აღ­მდეგ. რა თქმა უნდა, მსგავ­სი ფაქ­ტე­ბი ძა­ლი­ან ცუდ რე­ზო­ნანსს იწ­ვევს რო­გორც ქვეყ­ნის შიგ­ნით, ასე­ვე მის გა­რეთ. შე­სა­ბა­მი­სად, კრი­ტი­კუ­ლი მე­დი­ის წარ­მო­მად­გენ­ლე­ბის მი­მართ ნე­ბის­მი­ე­რი მსგავ­სი მოქ­მე­დე­ბე­ბი ურტყამს რო­გორც გან­ვი­თა­რე­ბის პრო­ცესს, ასე­ვე სა­გა­რეო ინ­ტე­რე­სებ­საც, ვი­ნა­ი­დან ასე­თი ფაქ­ტე­ბი შემ­დგომ­ში ხვდე­ბა ან­გა­რი­შებ­ში და ისი­ნი ფას­დე­ბა ქვეყ­ნის მზა­ო­ბის, თუ გან­ვი­თა­რე­ბის კონ­ტექ­სტში. ბუ­ნებ­რი­ვია, ეს ის­ტო­რია ძალ­ზე და­მა­ზი­ა­ნე­ბე­ლია და ცუ­დია ჩვე­ნი ინ­ტე­რე­სე­ბი­დან გა­მომ­დი­ნა­რე, არა­ფერს ვამ­ბობ იმა­ზე, რომ პირ­ველ რიგ­ში, და­ზი­ან­და კონ­კრე­ტუ­ლი ადა­მი­ა­ნი - როცა ფი­ზი­კუ­რად ეხე­ბი, უს­წორ­დე­ბი, ეს ასე ვთქვათ, მძი­მეა იმ ადა­მი­ა­ნის­თვის, რო­გო­რი ძლი­ე­რიც არ უნდა იყოს ის. ბუ­ნებ­რი­ვია, ძა­ლა­დო­ბა მი­უ­ღე­ბე­ლია და მას გა­მარ­თლე­ბა არ აქვს. გა­მო­ძი­ე­ბას რაც შე­ე­ხე­ბა, სამ­წუ­ხა­როდ, მსგავს ის­ტო­რი­ებ­თან და­კავ­ში­რე­ბით გა­მო­ძი­ე­ბებს არ ვუ­ყუ­რებთ პო­ზი­ტი­უ­რად იმი­ტომ, რომ არ არის და­მა­ჯე­რე­ბე­ლი ის შე­დე­გე­ბი, რომ­ლებ­საც ვნა­ხუ­ლობთ - ორ­გა­ნი­ზა­ტო­რი ან და­ფა­რუ­ლია, ან კარ­გად არ ჩანს, ვი­ღაც დამ­კვეთს და შემ­სრუ­ლე­ბელს ხელს აფა­რებს და სხვა. ასეთ სი­ტუ­ა­ცი­ებ­ში, რა თქმა უნდა, სა­ზო­გა­დო­ე­ბას ბევ­რი კი­თხვე­ბი აქვს და ამ კი­თხვებ­ზე ჯერ­ჯე­რო­ბით პა­სუ­ხე­ბი ვერ მი­ვი­ღეთ.“