დღის ფოტო - "კარვებჩამოცმულები"
სამოქალაქო აქტივისტებმა პარლამენტის უკანა შესასვლელთან პერფორმანსი დადგეს. კერძოდ, ისინი საკანონმდებლო ორგანოსთან სიმბოლურად "კარვებჩამოცმულები" მივიდნენ.
სამოქალაქო აქტივისტები პლენარული სხდომის პარალელურად პარლამენტის მიმდებარედ "შეკრებებისა და მანიფესტაციების შესახებ“ კანონში დაგეგმილ ცვლილებებს აპროტესტებენ.
ამასთან, აქციაზე ისმის ჩანაწერი: "მოქალაქეებო, გთხოვთ გამოხვიდეთ, წინააღმდეგ შემთხვევაში იცხოვრებთ რუსეთში!“
შეგახსენებთ, ხელისუფლება ახალ შეზღუდვებს აწესებს და "შეკრებისა და მანიფესტაციების შესახებ" კანონში ცვლილები შეაქვს. კანონპროექტის მიხედვით, იკრძალება დროებით კონსტრუქციების მოწყობა, კანონის დარღვევა კი ითვალისწინებს საგნის კონფისკაციას, ფულად ჯარიმებას, ან პატიმრობას. ამ ცვლილებების მიზეზი კი, როგორც ირკვევა და როგორც კანონპროექტის განმარტებით ბარათშია აღნიშნული, სახელმწიფო უსაფრთხოების სამსახურის 18 სექტემბრის განცხადებაა, რომლის მიხედვითაც ქვეყანაში გარკვეული ჯგუფები "დესტაბილიზაციას და კარვების ქალაქის მოწყობას გეგმავენ."
- ფოტოების ავტორი: დაიანა ფაღავა