მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"შემზარავი ხმა გავიგონეთ, გავიქეცით, მესმოდა ქალის ყვირილი: "ჩემო შვილო, ჩემო პატარავ" - ვინ არიან ბიჭები, რომლებმაც ვენეციაში ავტოკატასტროფისას ადამიანები გადაარჩინეს
14:27 / 05-10-2023
4 ოქტომბერს იტალიაში, ვენეციის მახლობლად უმძიმესი ავტოკატასტროფა მოხდა. ავტობუსი, რომელსაც ტურისტები გადაჰყავდა, ესტაკადიდან გადავარდა და ცეცხლი გაუჩნდა. დაიღუპა 21 და დაშავდა 18 ადამიანი.
- მიუხედავად ამხელა ტრაგედიისა, ამ ამბავს თავისი გმირები ჰყავს - გამბიელი ბუბაკარ ტურე და მისი ნიგერიელი მეგობარი, ოდიონ ებოიგბე, რომლებმაც საკუთარი სიცოცხლის რისკის ფასად, დაშავებულები ცეცხლიდან გამოიყვანეს და გადაარჩინეს.
ახალგაზრდა მამაკაცები იმ ადგილთან ახლოს ცხოვრობენ, სადაც ავტოავარია მოხდა. დღეს კი იხსენებენ, რომ იმ დღეს სახლში, სამზარეულოში იყვნენ, საჭმელს ამზადებდნენ, როცა მოულოდნელად შემზარავი ხმა გაიგონეს. ეგონათ, მიწისძვრა მოხდა. სამზარეულოს ფანჯარა გამოაღეს და ერთ-ერთმა მათგანმა დაიყვირა - "ავტობუსი გადავარდა".
- "მაშინვე გავიქეცით, მივვარდით იმ ადგილას, სადაც ავტობუსს ცეცხლი ეკიდა. მესმოდა ქალის ყვირილი: "ჩემო შვილო, ჩემო პატარავ". მოვახერხე ფანჯრიდან ქალის გამოყვანა, შემდეგ მისი ვაჟი გამოვიყვანე, რომელიც დამწვარი იყო, თუმცა იმ მომენტში ჯერ კიდევ ცოცხალი", - ჰყვება 27 წლის ბუბაკარი.
ის აღწერს, თუ როგორ აიღო ავტობუსიდან ცეცხლმაქრი და ხანძრის ჩაქრობას ცდილობდა, თუმცა ამბობს, რომ ეს მცდელობა საკმარისი არ იყო.
"გამვლელები მაძლევდნენ სხვა ცეცხლმაქრებს, მაგრამ არაფერი შველოდა, ცეცხლს ვერ ვაქრობდით, მეხანძრეებს უნდა დავლოდებოდით“, - ამბობს ახალგაზრდა კაცი. მასთან ერთად იყო ნიგერიელი ოდიონ ებოიგბე, რომელსაც დაზიანებული ავტომობილის ნამსხვრევებიდან ადამიანები გამოჰყავდა.
"ბევრის გადარჩენა შევძელით, მაგრამ სამწუხაროდ, ბევრი დაიღუპა. არ მეშინოდა, არ მიფიქრია საკუთარ უსაფრთხოებაზე. დღეს მეკითხებოდნენ, - "რაზე ფიქრობდი, როცა ცეცხლისკენ წახვედი?" და მე ვუთხარი, რომ უბრალოდ მსურდა, ქალები და ბავშვები გადამერჩინა“, - ამბობს ებოიგბე.
ბიჭები ამბობენ, რომ ავარიის შემდეგ არ უძინიათ. მათ საზოგადოება დღეს გმირებს უწოდებს, თუმცა თვითონ მხრებს იჩეჩავენ ამის მოსმენისას - "თუ ადამიანების გადარჩენა გმირად გხდის, მაშინ შეიძლება. მაგრამ როცა ვინმეს დახმარება სჭირდება, რადგან ის კვდება, გულგრილად ვერ მოიქცევი", - ამბობს ბუბაკარი.
რაც შეეხება ავტოავარიის გამომწვევ მიზეზებს, გამოძიება ჯერ კიდევ მიმდინარეობს, თუმცა წინასწარი ინფორმაციით, ავტობუსის მძღოლი, 40 წლის ალბერტო რიზოტო მოულოდნელად ცუდად გახდა, რის შემდეგაც ავტობუსი ესტაკადიდან გადავარდა. ეს იყო ელექტროავტობუსი და გადავარდნის შემდეგ, სავარაუდოდ ცეცხლი ელექტრობატარეებს გაუჩნდა
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დავიჯერო ადგილობრივები არაფერს არ აკეთებდნენ და მარტო უყურებდნენ? რატომ მათზე არაფერს არ წერენ?
მაგარი ბიჭები ყოფილან. მაგათ ადგილას ბევრი შორიდან დაიწყებდა სეირის ყურებას.