მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თბილისმა "ღამის სერენადების" დასკვნით კონცერტს უმასპინძლა
13:53 / 29-09-2023
“ღამის სერენადებმა” საიუბილეო, მე-15-ე ფესტივალის დასკვნითი კონცერტი თბილისში გამართა. შემოქმედებითმა ჯგუფმა კლასიკური მუსიკის მოყვარულ საზოგადოებას მრავალფეროვანი პროგრამით დატვირთული კონცერტები შესთავაზა. ფესტივალში მონაწილეობა მიიღეს როგორც ქართველმა, ასევე უცხოელმა მუსიკოსებმა.
ნინა ცაგარელი:
– ძალიან გვიხარია, რომ ერთი თვის განმავლობაში შევძელით და ჩავატარეთ ძალიან მრავალფეროვანი და საინტერესო ფესტივალი სამ ქალაქში – ბორჯომში, ბათუმსა და თბილისში. კლასიკური მუსიკის კონცერტების პარალელურად, მოვაწყეთ ვორქშოპები, მასტერკლასები, გამოფენა…
ძალიან სასიხარულოა ისიც, რომ ეროვნული სიმფონიური ორკესტრი ჩვენი პარტნიორი გახდა.
ფესტივალზე განსაკუთრებული აქცენტი გაკეთდა მევიოლინეებზე, იმიტომ რომ ეს ფესტივალი ქალბატონი ლიანას დაარსებულია. “ღამის სერენადებს” ეწვია ჰეიონ პარკი კორეელი მევიოლინე ლონდონიდან, ვირტუოზი ლაურა მარზადორი, ლა სკალას პირველი ვიოლინო, ჩვენი ვერიკო ჭუმბურიძე, ასევე ვოკალისტები გერმანიიდან, იტალიიდან, ჩვენი პიანისტი თათა ლიჩელი და მაესტრო ბეატრიჩე ვენეცი.
გიორგი ისაკაძე:
– ფესტივალის არსი და მნიშვნელობა არის ის იმპულსი, რომ ადამიანები დავმუხტოთ დადებითი ენერგიით. “ღამის სერენადების” დაარსების დღიდან, ლიანას სურვილი იყო, ამ უდიდესი საგანძურის, კლასიკური მუსიკის პროპაგანდა და განვითარება. კლასიკური მუსიკა ხომ კაცობრიობის სულიერების ერთ-ერთი უმთავრესი ბირთვია.
ბორჯომში ფესტივალის გახსნაზე შესრულდა არიები ჯუზეპე ვერდის, ჯაკომო პუჩინის, ვოლფგანგ ამადეუს მოცარტის ოპერებიდან, ნეაპოლური სიმღერები, ინსტრუმენტული მუსიკის საყოველთაოდ აღიარებული შედევრები – იოჰანეს ბრამსის, დიმიტრი შოსტაკოვიჩის ნაწარმოებები. ასევე აჟღერდა ქართული მუსიკა – „ასე ჩონგური“ და "კუჩხი ბედინერი“ ოთარ თაქთაქიშვილის ვოკალური ციკლიდან „მეგრული სიმღერები“.
ბათუმში კორეელმა მევიოლინემ ჰეიონ პარკმა ქართველ პიანისტთან თამარ ლიჩელთან ერთად სეზარ ფრანკის სავიოლინო სონატა არაჩვეულებრივად შეასრულა. ფესტივალის საბაზო ორკესტრის „საქართველოს ვირტუოზები“-ს თანხლებით კი ბეთჰოვენის სავიოლინო კონცერტი ააჟღერა.
თბილისში დასკვნით კონცერტებზე კი კლასიკური მუსიკის მოყვარულებისთვის შესრულდა ჯოაკინო როსინის, უმბერტო ჯორდანოს, პიეტრო მასკანის შესანიშნავი ნაწარმოებები.
ფესტივალის დასკვნით საღამოზე აჟღერდა მოცარტის მუსიკა. მოცარტის რონდო და სავიოლინო კონცერტები საერთაშორისო აღიარების მქონე სოლისტმა და კამერულმა მუსიკოსმა, ამჟამად ლა სკალას ორკესტრის პირველმა ვიოლინომ ლაურა მარზადორივ ააჟღერა. მას თანხლება ფესტივალის საბაზო ორკესტრმა „საქართველოს ვირტუოზები გაუწია.
მოხარულები ვართ, რომ ეს ტრადიცია გრძელდება და მადლობას ვუხდით უმაღლესი რანგის მონაწილეებსა და უთბილეს დამსწრე საზოგადოებას, ასევე სპონსორებსა და მხარდამჭერებს.
ვერიკო ჭუმბურიძე:
– პირველად შევასრულე ჩაიკოვსკის სავიოლინო კონცერტი და ასევე პირველად დავუკარი “ღამის სერენადებზე”. ჩემთვის ეს დღე დაუვიწყარი იქნება, რადგან ქალბატონი ლიანა ისაკაძის მიერ დაარსებული ფესტივალის მონაწილედ ყოფნა, უდიდესი პატივია. 13 წლის ვიყავი ქალბატონი ლიანა რომ გავიცანი და რომ დამპატიჟა ამ ფესტივალზე ძალიან გამიხარდა. ქალბატონი ლიანა ისაკაძე ჩემი ფავორიტი ქართველი მევიოლინეა, უდიდესი პატივს ვცემ.
ფესტივალის დამფუძნებელია მსოფლიოში სახელგანთქმული მევიოლინე და დირიჟორი ლიანა ისაკაძე, სამხატვრო ხელმძღვანელი გერმანიაში მოღვაწე მუსიკოსი გიორგი ისაკაძე.
ფესტივალის ორგანიზატორი კომპანიაა „არტ ალიანსი“, ფესტივალის დირექტორი ნინა ცაგარელი.
ფესტივალის მხარდამჭერები არიან: საქართველოს კულტურის, სპორტისა და ახალგაზრდობის სამინისტრო, ქალაქ ბათუმის მერია, ქალაქ თბილისის მერია, ქალაქ ბორჯომის მერია,აჭარის განათლების, კულტურისა და სპორტის სამინისტრო იტალიის საელჩო საქართველოში, გერმანიის საელჩო საქართველოში. მასპინძელი სასტუმროები: ბორჯომი ლიკანი, ჰილტონ გარდენ ინნ თბილისი.
ფესტივალის პარტნიორები: ეროვნული სიმფონიური ორკესტრი, ბათუმის ილია ჭავჭავაძის სახელობის პროფესიული სახელმწიფო დრამატული თეატრი. ხარისხისა და დიზაინის საუკეთესო გარანტი ავეჯის სახლი „ნიტა“, პარფიუმერულ მაღაზიათა ქსელი „ლუტეცია“, მცენარეული კოსმეტიკის ფუძემდებელი საფრანგეთიდან “ივ როშე”, კომპანია „სარაჯიშვილი“, ძმები ხუციშვილების “ღვინის მარანი” “HOTSALE.GE”-ს პრემიუმ მიმართულება, ფარმაცევტული კომპანია „პსპ“ საინფორმაციო მხარდამჭერები: აჭარის საზოგადოებრივი მაუწყებელი, საქართველოს პირველი არხი, ტელეკომპანია „რუსთავი2“, ტელეკომპანია „იმედი“, „პოსტ ტვ“, „ევრონიუს ჯორჯია“, მედიაჰოლდინგი „ჯორჯიან თაიმსი“, საპატრიარქოს ტელევიზია „ერთსულოვნება“,„ტვ25“, მედია და ციფრული კომუნიკაციების სააგენტო „კლიპ არტი“, საინფორმაციო პორტალი “ამბები.ჯი”, საინფორმაციო სააგენტო „პრაიმ ტაიმი“, „ჯორჯიან პრესი“ , ინგლისურენოვანი გაზეთი “Georgia Today“, ინგლისურენოვანი ყოველდღიური გაზეთი „Messenger“, ჟურნალი „სარკე“, გაზეთი „აჭარა“, რადიო „ფორტუნა“ და ვებ-საიტი ფორტუნა.
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
