მნიშვნელოვანი ინფორმაცია
14
მარტიდღის ზოგადი ასტროლოგიური პროგნოზი
პარასკევი, მთვარის მეთექვსმეტე დღე დაიწყება 19:51-ზე, მთვარე სასწორს ესტუმრება 22:58-ზე
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ფილმის მთავარი იდეა სწორედ ეს არის: გვერდზე გადავდოთ ჩვენი ეგო, გავიაზროთ ჩვენ ჩვენი ტკივილები... ერთად დავიწყოთ ფიქრი, როგორ შევხვდეთ აფხაზებს" - რას წერს სკანდალად ქცეული ფილმის რეჟისორი?
19:15 / 28-09-2023
რეჟისორ ნანა ჯანელიძის ფილმის - "იარე, ლიზას" ჩვენებას, რომელიც გუშინ კინოთეატრ "ამირანში" გაიმართა, საზოგადოების ნაწილის პროტესტი მოჰყვა. სოციალურ ქსელში ვრცელდება ვიდეო, სადაც ჩანს, როგორ ტოვებენ დარბაზს და აკრიტიკებენ ფილმის შინაარსსა თუ რეჟისორს მაყურებლები. მაყურებელთა ნაწილის პოზიციით, ფილმში გადმოცემული ფაქტები რეალობას არ ასახავს. მათივე შეფასებით, სცენარში, რომელიც ჟურნალისტ ლია ტოკლიკიშვილს ეკუთვნის, ქართველები დამნაშავეებად, ხოლო აფხაზები უცოდველებად არიან წარმოჩენილი. განსაკუთრებული გაღიზიანება ფილმის მთავარი გმირის მიერ ენგურს იქით ხმამაღლა დაძახილმა "ბოდიშმა" გამოიწვია. ქართველი ჟურნალისტი ბოდიშს უხდის აფხაზებს.
ფილმის შესახებ განცხადება გაავრცელა კულტურის, სპორტისა და ახალგაზრდობის მინისტრი, თეა წულუკიანმა. როგორც ის წერს, ფილმი ჯერ არ უნახავს, და საკუთარს აზრს მოგვიანებით, მას შემდეგ გამოთქვამს, როცა ფილმს ნახავს.
ფილმის დაფინანსებასთან დაკავშირებით მინისტრი აღნიშნავს, რომ ფილმი ნანა ჯანელიძეს, "ჩაწყობით" და უკონკურსოდ დაუფინანსეს მაშინ, როდესაც პრემიერი გიორგი გახარია იყო.
ფილმთან დაკავშირებით სოციალურ ქელში ვრცელ განმარტებას აქვეყნებს რეჟისორი ნანა ჯანელიძე:
"ყველას, ვინც ნახა და მოეწონა, ან არ მოეწონა "იარე ლიზა“:ფილმზე მუშაობისას ვფიქრობდი, რომ "იარე ლიზა“ კამათს, აზრთა სხვადასხვაობას, ხმაურს გამოიწვევდა. სწორედ ეს არის ამ ფილმის მისია - მივიწყებული და ანესთეზირებული ტკივილის გაღვიძება, ფიქრი, კამათი და გამოსავლის ერთად(!) ძიება. 30 წელი გავიდა და უზარმაზარი დუმილის და უნდობლობის კედელი აღიმართა ჩვენსა და აფხაზებს შორის. თანდათან გახუნდა ბანერები “გახსოვდეს აფხაზეთი“. სცენარზე მუშაობისას ჩვენი მოგზაურობა წარსულში ძალიან მტკივნეული იყო: გმირობა და ღალატი, პატრიოტიზმი და დანაშაული - ორივე მხრიდან...
ორივე მხარეს ადამიანები "მართლები“ იყვნენ საკუთარი თავის წინაშე და ვერცერთი ვერ ვაცნობიერებდით, რომ მარიონეტები ვიყავით რუსეთის ხელში...
მაშინაც და ახლაც ვფიქრობ, რომ აუცილებელია მომხდარის გაანალიზება და არ უნდა შევუშინდეთ საკუთარ შეცდომებს, საკუთარი თავის შეფასებას, პირველი ნაბიჯის გადადგმას და ბოდიშის მოხდას. სხვანაირად ჩვენ, როგორც ერი, ქვეყანა, სახელმწიფო ვერ განვაგრძობთ ცხოვრებას, ეს დუმილი უკან დაგვწევს, წინსვლის საშუალებას არ მოგვცემს... ჩვენ ჩვენი უნდა ვთქვათ და მაშინ შეიძლება აფხაზებსაც ეყოთ გამბედაობა, თავისი თქვან."იარე ლიზამ“ ახალი სიმძაფრე შესძინა აფხაზეთის თემას - აღმოჩნდა, რომ ის ყველას აწუხებს, თუმცა რეალური გააზრება, გეგმა ამ თემის გადაწყვეტისა არავის აქვს: არც ხელოვანს, არც პოლიტიკოსს.
2011 წელს დავიწყეთ ამ თემაზე მუშაობა და პარალელურად ფინანსების მოძიება. ასე ეტაპობრივად ფინანსდებოდა ეს პროექტი 2021 წლამდე. აქვე მადლობა მინდა გადავუხადო ყველა იმ კერძო და სახელმწიფო ორგანიზაციას, რომელიც გვერდში ამომიდგა.
მგონია, ფილმის მთავარი იდეა სწორედ ეს არის: გვერდზე გადავდოთ ჩვენი ეგო, გავიაზროთ ჩვენ ჩვენი ტკივილები, შევაფასოთ და ერთად დავიწყოთ ფიქრი, როგორ შევხვდეთ აფხაზებს, რომლებთანაც საუკუნეების განმავლობაში ნათესაობა და პატივისცემა გვაკავშირებდა.
რუსეთიც ხომ უკვე ალბათ მალე დატოვებს აქაურობას...
წაიკითხეთ ასევე:
- "ეს ფილმი ჩაწყობით დაფინანსდა პრემიერ გახარიასგან" - აურზაური ნანა ჯანელიძის ფილმის ირგვლივ: რა მოხდა ჩვენებაზე და რას წერს თეა წულუკიანი?
- "ნანა ჯანელიძეს მინდა მივულოცო... სააკაშვილი და თეა წულუკიანი უკვე ერთ აზრზე არიან და ერთად იბრძვიან..." - რას წერს მერაბ მეტრეველი ფილმზე "იარე, ლიზა"?
მკითხველის კომენტარები /
37 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ახლა მარგოშიას მახარაძეს და მათ ბანდას იარაღს დაურიგებენ ქართველთა სისხლის დაიღვარელად ჩვენი ქვეყნის დასაქცევად
საბოდიშო მართლა აქვთ იმათ, რომლებმაც რუსეთის დავალება ასი პროცენტით კი არა, გადაჭარბებით რომ შეასრულეს და ჯერ თბილისში, რუსთაველზე დაიწყეს ძმათამკვლელი ომი, აქ, თბილისში რომ ხვრეტდნენ „ზვიადისტებს“, მერე სამეგრელოში საკუთარ სისხლსა და ხორცს არბევდნენ, სახლებს და სოფლებს რო სწვავდნენ, ანუ პირდაპირ ღალატობდნენ საკუთარ ქვეყანას, თავიდან სწორედ ის მოღალატე კატეგორია შეაიარაღეს და შეუშვეს სათარეშოდ სამეგრელოდან აფხაზეთში, საშოვნელად რომ იყვნენ ისინი მერე უკან გამოიქცნენ და იქ დაწყებულ სისხლისღვრას კი საჯიშე ქართველობა, ადგილობრივი მოსახლეობა შეახოცეს, რაც შეეხება აფხაზებს - ამაზე ეს აზრი მაქვს - აფხაზი, ისევე როგორც სვანი, მეგრელი, იმერელი, კახელი, გურული არის აფხაზეთში და განსაკუთრებით სამურზაყანოში მცხოვრები ადგილობრივი, აბორიგენი ქართული მოსახლეობა, ის ვითომ აფხაზები კი არიან ჩრდილო კავკასიელი აფსუები. რაც შეეხება ქვეყნის გამთლიანებას - მანამ სანამ სრულფასოვნად არ გამოიძიებს ეროვნული მთავრობა აფხაზეთის ტრაგედიას, სანამ მოღალატეებს არ ჩამოვაშორებთ საერთოდ პოლიტიკას და საჯარო სამსახურს, სანამ ყველაფერს არ დაერქმევა მართალი სახელი, მანამდე ვიქნებით ასე - აფხაზეთს გაიხსენებენ გარკვეულ რიცხვებში მემორიალებთან, ძმათა სასაფლაოებთან, ფარისევლურად, საპიაროდ...მანამდე კი სულ უფრო და უფრო ვშორდებით ჩვენს ულამაზეს, ზღაპრულ კუთხეს, ჩვენს ოდაბადეს!