"ორი მანქანით მოვიდნენ და ლანძღვა დამიწყეს" - ხმაური თბილისის საკრებულოს სხდომაზე
დედაქალაქის საკრებულოს სხდომა ხმაურის ფონზე მიმდინარეობს. ხმაური ფრაქცია „ქართული ოცნების - დემოკრატიული საქართველოს“ წევრის, კონსტანტინე ზარნაძის სიტყვით გამოსვლას მოჰყვა.
კერძოდ, ზარნაძემ აღნიშნა, რომ იმ დროს, როდესაც მანქანით გადაადგილდებოდა, მასთან „ორი მანქანით მივიდნენ და ლანძღვა დაუწყეს“. როგორც ზარნაძემ განაცხადა, ისინი მას აგინებდნენ, მანქანას კი სტიკერები დააკრეს, რომელიც სალანძღავ სიტყვებს შეიცავდა.
აღნიშნულს გამოეხმაურა თბილისის საკრებულოს ფრაქცია „ერთიანი „ნაციონალური მოძრაობის“ წევრი ნინო კვიტაიშვილი. როგორც მან აღნიშნა, კოტე ზარნაძემ „აღნიშნულ პირებს შუა თითი უჩვენა“.
აღნიშნული განცხადების საპასუხოდ ზარნაძემ აღნიშნა: „მე დავიწყე?!“.