მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩემო ძვირფასო, პატარა შვილო. საბოლოოდ გიპოვეს... გთხოვ მაპატიე, რომ იმ საშინელ მომენტში შენთან არ ვიყავი" - რაჭაში დაღუპული კიდევ ერთი ბიჭუნას იდენტიფიცირება მოხდა: - რას წერს მამა?
12:34 / 13-09-2023
ამ ცოტა ხნის წინ ცნობილი გახდა, რომ 32-ე ცხედარი, რომელიც მაშველებმა რაჭაში, სტიქიის ზონაში იპოვეს, ზაზა მესხის მეუღლის, ალინა პოლიკოვსკას შვილია. ბავშვის მამა იაროსლავ პოლიკოვსკი სოციალურ ქსელში შვილის ფოტოსა და ვრცელ სტატუსს აქვეყნებს.
"ჩემო საყვარელო, ჩემო ძვირფასო პატარა შვილო. საბოლოოდ გიპოვეს. ჩვენ ვიპოვეთ შენი უსიცოცხლო სხეული და ჩვენ "მოხარულები" ვართ ამით. რაოდენ სასტიკადაც არ უნდა ჟღერდეს, მაგრამ ახლა შეგვიძლია დედასთან ერთად დაგასაფლავოთ. და ჩვენ გვექნება თქვენთან მოსასვლელი ადგილი.
ძალიან მიყვარხარ. მიყვარხარ უსაზღვროდ, ჩემს სიცოცხლეზე მეტად. გთხოვ მაპატიე, რომ იმ საშინელ მომენტში შენთან არ ვიყავი. რომ ვერ დაგიცავი. ასეთი შესაძლებლობა რომ ყოფილიყო, აუცილებლად გაგიცვლიდი ადგილს. ძალიან მინდა, რომ ცოცხალი იყო.
მხიარული და ცნობისმოყვარე ბიჭი იყავი. შენთვის ყველაფერი ახლა იწყებოდა. სამწუხაროდ, ცხოვრება სასტიკი რამ არის. რატომღაც, საუკეთესოები გვტოვებენ. მხოლოდ ერთი რამ მამშვიდებს. რომ ახლა იქ მარტო არ ხარ. ღრუბელზე ფეხებჩამოკიდებული ზიხარ, გვერდით დედაშენი ალინა, შენი ორი ძმა და ზაზა გიზის. შენ იღიმი და ზემოდან გვიყურებ.
საშინელმა ტკივილმა გული და სული გამიტეხა. სიტყვებს ვერ ვპოულობ შენდამი სიყვარულის აღსაწერად. სამწუხაროდ, საღამოობით წიგნებს ერთად ვეღარ წავიკითხავთ. აღარ მეტყვი. როგორ ხარ სკოლაში და ვერ მომიყვები. რომ ახალი მეგობრები შეიძინე. ვერ იტრაბახებ ახალი მანქანის მოდელით შენი კოლექციიდან, რომელსაც ამდენი ხნის განმავლობაში აგროვებდი. ეს ყველაფერი დასრულდა. სამუდამოდ დასრულდა.
ჩემო ძვირფასო და საყვარელო ბიჭო, სამუდამოდ დარჩები ჩემს გულში. ჩემთან ერთად ხარ მთელი ცხოვრება. ჩემს ბოლო ამოსუნთქვამდე. ჩემს ფიქრებში.
მიყვარხარ, შვილო,
სამუდამოდ. ჩემო სევოჩკა", - წერს მამა.
შეგახსენებთ, რაჭაში, 3 აგვისტოს მომხდარ სტიქიურ უბედურებას ზაზა მესხი, ოჯახთან - მეუღლესა და სამ ბავშვთან ერთად ემსხვერპლა, მათგან ერთ ბიჭუნას მაშველები ჯერ კიდევ ეძებენ.
იხილეთ ასევე:
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამ სიტყვებმა ბოლო მომიᲦო, ᲦმერᲗო, უᲨველე ამ ადამიანებს, მარადისობაᲨი წასულებსაც და აქ სამუდამო ტანჯვისᲗვის განწირულებსაც😢😢😢
რა მძიმე მოსასმენია და რამხელა ტკივილია ამ სიტყვებში.. ღმერთო გააძლებინე შვილმკვდარ მამას...