28
მარტიდღის ზოგადი ასტროლოგიური პროგნოზი
ლიბიაში კვლავ გამანადგურებელი წყალდიდობის შედეგებს ებრძვიან. ჯანდაცვის მინისტრის განცხადებით, 1000-ზე მეტი ადამიანის ცხედარი მასობრივ სასაფლაოზე დაკრძალეს. ამჟამინდელი მონაცემებით, დაღუპულთა რიცხვმა 5 000-ს გადააჭარბა, - ამის თაობაზე 12 სექტემბერს, გვიან ლიბიის აღმოსავლეთის ადმინისტრაციის წარმომადგენელმა მოჰამედ აბუ-ლამუშამ განაცხადა. აღმოსავლეთის მთავრობის კიდევ ერთი წარმომადგენლის ტარიკ ალ-ხარაზის ცნობით კი, მთელი უბნები გარეცხილია და მრავალი ცხედარი ზღვაშია გადატანილი, 10 000-ზე მეტი კი დაკარგულად მიიჩნევა.
წყალდიდობამ კაშხლები, შენობები დაანგრია და ქვეყნის აღმოსავლეთში სანაპირო ქალაქ დერნას მეოთხედი გაანადგურა.
ქვეყნის ოფიციალური პირები მოელიან, რომ გარდაცვლილთა რიცხვი კიდევ უფრო გაიზრდება.
Reuters-ის ცნობით, ვაჰდას ჰოსპიტალის დირექტორმა განაცხადა, რომ ქალაქის ერთ რაიონში 1700 ადამიანი, ხოლო მეორეში 500 ადამიანი გარდაიცვალა.
“ცხედრები ყველგან არის - ზღვაში, ხეობებში, შენობების ქვეშ… არ ვაჭარბებ, როდესაც ვამბობ, რომ ქალაქის 25% გაქრა. ბევრი, ბევრი შენობა ჩამოიშალა,” - განაცხადა ქვეყნის აღმოსავლეთ ნაწილის მაკონტროლებელი ადმინისტრაციის სამოქალაქო ავიაციის მინისტრმა, ჰიჩემ აბუ ჩკიუატმა.
შეგახსენებთ, ძლიერი წყალდიდობა ქარიშხალმა "დანიელმა“ გამოიწვია.
სწორე კადაფის დროს ყვაოდა ლიბია ვერ გადაიყვანა თავის ჭკუაზე ამერიკამ და მუიტო მოუღეს ბოლო
რაც კადაფი აღარ ყავთ, ცუდადაა მაგათი საქმე :(.