მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ვფიქრობდი, ოპერაციის შემდეგ უპრობლემოდ გავაგრძელებდი ცხოვრებას, მაგრამ..." - ლინდა ევანგელისტას ბრძოლა სიმსივნესთან: რას ჰყვება ლეგენდარული მოდელი ურთულეს გამოწვევაზე
12:11 / 06-09-2023
ლინდა ევანგელისტა Wall Street Journal-ის ახალი ციფრული ნომრის გარეკანზეა. სუპერმოდელმა გულახდილ ინტერვიუში გაამჟღავნა, რომ ბოლო 5 წლის განმავლობაში ორჯერ მოუწია ძუძუს კიბოსთან ბრძოლა.
58 წლის ევანგელისტა ყვება, რომ პირველად მას მკერდის კიბოს დიაგნოზი 2018 წელს დაუსვეს.
"პირველად, ის ჩემს ყოველწლიურ მამოგრაფიაზე დაფიქსირდა. ჯანმრთელობის სხვა პრობლემებიდან გამომდინარე, უყოყმანოდ ვარჩიე, რომ ორმაგი მასტექტომია გამეკეთებინა (პროცედურა, რომლის დროსაც ძუძუს კვეთენ) ვფიქრობდი, რომ ოპერაციის შემდეგ უპრობლემოდ გავაგრძელებდი ცხოვრებას და მკერდის კიბო არ მომკლავდა".
მიუხედავად ამისა, 2022 წლის ივლისში ლინდას მკერდის სიმსივნე კვლავ გაუმეორდა. მოდელი თავის ონკოლოგთან დაბრუნდა და მტკიცედ მოსთხოვა, სიმსივნე ძირფესვიანად ამოეკვეთა.
"არ მინდა, რომ ლამაზად გამოიყურებოდეს. როცა ოპერაციას მორჩები, მინდა, რომ მკერდში ხვრელი დავინახო. გასაგებია?! ამ დაავადებით სიკვდილს არ ვაპირებ!" - უთხრა თურმე ევანგელისტამ ექიმს. ამბობს, რომ იცოდა, როგორ უნდა გამკლავებოდა დაავადებას და სწორედ ამ გეგმას მიჰყვა.
ახლახან ევანგელისტა ონკოლოგთან ოპერაციის შემდგომ ვიზიტზე იყო. გამოცემას მოდელი უყვება, რომ ექიმის ახალი პროგნოზით, მისი მდგომარეობა დამაკმაყოფილებელია. მოდელი აღიარებს, რომ ასეთი პასუხი არ ახარებს, რადგან ექიმმა სიმსივნის კვლავ განმეორების რისკების შესახებ გააფრთხილა.
ლინდა ევანგელისტა სილაღეს მაინც არ კარგავს და ამბობს, რომ მადლიერია ყოველი დღისთვის:
"ვიცი, რომ ცალი ფეხი სამარეში მაქვს, მარამ საზეიმო განწყობაზე ვარ. ჯანმრთელობის საშინელ პრობლემებთან მომიწია გამკლავება და ახლა, უბრალოდ, ბედნიერი ვარ, რომ ცოცხალი ვარ. ამის გარდა, ჩემთვის ყველაფერი ბონუსია".
ლინდა ევანგელისტასთან კოლაბორაციით, 13 სექტემბერს ახალი წიგნი გამოიცემა. მისი ავტორი ლინდას ახლო მეგობარი და ფოტოგრაფი, სტივენ მაისელია. წიგნი მათი მეგობრობის ისტორიას გვიყვება და მასში ევანგელისტას 200-მდე ფოტოა, რომელიც სტივენმა მას ბოლო 30 წლის განმავლობაში გადაუღო. სტივენ მაისელის წიგნი 13 სექტმებრიდან გაიყიდება და მიღებული შემოსავალი ძუძუს კიბოს კვლევას მოხმარდება.
წყარო: people
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ძლიერი ადამიანი, ყველათვის მაგალითი უნდა იყოს მისი შეუპოვრობა.
სულ მალე, ყველა ონკოლოგიურად დაავადებულ ქალბატონებს გაეგოთ ექიმებისაგან: თქვენ სრულიად დაამარცხეთ კიბო! ინებოს უფალმა!