"ძალიან მეპარება ეჭვი, ვინმეს ვადარდებდეთ... იქეიფე "ერო", "დიდგვაროვნებო", რომელი რესტორანი გაქვთ დაჯავშნილი?" - მარიტა გუტაშვილი გოჩა ენუქიძეს, კახა კალაძეს და სხვადასხვა უწყებებს მიმართავს

მარიტა გუტაშვილმა, რომელმაც შოვის სტიქიის დროს ოჯახის 9 წევრი დაკარგა, 28 აგვისტოს, "ფეისბუქში" პოსტი გამოაქვეყნა და მაჟორიტარ დეპუტატ გოჩა ენუქიძეს, თბილისის მერ კახა კალაძეს და სხვადასხვა სახელისუფლო უწყებებს მიმართა.

"გოჩა ენუქიძე / Gocha Enukidze Papuna Margvelidze Sergi Khidesheli ონის მუნიციპალიტეტის მერია რაჭა-ლეჩხუმის და ქვემო სვანეთის მხარე ირაკლი კობახიძე / Irakli Kobakhidze Irakli Garibashvili საქართველოს მთავრობა Kakha Kaladze კახა კალაძე 112 Georgia/112 საქართველო შინაგან საქმეთა სამინისტრო / Ministry of Internal Affairs of Georgia

რას ველოდებით?? დასვენების დღეა დღეს ოფიციალურად?

დედაჩემი თავს იკლავს შიმშილობით, მამაჩემი ამაზე ნერვიულობით, თან ჩამოსაწერი აქვს, რა "დავკარგეთ" შოვში ღვარცოფის შედეგად. მე პირადად ცხრავე მიცვალებული გულდასმით მყავს დათვალიერებული პროზექტურაში (ჩემების გარდაც 10 გვამამდე სხვაც დავათვალიერე ჩემების ძებნაში), ორგანიზებაც მე გავუწიე დაკრძალვის თემებს, ყველაფერთან ერთად ეხლა ვზივარ სახლში და ყველაფერ ნანახს ვამატებ ამ ორი ადამიანის ტანჯვას. ანუ თქვენი გეგმაც ესაა, ჯერ ამათაც ვუყურო და მერე მეც მომიშოროთ? ეგრე დაგავალეს? ეგრე მოიფიქრეთ? თუ არა და თქვენ თუ ვერ მოდიხართ, ფსიქოლოგი მაინც გამოგვიგზავნეთ თუ გული შეგტკივათ ჩვენზე... ძალიან მეპარება ეჭვი ვინმეს ვადარდებდეთ, დღეს მარიამობაა, იქეიფე "ერო" საქეიფოდ და დროს სატარებლად გვაქვს ზუსტად საქმე, "დიდგვაროვნებო", რომელი რესტორანი გაქვთ დაჯავშნილი? მეც დამპატიჟეთ შენდობას შევუთვლით ერთად ამოწყვეტილ ოჯახებს.

P.S. ვისაც კიდევ რამის გწამთ, გილოცავთ მარიამობას. აქვე არ შემიძლია არ ავღნიშნო რუსთავის მერია / Rustavi City Hall ნინო ლაცაბიძე / Nino Latsabidze ოთარ ტატალაშვილი, გვანცა ქემაშვილი, ხალხი ვინც დამეხმარა ყველაფერში, რაც კი შეეძლოთ. მადლობა გამოჩენილი ადამიანობისთვის", - წერს მარიტა გუტაშვილი.