ძლიერი აფეთქება მაჰაჩყალაში - დაღუპულია სულ ცოტა 27 ადამიანი
ორშაბათ საღამოს დაღესტნის რესპუბლიკის დედაქალაქ მაჰაჩყალაში ბენზინგასამართ სადგური აფეთქდა. აფეთქების შედეგად ძლიერი ხანძარი გაჩნდა, რომლის ფართობმა 600 კვადრატულ მეტრს მიაღწია. დაღუპულთა რაოდენობა 27-მდე გაიზარდა, - ინფორმაციას რუსული მედია ავრცელებს.
ადგილობრივი ხელისუფლების ცნობით, თავდაპირველი აფეთქების ადგილი ბენზინგასამართი სადგურის მოპირდაპირე მხარეა. გავრცელებული ინფორმაციით, გაზგასამართ სადგურზე ათი გაზის ავზიდან ორი აფეთქდა. მათივე თქმით, დაღუპულებს შორის 3 ბავშვია. დაშავებულია 75 ადამიანი, მათგან 11 ბავშვი.
აფეთქების მიზეზი ჯერჯერობით უცნობია. აღძრულია სისხლის სამართლის საქმე უსაფრთხოების მოთხოვნების დაკმაყოფილების გარეშე მომსახურების გაწევის ფაქტზე, რამაც ორი ან მეტი ადამიანის სიკვდილი გამოიწვია.