კვირას ბრიტანეთმა შვედეთში ჩასული თავისი მოქალაქეები შესაძლო ტერორისტული თავდასხმების შესახებ გააფრთხილა. განახლებულ სამოგზაურო რჩევებში, ბრიტანეთის საგარეო საქმეთა სამინისტრომ მოქალაქეებს სიფრთხილისკენ მოუწოდა:
"ფრთხილად უნდა იყოთ. ტერორისტები დიდი ალბათობით თავდასხმების განხორციელებას შეეცდებიან. ტურისტების თავშეყრის ადგილები კი მათი პოტენციური სამიზნე იქნება“, - ნათქვამია განცხადებაში.
ბრიტანეთის შეცვლილ სამოგზაურო რჩევებს, შვედეთის ეროვნული უსაფრთხოების მრჩეველი ჰენრიკ ლანდერჰოლმი გამოეხმაურა და აღნიშნა, რომ ანტიისლამური აქტივისტების მიერ ყურანის დაწვის შემდეგ, საფრთხის რისკი გაზრდილია - შვედეთში ყურანის დაწვა ნებადართულია სიტყვის თავისუფლების წესებით, მაგრამ მუსლიმები წმინდა წიგნის დაწვას მკრეხელობად მიიჩნევენ.
შვედეთში მოგზაურობისგან თავის შეკავებისკენ მოქალაქეებს აშშ-მაც მოუწოდა.
შეგახსენებთ, რომ 19 ივლისს, ერაყში შვედეთის საელჩოზე თავდასხმა განხორციელდა, 1-ლ აგვისტოს კი თურქეთში შვედეთის საკონსულოს თანამშრომელი დაჭრეს.
მე ვიტყვი სიმართლეს და არ დამიწყოთ ბევრი ბაზარი რა!!!!!!! შეიძლება რო მსოფლიომ ნორმალურად და წყნარად იცხოვროს, მაგრამ ეს არ აწყობთ მსოფლიო ლიდერებს და მხოლოდ ეს არის ამ ყველა უბედურების თავი და თავი რა. ისე კარგად შეთანხმდებოდნენ და ისეთი კარგი მშვიდობა იქნებოდა დედამიწაზე, რომ ყველას გაუკვირდებოდა, მაგრამ ნუ არუნდათ და სანამ ამ პლანეტას არ დააზიანებენ მანამდე არ მოასვენებთ გამჩენი ალბათ რა. მერე ადამიანებისგან რო გაიწმინდება დედამიწა გახდება წალკოტი.
საფრანგეთის პრეზიდენტიდან დაწყებული მთელი მსოფლიო რომ გაიძახოდა "მე ვარ ჩარლი"ო, ფრანგები სკოლაშიდაც ბავშვებს უხსნიდნენ რომ ის ჟურნალი კარგს წერდა მუჰამედს რომ ეშმაკისეულად მოიხსენიებდაო..., მაგას ბევრი აფეთქებები და მსხვერპლი მოჰყვა. შემდეგ შეეშინდათ, ჩამოხსნეს ბანერები, სკოლებშიც პირიქით დაიწყეს იმ გაზეთის რედაქციის გამტყუნებაც და ამდენი მიცვალებულიც ყველამ მიივიწყა. ახლა კიდევ არ ასვენებთ გამჩენი...