29
მარტიდღის ზოგადი ასტროლოგიური პროგნოზი
სოხუმში თურქეთიდან ე.წ. რეპატრიანტი, 56 წლის ხან-იპა რიდვან ინხან-იპა ჩაცხრილეს. ის ბოლო წლების განმავლობაში ოკუპირებულ აფხაზეთში ცხოვრობდა და ბიზნესი ჰქონდა. ადგილობრივი მედიის ცნობით, მკვლელობა 7 აგვისტოს ღამით მოხდა. მკვლელობის საქმეზე კი ძებნა ორ პირზე გამოცხადდა.
"მოგვიანებით, ცხელ კვალზე, გალის რაიონში, ტერეშკოვას ქუჩაზე, უზბეკეთის მოქალაქე, 1992 წელს დაბადებული ოტბეკ სალომოვი და აზერბაიჯანის მოქალაქე, 1998 წელს დაბადებული ალი იბრაგიმოვი დააკავეს. მათ სამართალდამცავებს წინააღმდეგობა გაუწიეს, თუმცა დაკავება მაინც შეძლეს.
ხან-იპა რიდვან ინხან იპა თურქეთის რესპუბლიკის ქალაქ ნაპაზარაში დაიბადა. თურქულის გარდა, აფხაზეთის მოქალაქეობაც ჰქონდა და აქტიურად იყო ჩართული ადგილობრივების ცხოვრებაში. სოხუმში მას რამდენიმე ბიზნესი, ასევე კომერციული ფართები ჰქონდა. დიდი ალბათობით, მადა ჭამაში მოუვიდა, რაც ვიღაცებს არ მოეწონათ და არ შეარჩინეს", - წერს ადგილობრივი მედია.
- მართალია, მედია მკვლელობაში ბრალდებულების დაკავებაზე წერს, თუმცა ადგილობრივები ამბობენ, რომ ისინი ე.წ. სამართალდამცველების მიერ ლიკვიდირებულები არიან.
eadaily.com-ის ცნობით, ეს პირველი შემთხვევა არ არის, როდესაც სოხუმში თურქეთის მოქალაქე მოკლეს. მიმდინარე წლის მაისში, ოკუპირებულ აფხაზეთში, ასევე თურქეთის მოქალაქე აიდინა ახმეტა მოკლეს. ადგილობრივების ცნობით, მისი მკვლელობა, თურქეთში მოკლული იუკსელ უსტახიუსეინის მკვლელობის გამო შურისძიება იყო.
"მკვლელობა მაშინაც სოხუმის ცენტრში მოხდა და თურქეთიდან რეპატრირებულზე თავდასხმისას, ოთხი ადამიანი, მათ შორის 14 წლის მოზარდი დაშავდა. ამბობენ, რომ აზერბაიჯანის მოქალაქე დადაშოვ ნიჯათმა, რომელიც აფხაზეთში დღემდე ძებნაშია, აიდინ ახმეტის მკვლელობისთვის უსტაჰუსეინზე იძია შური", - წერენ ადგილობრივები.
აფხაზები სოციალურ ქსელებში აღნიშნავენ, რომ დიდი ალბათობით, ორივე მათგანს ყალბი აფხაზური ე.წ. პასპორტი ჰქონდა და "ქართულ მხარეს აპირებდნენ გადმოპარვას", თუმცა, მთავარი ეს არ არის, მათი თქმით, შემკვეთი, ე.წ. ხელმძღვანელობის წარმომადგენელია და "უნდა გამოაშკარავდეს".
"მე ვიცნობდი მოკლულს. გულრფიშშიც ჰქონდა სახლი. მისი წინაპარი ავიძბა ყოფილა და თავადაც ეს გვარი აიღო. ძალიან კარგი ადმიანი იყო და როგორც ვიცი, ძალიან ბევრს ეხმარებოდა. ასეთი დამოკიდებულებით, არავის მოუნდება ჩვენთან არც ბიზნესი და აღარც თანაცხოვრება. უკვე რამდენიმე ადამიანია მოკლული სოხუმის ცენტრში. დღისით, მზისით", - წერს მარინა კიჩბა.
"მე ვიცი, რომ აყვანისას ორივემ წინააღმდეგობა გაუწია და ორივე ლიკვიდირებულია. ეს კი ნიშნავს, რომ ვერასდროს გავიგებთ სინამდვილეში რა მოხდა, რისთვის მოკლეს ავიძბა, ვისი დავალება იყო, ვინ შეუკვეთა მისი მკვლელობა ან ეს სნაიპერები როგორ შემოიყვანეს აფხაზეთში", - მიაჩნია სემიონ კვიცინიას.
"ერთ-ერთს რა სასაცილო მაისური აცვია. ტურისტების არ იყოს, სნაიპერებიც როგორი შეუმდგარები შემოდიან აფხაზეთში.. მეორეს ხელზე გაურკვეველი ტატუ აქვს, ხანდახან არ მინდა დავფიქრდე, რა ხდება ჩვენ გარშემო, ვინ შემოდის, რა დავალება აქვს", - წერს ნიკოლოზ ოტირბა.
"ზაფხული, რუსეთიდან შემოდინებული ტურისტების უკონტროლო ნაკადის ფონზე, მკვლელობების სერიებით გვამახსოვრდება, ერთადერთი მიზეზის გამო - აფხაზეთში ნარკობიზნესი ყვავის და თითქმის ყველა მკვლელობის მოტივი ეს არის", - მიაჩნია ვიკა ხაზალიას.
მაგ ველური კრიმინალების დაბრუნება გვინდა? მაგათთან თანაცხოვრება შეუძლებელი იქნება.
გეგონება , აქ არ ხოცავენ ერთმანეთს ყოველდღე! განუკითხაობა....