8
მაისიდღის ზოგადი ასტროლოგიური პროგნოზი
რამდენიმედღიანი ძებნის შემდეგ, გალის რაიონში გაუჩინარებული 28 წლის ნათია ბახტაძის საქმეზე დაკავებულმა აინარ წვიჟბამ დანაშაული აღირა. აფხაზური მედიის ცნობით, მან გოგო ჯერ გაიტაცა, შემდეგ კი, "ლექსუსის" მარკის ავტომანქანის სალონში გაგუდა, ცხედარი კი, ვარდნილჰეს-3-ის კასკადთან მოიშორა...
ადგილობრივმა ტელევიზია ГалМедиа-მ გაავრცელა კადრები, თუ როგორ ეძებდნენ მაშველები გოგონას ცხედარს დამნაშავის კარნახით, იმ ადგილას, სადაც ტრაგედია მოხდა...
ადგილობრივი ე.წ. პროკურატურის ცნობით, აინარ წვიჟბა წარმოშობით ოჩამჩირიდანაა.
25 წლის წვიჟბა ჯერჯერობით არ ამბობს, რა მოტივით ჩაიდინა დანაშაული, თუმცა მკვლელობის მოტივი, სავარაუდოდ, ეჭვიანობაა... მას თავისუფლების 6-დან 12 წლამდე აღკვეთა ემუქრება.
გამომცემლობა ekhokavkaza.com-თან საუბარში, გალის ე.წ. დეპუტატი თემურ შერგილია ამბობს, რომ მკვლელობის მოტივი, სავარაუდოდ, წვიჟბასა და მოკლულ გოგონას შორის პირადი ურთიერთობებია.
მისივე თქმით, წვიჟბების ოჯახს ძალიან დიდი ხანია იცნობს, როგორც ვაჟს, ასევე მამას.
"ძალიან კარგი ოჯახის შვილია. მამამისი წლების განმავლობაში მუშაობდა გალის რაიონის ადმინისტრაციის უფროსის მოადგილედ. შვილს გალში, წვრილმანი ბიზნესი ჰქონდა, მამას ეხმარებოდა, გალში, ქალაქში რამდენიმე კომერციული ობიექტი ჰქონდათ...
ძალიან ცუდი ფაქტი მოხდა. დარწმუნებული ვარ, გამოძიება თავის საქმეს ბოლომდე მიიყვანს... ახლა მთავარია, გოგონას ცხედარი ვიპოვოთ, რათა უბედურ დედას შვილის დატირების შესაძლებლობა მაინც მიეცეს... ძალიან ვწუხვარ გოგონას გამო, მას მხოლოდ დედა ჰყავდა, რომელმაც შვილისთვის ყველაფერი გააკეთა, ასწავლა, განათლება მისცა, გოგონა სკოლაში მუშაობდა და ალბათ, სამომავლო გეგმები ჰქონდა.
რაც შეხება მათ ურთიერთობას, გოგონას დედა ამის შესახებ ჩვენთანაც საუბრობდა. თქვა, რომ ხან ჩხუბობდნენ, ხანაც რიგდებოდნენ. სულ კონფლიქტი ჰქონდათ. უდიდესი ტრაგედია მოხდა", - ამბობს შერგილია.
ადგილობრივების თქმით, წვიჟბების ოჯახს, წლებია პურის ფქვილის ბიზნესი აქვთ. ბიჭი კი, გალში ხშირად იყო, რადგან ამ საოჯახო საქმის დეტალებს უწევდა კონტროლს.
მათ არ სჯერათ, რომ წვიჟბების ვაჟი შესაბამისად დაისჯება, რადგან ფულიანმა მამამ უკვე ფეხზე დააყენა თავის სანაცნობო, რომელიც პატარა აფხაზეთში ნამდვილად ბლომად ჰყავს...
მათივე თქმით, წვიჟბა მას შემდეგ ალაპარაკდა, რაც პროკურატურაში მამამისი მივიდა.
"მამამ დაარიგა რა და როგორ ეთქვა, რათა ვითარება შეემსუბუქებინა... ეჭვიანობის თემაც, რომელსაც გალის დეპუტატი და სხვა ჩინოვნიკები ასე აქტიურად იმეორებენ, ხელოვნურად შემოტანილი თემაა... სინამდვილეში, სხვა რაღაცაშია საქმე. ცოლობაზე უარი მითხრა, შემდეგ კი მანქანიდან გაქცევა სცადა, რაზეც ვიეჭვიანე და ვერ მოვზომეო. სხვა პატარა მაფიოზებივით, მასაც სასათბურე პირობებს შეუქმნიან ციხეში, სულ ცოტა სამვარსკვლავიანი სასტუმროს ნომერს გაუხსნიან, რამდენიმე ხნის შემდეგ კი, როცა ამბავი ყველას მიავიწყდება, მზრუნველი მამა საბუთებს მოუგვარებს და რუსეთში გაუშვებს", - წერს ინტერნეტმომხმარებელი იასონ კლიჩი.
ისე დროა, რომ აფსუებს აფხაზები აღარ ვუძახოთ. აფხაზი ისეთივე ქართველია, როგორც სვანი, გურული, კახელი და ა.შ. აფსუები მთებიდან ჩამოსული თემია, რომლებიც შევიფარეთ, დავაკვიდრეთ და მერე ზურგში დანა ჩაგვარტყეს.
ეგეც შენი აფხაზი ძმები. დარწმუნებული ვარ, სჯეროდა, რომ ქართველის მოკვლა ხახვივით შერჩებოდა და ამიტომაც გაიმეტა ასე იოლად. საწყალი გოგო აფხაზი რომ ყოფილიყო, ვერ გაბედავდა მოკვლას, ასე მგონია.