საქართველოს ქალ ძალოსანთა ტრიუმფალური ასპარეზობა ევროპის ჩემპიონატზე - მოასპარეზე სამი გოგონადან სამივე ჩემპიონი გახდა
საქართველოს ქალ ძალოსანთა ნაკრებმა ბუქარესტში მიმდინარე (U20) ძალოსანთა ევროპის ჩემპიონატზე ასპარეზობა ტრიუმფალურად დაასრულა.
ამის შესახებ ინცორმაციას საქართველოს ძალოსნობის ეროვნული ფედერაცია აქვეყნებს.
"შეჯიბრზე მოასპარეზე 3 გოგონადან სამივე ჩემპიონი გახდა. გოგონებმა მთავარი მწვრთნელის, თემურ ჯანჯღავას ხელმძღვანელობით უმაღლესი სინჯის - 8 ოქროს მედალი მოიპოვეს. მარიამ მაისურაძემ ქალთა ნაკრების ყულაბა 2 ოქროს მედლით გახსნა, ამის შემდეგ ნათია გადელიამ 3 ოქროს მედალი მოიპოვა, ასევე 3 ოქროს მედლით დაიმშვენა მკერდი მარიამ მურღვლიანმაც." - ვითხულობთ გავრცელებულ ინფორმაციაში.