10
მაისიდღის ზოგადი ასტროლოგიური პროგნოზი
ავღანეთის პროვინცია ჰერათში გასულ კვირას "თალიბანის" წევრებმა მუსიკალური ინსტრუმენტები საჯაროდ დაწვეს. მთავრობა მუსიკას არასასიამოვნოდ და ამორალურად მიიჩნევს.
პროვინციის ხელისუფლების აზრით, მუსიკა ცუდად მოქმედებს საზოგადოებრივ მორალზე.
მედიის ცნობით, ჰერათში ათასობით დოლარის ღირებულების ათობით გიტარა და სხვა სიმებიანი ინსტრუმენტი, პიანინოები, დასარტყამი ინსტრუმენტები და დინამიკები დაწვეს.
აზიზ ალ-რაჰმან ალ-მუჯაჰირი, ავღანეთის სათნოების დაცვისა და მანკიერების დათრგუნვის სამინისტროს სპიკერი ამბობს, რომ ინსტრუმენტების დაწვა ადგილობრივი თეოლოგების მიერ გამოტანილი ფატვას (რელიგიური განაჩენი) შესრულება იყო: "მუსიკა აფუჭებს მორალს და ახალგაზრდები არასწორი გზით მიჰყავს“ - განმარტავს იგი.
ავღანეთის მუსიკის ეროვნული ინსტიტუტის დამფუძნებელი, აჰმად სარმასტი, რომელიც ამჟამად პორტუგალიაში ცხოვრობს, "თალიბანის" ქმედებებს ვანდალიზმსა და კულტურულ გენოციდს უწოდებს.
ტიმურ კურანი, დიუკის უნივერსიტეტის პროფესორი აშშ-ში, აღნიშნავს, რომ ყურანში მუსიკასთან დაკავშირებით არანაირი აკრძალვა არ არსებობს. მიუხედავად ამისა, 2021 წლიდან თალიბები მოსახლეობას რეგულარულად ართმევდნენ მუსიკალურ ინსტრუმენტებს და ავიწროებდნენ პროფესიონალ მუსიკოსებს, ამის გამო ასევე იყო სიკვდილით დასჯის შემთხვევებიც.
ცინიზმის პკია როცა ათალიბანი და საერთოდ ზნეობაზე დაიწყებს საუბარს,მაშინ როცა მათთვის პედოფილია, პატარა ბიჭებთან სექსუალური კავშირის დამყარება ტრადიციის ნაწილია
ავღანეთში მუსიკალური ინსტრუმენტები, შვეციაში რელიგიური ლიტერატურა