წარმატებული მისია, რომელმაც სამყარო დაიცვა: "ნასას" კოსმოსურმა ხომალდმა ასტეროიდს ტრაექტორია შეუცვალა
2021 წლის ნოემბერში კალიფორნიის სამხედრო კოსმოდრომიდან კოსმოსური ხომალდი გაუშვეს. ხომალდის მისია შემდგომში მდგომარეობდა: იგი უნდა დასჯახებოდა 160 მეტრიან ასტეროიდს და მისი ტრაექტორია შეეცვალა. ამ მეთოდით მეცნიერებს სურდათ პრაქტიკაში შეემოწმებინათ, შესაძლებელი იყო თუ არა პლანეტის დაცვა გარე კოსმოსიდან რეალური საფრთხის შემთხვევაში.
საცდელი შეჯახებისთვის, ნასამ, ევროპის კოსმოსურ სააგენტოსთან ერთად, უპილოტო მანქანა DART შექმნა - ისტორიაში პირველი კამიკაძე კოსმოსური ხომალდი, რომელიც 600 კგ-ზე ოდნავ მეტს იწონის.
მხოლოდ დანიშნულების ადგილამდე მისვლას თითქმის 10 თვე დასჭირდა. ამოცანას DART-მა თავი ბრწყინვალედ გაართვა. დაახლოებით 24,000 კმ/სთ (6,5 კმ/წმ) სიჩქარით აჩქარების შემდეგ, იგი ასტეროიდს შეეჯახა და მიმართულება შეუცვალა.
ამ მისიის შემდეგ, ასტრონომები აქტიურად აკვირდებიან ასტეროიდის მოძრაობას. ცოტა ხნის წინ, "ნასამ" დიმორფის კიდევ ერთი სურათი გამოაქვეყნა, რომელიც ჰაბლის ტელესკოპის მიერ, გასული წლის დეკემბერში გადაიღეს.
ფოტოზე ჩანს, რომ ასტეროიდმა საკუთარი თანამგზავრები შეიძინა. მას აკრავს სულ მცირე სამი ათეული ჰეტეროგენული ქვის ფრაგმენტი. ევროპის კოსმოსური ობსერვატორიის თანამშრომლებმა ზუსტად განსაზღვრეს კოსმოსური ქანების ზომა. მათი თქმით, ყველაზე დიდი ფრაგმენტის დიამეტრი 6,5 მ-ს აღემატება; ყველაზე პატარა - დაახლოებით 1 მეტრია.