ბენიამინ ნათანიაჰუ კვლავ ჰოსპიტალიზებულია - ისრაელის ლიდერი კლინიკაში არითმიით გადაიყვანეს
ისრაელის პრემიერ-მინისტრი-ბენიამინ ნათანიაჰუ გულის არითმიით კლინიკაში გადაიყვანეს. ადგილობრივი მედიის ცნობით, არითმიის გასაკონტროლებლად მას კარდიოსტიმულატორი დაუყენეს.
73 წლის ნათანიაჰუ თელ-ავივში, კლინიკა "შებაში" იმყოფება.
ექიმების თქმით, კარდიოსტიმულატორის დაყენების პროცედურამ შეუფერხებლად ჩაიარა.
აღსანიშნავია, რომ ნათანიაჰუს არითმია მას შემდეგ განუვითარდა რაც რამდენიმე დღის დეჰიდრატაციით საავადმყოფოში მოხვდა, თუმცა მაშინ ის მალევე გაწერეს.