"პარასკევს, ღამის 2 საათზე, ლუკა თბილისის ზღვაზე წავიდა ტაქსით" - რა დეტალები ხდება ცნობილი ლუკა ლაცაბიძის გაუჩინარების შესახებ

უკვე მე - 4 დღეა თბილისში 21 წლის ბიჭს ლუკა ლაცაბიძეს ახლობლები და სამართალდამცავები ეძებენ.

დაკარგული ბიჭის ნათესავი, ეკა ლაცაბიძე სოციალურ ქსელში მიმართვას ავცელებს.

"ვავრცელებ ლუკას მეგობრების ინიციატივით და მეც ვუერთდები. ბოლო ინფორმაციით, რომელიც ლუკა ლაცაბიძის დედამ მოგვაწოდა, დადასტურდა, რომ პარასკევს ღამის 2 საათზე ლუკა თბილისის ზღვაზე წავიდა ტაქსით.

17:00 ვიწყებთ შეკრებას თბილისის ზღვის კლუბის ტერიტორიაზე და პოლიციის გვერდით ლუკას ძებნას. მთელი ღამე მანდ ვრჩებით. გვჭირდება ნათურები. დიდი შანსია, რომ ლუკა მანდ არის და ახლა ყოველი წამია გადამწყვეტი! ყველას გთხოვთ ნუ იქნებით გულგრილები და დაგვეხმარეთ 22 წლის ლუკას პოვნაში! ლუკას ოჯახი და მეგობრები" - წერს ეკა ლაცაბიძე.

განახლება:

18 ივლისს, საღამოს, თბილისის ზღვაში ლუკა ლაცაბიძის ცხედარი იპოვეს.