9
მაისიდღის ზოგადი ასტროლოგიური პროგნოზი
- ფოტოზე: 2022 წლის 8 ოქტომბრის აფეთქება
ყირიმის ხიდი პარალიზებულია, როგორც რუსული მხარე აცხადებს, ამის მიზეზი "საგანგებო შემთხვევაა". ზუსტად რა მოხდა ყირიმის ხიდზე, ამ დრომდე გაურკვეველია. ადგილობრივი წყაროების განცხადებით, ძლიერი აფეთქებების ხმა გაიგეს.
რუსეთის ბელგოროდის ოლქის გუბერნატორმა დაადასტურა, რომ ყირიმის ხიდზე დაიღუპა ცოლ-ქმარი, მათი შვილი კი დაშავდა. მანამდე რუსული ტელეგრამ-არხები წერდნენ, რომ ხიდის მალის ჩამოვარდნის შედეგად დაღუპულია ბელგოროდელი ცოლ-ქმარი, მათი 14 წლის ქალიშვილი კი მძიმედ დაშავდა.
რუსული საინფორმაციო საშუალებების ცნობით, ყირიმის ხიდთან, კრასნოდარის მხარეს, ავტომობილების მრავალკილომეტრიანი რიგია.
2 ადამიანის სიკვდილი და 1-ის დაშავება დაადასტურა რუსეთის კრასნოდარის მხარის ჯანდაცვის სამსახურმაც.
შეგახსენებთ, ქერჩის სრუტეზე გამავალი საავტომობილო და სარკინიგზო ხიდი ანექსირებულ ყირიმს რუსეთის კრასნოდარის მხარესთან აკავშირებს.
უკრაინული მედია წერს, რომ ყირიმის ხიდზე თავდასხმა უკრაინის სამხედრო-საზღვაო ძალებმა და უსაფრთხოების სამსახურმა ერთობლივად განახორციელეს.
ამის შესახებ "რბკ უკრაინა" უსაფრთხოების სამსახურის წარმომადგენლებზე დაყრდნობით წერს. მათი წყაროს ინფორმაციით, ხიდს "წყალზედა დრონებით“ შეუტიეს და მიუხედავად იმისა, რომ ხიდამდე მიღწევა რთული იყო, ეს შეძლეს.
"ხიდს თავს დაესხნენ საზღვაო, ე.წ. წყალზედა დრონების საშუალებით, ხიდამდე მისვლა რთული იყო, მაგრამ ბოლოს და ბოლოს, ეს მოხერხდა", - ამბობს წყარო.
ტელეგრამ-არხი Mash -იც ირწმუნება, რომ ყირიმის ოლქს შეუტიეს მოდერნიზებული წყლის დრონებით. მისი ცნობით, ეს მომხდარის ძირითადი ვერსიაა.
უკრაინის თავდაცვის სამინისტროს დაზვერვის მთავარი სამმართველოს სპიკერმა ანდრი იუსოვმა უკრაინის საზოგადოებრივ მაუწყებელს განუცხადა, რომ დღეს მთელი მსოფლიო ხედავს "მრავალკილომეტრიან საცობს და ხიდის კონსტრუქციების რღვევას", თუმცა, მიზეზებზე დამატებით კომენტარს არ გააკეთებენ. იუსოვის თქმით, მას შეუძლია მოიყვანოს მხოლოდ სამხედრო დაზვერვის ხელმძღვანელის, კირილო ბუდანოვის ციტატა, რომ "ყირიმის ხიდი ზედმეტი კონსტრუქციაა“.
მეტი ჯერ არაფერი თქმულა - ოფიციალურად არც უკრაინის ხელისუფლებას და არც სამხედროებს პასუხისმგებლობა მომხდარზე არ აუღიათ.
ყირიმის ხიდზე მომხდარი ინციდენტი, შესაძლოა, მოსკოვის პროვოკაცია იყოს. პროვოკაციების მოწყობა ყირიმის საოკუპაციო ხელისუფლების და რუსეთისთვის პრობლემების გადაჭრის ტიპური გზაა, - ამის შესახებ უკრაინის სამხრეთის ძალების გაერთიანებული საკოორდინაციო პრესცენტრის ხელმძღვანელმა, ნატალია გუმენიუკმა განაცხადა.
"ასეთი პროვოკაციების შექმნა, რომელსაც ყირიმის საოკუპაციო ხელისუფლება მაშინვე ძალიან ხმამაღლა ავრცელებს, ყირიმის ხელისუფლებისა და აგრესორი ქვეყნისთვის პრობლემების გადაჭრის ტიპური გზაა“, - განაცხადა მან.
ყირიმის ხიდზე "საგანგებო შემთხვევა“ 2023 წლის 10 ივლისსაც იყო შექმნილი, მაშინ რუსეთის თავდაცვის სამინისტრომ განაცხადა, რომ უკრაინის არმიამ "წარუმატებლად“ სცადა ყირიმის ხიდზე სარაკეტო შეტევა.
შეგახსენებთ, 2022 წლის 8 ოქტომბერს, ყირიმის ხიდზე მოხდა ძლიერი აფეთქება, რომელმაც გამოიწვია ხიდის საავტომობილო ნაწილის ნგრევა და ძლიერი ხანძარი სარკინიგზო ნაწილზე.
უკრაინა აფეთქებასთან კავშირს ოფიციალურად არც იმჟამად აღიარებდა. 2023 წლის 8 ივლისს კი, უკრაინის თავდაცვის მინისტრის მოადგილე ანა მალიარმა ტელეგრამზე დაწერა, რომ 273 დღე გავიდა ყირიმის ხიდზე პირველი დარტყმიდან, რომლის მიზანიც რუსეთის ლოჯისტიკის გატეხვა იყო.
იხილეთ ასევე:
რუსეთ-უკრაინის ომის პარალელურად მიდის საინფორმაციო ომიც, რომელშიც მრავლადაა დეზინფორმაციები და ფეიკ-ნიუსები ორივე მხრიდან, განსაკუთრებით უკრაინული!!!
თურმე:
1. წელს:
- რუსეთმა ყირიმის ხიდი (ხელომეორედ) თვითონ ააფეთქა;
- რუსეთის მიერ კონტროლირებადი კახოვკის კაშხალი თვითონ ააფეთქეს;
- რუსეთის მიერ კონტროლირებად ზაპოროჟიეს ატომურ სადგურზე სარაკეტო და საარტილერიო დარტყმებს თვითონ აყენებენ;
- კრემლზე დრონებით თავდასხმა თვითონ განახორციელეს;
- ბელგოროდის ოლქში ტერორისტული აქტები თვითონ განახორციელეს;
- მოსკოვის ოლქში ჟურნალისტ დარია (დაშა) დუგინას საკუთარ ავტომობილში აფეთქება თვითონ მოუწყვეს;
- პეტერბურგის კაფეში მომხდარი აფეთქება, რის შედეგად დაიღუპა სამხედრო ბლოგერი ვლადლენ ტატარსკი (მაქსიმ ფომინი) თვითონ განახორციელეს;
2. შარშან:
- ევროპაში მიმავალი წყალქვეშა გაზსადენები ჩრდილოეთ ნაკადი 1 და 2 თვითონ ააფეთქეს;
- ყირიმის ხიდი (პირველად) თვითონ ააფეთქა;
- კრამატორსკზე განახორციელეს სარაკეტო დარტყმა, რის შედეგადაც დაიღუპა ასობით მშვიდობიანი, უდანაშაულო მოქალაქეები, მათ შორის ბავშვები და ქალები!
- ბუჩაში რუსეთმა დახოცა ადგილობრივი მოსახლეობა, რომლებსაც თეთრი ფერის სამკლავეები ეკეთად ნიშნად იმისა, რომ არიან მშვიდობიანი მოქალაქეები.
მონათესავე კი არა ერთი ერია.