მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჯანეტ ქერდიყოშვილი: "ბედნიერი ცხოვრების, კარგი ფოტოსესიისა და პირადი ჰარმონიის წესები სილამაზის დედოფლისგან"
16:30 / 30-06-2023
ჯანეტ ქერდიყოშვილი საკმაოდ ცნობილია საქართველოში და მის ფარგლებს გარეთ. 2011 წელს მან “მის საქართველოს” ტიტული მოიპოვა, 2013 წელს კი პოპულარულ სატელევიზიო სიმღერის კონკურსში მიიღო მონაწილეობა. თუმცა სანამდე მიიყვანდა მას მისი გასაოცარი ხმა - უცნობია, რადგან მომღერლის კარიერასა და მოდელის კარიერას შორის, კონტრაქტის გამო, ეს უკანასკნელი უნდა აერჩია. ამიტომ მან დატოვა პროექტი, რათა წარმოედგინა ქვეყანა “მის სამყაროს” კონკურსზე. ჯანეტი ამას ღირსეულად გაუმკლავდა: გახდა ტელეწამყვანი, გახსნა ორი ბიზნესი (დიზაინის სტუდია და ჯანსაღი დეტოქს კვების ბრენდი) და ცოლად გაჰყვა ცნობილ პროდიუსერს და ტელეწამყვანს ნოე სულაბერიძეზეს. წყვილი ერთად ზრდის პატარა ქალიშვილს. იდეალურია, არა? ჯანეტს ვთხოვეთ გაეზიარებინა არა მხოლოდ ფოტოები, არამედ აზრები ბედნიერი ცხოვრების და მასში ბალანსის პოვნის შესახებ.
საქართველოს ყველაზე ლამაზი ქალის ტიტული ჩემი ცხოვრების ყველაზე ამაღელვებელი მომენტი გახდა. მან შეცვალა ჩემი წარმოდგენა საკუთარ თავზე და შემმატა თავდაჯერებულობა, შემიმცირა თვითკრიტიკა, მასწავლა საკუთარი თავის და ჩემი ინდივიდუალობის დაფასება. თუმცა, ყოველთვის ვახსენებ საკუთარ თავს, რომ სილამაზე არამხოლოდ გარეგნობაა, ეს შინაგანი სამყაროცაა, რომელსაც ასევე სჭირდება განვითარება და შენარჩუნება.
თითოეულ ქალს თავდაუჯერებლობის საკუთარი მიზეზი აქვს. არ არსებობს მახინჯი ქალი, არიან ქალები, რომლებმაც არ იციან როგორ გაუსვან ხაზი და სწორად წარმოაჩინონ საკუთარი სილამაზე. სოციალურ ქსელებში, სხვა ყველაფერთან ერთად, ამასაც ვასწავლი ჩემს გამომწერებს.
“მის სამყაროს” კონკურსზე არმოხვედრა დიდი იმედგაცრუება იყო. რადგან თავად კონკურსისთვის ძალიან დიდი ხნის განმავლობაში ბეჯითად ვემზადებოდი: დამღლელი ყოველდღიური ვარჯიშები, შეზღუდული კვება, გადატვირთული განრიგი, მუდმივი გადაღებები და ინტერვიუები. მაგრამ, დარწმუნებული ვარ, ყველაფერი, რაც ხდება, ხდება უკეთესობისკენ. საბოლოოდ ასეც მოხდა.
ახლა ორიენტირებული ვარ ჩემი ბიზნესისა და ბლოგის განვითარებაზე - შემიძლია ვიყო ადამიანებთან კავშირზე და დავეხმარო მათ. ალბათ, შემთხვევით არ იყო, რომ ბავშვობაში ექიმობაზეც ვოცნებობდი, მინდოდა დავხმარებოდი ხალხს. ჩემი გამოცდილების გაზიარების, შთაგონების და საზოგადოებისთვის რაიმე სასარგებლოს შექმნის იდეა ყოველთვის მიზიდავდა. ამიტომაც ცალკე სოციალური ქსელის მეშვეობით (ინსტაგრამში) შევქმენი გვერდი, სადაც უფასოდ ვუზიარებ გამომწერებს სასარგებლო ხრიკებს და ცოდნას, თუ როგორ მართონ თავიანთი სოც.გვერდი წარმატებულად და გახადონ ის შემოსავლის წყაროდაც. ასე რომ, რაღაც გაგებით, ჩემი დღევანდელი საქმიანობა ნაწილობრივ შეესაბამება ჩემი ბავშვობის ოცნებებს.
იყავი გამბედავი და მიჰყევი შენს ოცნებებს, მაშინაც კი, თუ მათკენ მიმავალი გზა რთული გეჩვენება. იმაზე მეტი შეგიძლია, ვიდრე წარმოგიდგენია, შენი რწმენა კი დაგეხმარება წარმატების მიღწევაში. ეს ყველაზე მნიშვნელოვანი რჩევაა, რაც მიმიღია ჩემს ცხოვრებაში. ხოლო წარსულში დაბრუნება რომ შემეძლოს და იმ 19 წლის გოგონასთვის თავად რჩევის მიცემა, დავამატებდი: „ნუ შეგეშინდება იყო ნამდვილი და საკუთარი თავის ერთგული. და, რა თქმა უნდა, ამ საოცარი მოგზაურობის თითოეული მომენტით ისიამოვნე!”
ფოტოები სოციალურ ქსელებში მხოლოდ ნაწილია ჩვენი ისტორიის. მაგრამ ჩვენ ჩვენს ცხოვრებას სიამოვნებით ვუზიარებთ ყველას. ჩემი მეუღლე მხარს მიჭერს ჩემს საქმიანობაში და საკუთარი სურვილით იღებს მონაწილეობას ფოტო გადაღებებში, ჩემი ქალიშვილი კი ამ პროცესს დიდი ინტერესით ადევნებს თვალს და ხშირად კადრების ინიციატორიცაა.
ზოგჯერ დღის განმავლობაში იმდენი საქმეა, რომ ფოტოებზე, ვიდეოებსა და პოსტებზე მუშაობა ღამით მიწევს. ტელეფონი ჩემს საქმიანობაში მნიშვნელოვან როლს თამაშობს, უფრო სწორად, საკვანძო. ამიტომ, წლებია ვიყენებ Apple-ის პროდუქციას, რაც მნიშვნელოვნად ამარტივებს კონტენტის შექმნის მთელ პროცესს. მისი ფუნქციონალობა, კერძოდ, უახლესი მოდელის მრავალკამერიანი ტექნოლოგია, საშუალებას მაძლევს გადასაღებად არ გამოვიყენო სპეციალური ძვირადღირებული ტექნიკა. iPhone 14-ზე (მე Pro Max მოდელი მაქვს), ფართო კუთხის და ულტრა ფართო კუთხის ლინზები ერთად მუშაობს, რაც ერთდროულად დეტალიზაციას და კადრის ფართო პერსპექტივას მაძლევს. როგორც კაშკაშა მზეზე, ასევე ღამის ცის ქვეშ პროფესიონალური კადრები გამოდის.
"იდილია", ბედნიერი ოჯახი - ეს ემოციური სტაბილურობა და კოლოსალური შრომაა. ორი ადამიანი დიდი სიყვარულიდან ყოველდღიურად ქმნის ურთიერთგაგებისა და ურთიერთპატივისცემის ატმოსფეროს. ეს აისახება ჩვენს პატარაზე, რომელიც დაბადებიდან გრძნობს ამ სიყვარულს და სითბოს.
როდესაც ჟურნალისტები და გამომწერები გამუდმებით ადევნებენ თვალს შენს ცხოვრებას, ეს შეიძლება გახდეს გამოწვევა. მაგრამ ვცდილობ, ამან არ მოახდინოს ზეგავლენა ჩემს ცხოვრებაზე და მხოლოდ პოზიტიურ ემოციებს ვუშვებ მასში: სოციალორ ქსელებში გულშემატკივრების მხარდაჭერას და ყურადღებას ვიღებ; ასე რომ, საჯაროობაში რაღაც სასიამოვნოც არის.
ვცდილობ, დავარეგულირო ჩემი დრო ისე, რომ შევინარჩუნო ბალანსი სამუშაოსა და პირადს შორის, ასევე დავიტოვო დრო შემოქმედებისთვის. მაგრამ ყველაფრის დელეგირება შეუძლებელია: გადაღებებისა და ახალი პროექტების ყველა იდეას მე თვითონ ვაყალიბებ. მერე გადაღებებს ვაწყობ, შემდეგ კი ვამონტაჟებ და პოსტებს ვწერ. ყველა ამ პროცესისთვის მხოლოდ ტელეფონი მჭირდება. ვიღებ ნებისმიერ კონტენტს და ვამონტაჟებ უშუალოდ ჩემს საყვარელ iPhone 14 Pro Max-ზე. ის მეხმარება არა მხოლოდ კარგი ფოტოების გადაღებაში, არამედ მოკლე პროფესიონალური ვიდეოების ჩაწერაში და რედაქტირებაში. მომწონს, რომ ის სწრაფად რთავს აპლიკაციებს და ნებისმიერ გრაფიკულ რედაქტორს - ეს ძალიან მოსახერხებელია და, რაც მთავარია, შედეგად ყოველთვის ხარისხიან პროდუქტს ვიღებ.
ჩემთვის მნიშვნელოვანია, რომ ჩემს აუდიტორიას შევთავაზო მაღალი ხარისხის კონტენტი, ვიყო მუდმივ კონტაქტზე და დავრჩე აქტუალური. წარმატებული ბლოგისთვის ასევე მნიშვნელოვანია ცოდნის და ტექნიკის მუდმივი გაუმჯობესება. ამიტომ ვაახლებ ჩემს iPhone-ს, ვაკვირდები ტრენდებს და ვცდილობ შევინარჩუნო აქტუალურობა, ვიყო ყურადღებიანი დეტალების მიმართ. ალბათ, ზოგადმა ფილოსოფიამ დამაკავშირა წლობით ამ ტექნიკასთან. გარდა ამისა, ყველაფერი, რასაც ჩემს აუდიტორიას ვურჩევ, ყოველთვის შემოწმებულია უშუალოდ ჩემი გამოცდილებით. ჩემი აზრით, ეს მნიშვნელოვანია.
iPhone 14-ის ხაზის ნებისმიერი მოდელის არჩევისას, შეგიძლიათ გადაიღოთ საოცარი ფოტოები და ვიდეო. საქართველოში შეძენა ახლა კიდევ უფრო ხელმისაწვდომი გახდა TBC ბანკის მეშვეობით: მხოლოდ 2 ივლისამდე შეგიძლიათ შეიძინოთ ახალი iPhone 14 განვადებით (12 თვის ვადით) ავტორიზებული რესელერებისგან: iSpace, Alta, iTechnics, iStore, iPlus.
R
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
