ლისის საოცრებათა ქვეყანაში Tbilisi Open Air- 2023 დასრულდა

ლისის საოცრებათა ქვეყანაში Tbilisi Open Air- 2023 25 ივნისს დასრულდა.

ღია ცის ქვეშ, ცოცხალი მუსიკის თანხლებით, ემოციებისა და დაუვიწყარი მოგონებების შეგროვების ტრადიციას Tbilisi Open Air- მა უკვე მეთოთხმეტედ უმასპინძლა.

წელსაც, ტრადიციულად, სამი დღის განმავლობაში, Lisi Wonderland-ში ის საოცარი საფესტივალო განწყობა იგრძნობოდა, რაც ყველას მუსიკის გარშემო აერთიანებდა.

<iframe width="560" height="315" src="https://www.youtube.com/embed/d3DgZrVE1vU" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

3 დღის განმავლობაში 4 საფესტივალო სცენა დაიკავეს უცხოელმა და ქართველმა შემსრულებლებმა. არტისტებს შორის იყვნენ, Tom Odell, Kaleo, Moderat, Rejjie Snow, Imany, Ben Klock.

მთავარ სცენაზე ქართველი ბენდებიც გამოჩნდნენ: Bedford Falls, Circus Mircus, 4D Monster Lobsters, Skazz და სხვები.

Main Stage-ის დასრულებისის შემდეგ, მსმენელს ღამის სცენები EYESTAGE, Zion Garden - და Singer Stage დილამდე მასპინძლობდა.

<iframe width="560" height="315" src="https://www.youtube.com/embed/t_NvrLEZlaw" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Tbilisi Open Air აერთიანებს სხვადასხვა ინტერესის, ასაკის, ჰობისა და მუსიკალური გემოვნების ადამიანებს. ფესტივალის მთავარი სლოგანიც ეს არის - მუსიკა ათავისუფლებს.

Tbilisi Open Air 2009 წელს Altervision Group-ის ინიციატივით დაარსდა და მას შემდეგ კავკასიის რეგიონში ყველაზე მასშტაბური მუსიკალური ღონისძიებაა. ამ პერიოდის განმავლობაში, ფესტივალმა 1000- მდე მუსიკოსს უმასპინძლა. მათ შორის იყვნენ მსოფლიო დონის ისეთი არტისტები და ჯგუფები როგორებიცაა: Deep Purple, Placebo, DDT, Archive, Tricky, UNKLE, Sevdaliza, Roman Flugel.

ფოტო/ვიდეო: ვანო გორგიშვილი