"მაისიდან დამიმძიმდა ჯანმრთელობის მდგომარეობა, რაც დამთავრდა მძიმე ოპერაციით" - რას წერს გია ხარჩილავა?
წალენჯიხის მერი გია ხარჩილავა ამბობს, რომ ბოლო თვეები ჯანმრთელობის პრობლემები ჰქონდა, რის გამოც ეს პერიოდი საჯაროდ არ ჩანდა.
განმარტებას ის სოციალურ ქსელში ავრცელებს:
"მცირე (როგორც ჩანს,საჭირო) განმარტება/საჯაროობისგან თავშეკავების მერე/ მაისის თვიდან დამიმძიმდა ჯანმრთელობის მდგომარეობა, რაც დამთავრდა მძიმე ოპერაციით.
დღეს გამწერეს კლინიკიდან. ვარ ბინაზე, პოსტოპერაციულ მართვაზე. მთელი ეს პერიოდი მოადგილეებთან, ვანოსთან და თამარისთან, ადმინისტრაციასთან-ალბერტისთან და სამსახურებთან ერთად ჩართული ვიყავი რაიონის ყოველდღიურობაში, რამდენადაც ჯანმრთელობის რეგლამენტი მაძლევდა შესაძლებლობას.
გულწრფელად მაწუხებს, რომ ეს პერიოდი ფიზიკურად მოვწყდი და ბოლომდე ვერ ვიხარჯებოდი იმ საქმეში, რაც თქვენ დამავალეთ, ძვირფასო წალენჯიხელებო! კიდევ ცოტა დრო დამჭირდება! მადლობა!" - წერს ხარჩილავა.