რომეო მამის კვალზე - უმცროსი ბექჰემის ახალი საფეხბურთო კონტრაქტი
ინგლისური ფეხბურთისა და "მანჩესტერ იუნაიტედის" ვარსკლავის, დევიდ ბექჰემის შვილმა, რომეო ბექჰემმა პრემიერ ლიგის კლუბ Brentford B-სთან ერთწლიანი კონტრაქტი გააფორმა. "ბრენტფორდმა", რომლის უფროსი გუნდიც ინგლისის ფეხბურთის უმაღლეს დივიზიონში თამაშობს, განაცხადა, რომ კლუბს შესაძლებლობა აქვს, ფეხბურთელთან დადებული ხელშეკრულება მომავალში კიდევ დამატებითი წლით გაახანგრძლივოს. 20 წლის ფეხბურთელი მანამდე Inter Miami-ში თამაშობდა, რომლის წილსაც მამამისი ფლობს.
კლუბთან საუბრისას, უმცროსმა ბექჰემმა ახალი ხელშეკრულების შესახებ განაცხადა: "საუკეთესო გრძნობაა. ძალიან მიხარია. ახალი სეზონის დასაწყებად მზად ვარ".
გასულ სეზონში რომეო "ბრენტფორდის" B გუნდში იჯარის წესით თამაშობდა.
"ეს ძალიან კარგი გამოცდილება იყო და ყოველი წამი მიყვარდა", - თქვა მან კლუბში გატარებული დროის შესახებ. Brentford B-ის მწვრთნელმა, ნიკ მაკფარლეინმა კლუბის ვებსაიტზე გამოქვეყნებულ განცხადებაში თქვა:
"რომეო ჩვენს გუნდში იანვარში დავამატეთ და ის ფანტასტიკური იყო. მან სეზონი შესანიშნავად დაასრულა მანჩესტერ სიტისთან ბოლო მატჩის თვალსაზრისით, სადაც აჩვენა, რა ისწავლა ჩვენთან თამაშის დროს. მოუთმენლად ველით მის უკან დაბრუნებას და მომავალ სეზონში მასთან ერთად მუშაობის გაგრძელებას".
წყარო: cnn
მოამზადა: ანა სიბოშვილმა